Hesekiel 9:6 - AHYERƐLƐ KRONGRON

⁶ Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Hesekiel 9:6 Iomraidhean Croise

Gyenesise 4:15

Na AWURADE sele ye kyɛ, “Nna sɔ ɔ! Sɛ ebie ku Kein a, bɛkɔtɔ sɔ sona ne so wereɛ pɛen nzoo.” Na AWURADE hyɛle Kein nzorɛ, kyɛbɔ ɔkɔyɛ na ebie nwu ye a ongohu ye ɔ.

2 Aberɛso Dwirɛ 36:17

Yiti Nyameɛ mane Babilɔn hene fale koɛ ɔɔtoale bɛ, na ɔfale ngrandɛ huhuni bɛ mmerandeɛ mɔ wɔ bɛ nekaa krongron awuro berɛ. Babilɔn hene wannwu aberandeɛ anaa taluwa, aworowaa anaa yarefoɛ biala anwumvoin, na Nyameɛ fale bɛ mukoraa wurale ye sa.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Yeremia 16:6

Atitire mɔ ne kwahweabaa mɔ, bekowuwu wɔ aseɛ ye aso. Bengosie bɛ, bengosu bɛ, yeɛ bengogyina bɛ wue ne aso bɛngɔtete bɛ nwonaen anaa bɛngɔbɔ tikwa.

Yeremia 25:29

Ofikyɛ, tie, kuro bɔ me dumaa la so ne yeɛ médi moa meprapra musue megua ye so ɔ, na ɛmɔ de, ɛmɔkɔfa ɛmɔ nwo bekoli tɔtorɔtɔɔ anaa? Ɛmɔngɔfa ɛmɔ nwo bengoli tɔtorɔtɔɔ, ofikyɛ mebaasoma ngrandɛ meba aseɛ so ama amukoraa so, Asafo AWURADE noa dwirɛ ɛne.’

Yeremia 44:7

Na afei, AWURADE Asafo Nyameɛ, Yisrael Nyameɛ bisa kyɛ: Nzu ati yeɛ ɛmɔyɔ bɔne piri he betia ɛmɔ kra, bɔ ɛmɔnua mmienzua ne mmrasua bɛ boso, yeɛ nnɔma ne ngwadaa bɛ boso befi Yuda, bɔ ɛmɔ nu ko po wanga ye?

Yeremia 44:8

Nzu ati yeɛ ɛmɔfa ɛmɔ sa noa nnwumaa bewura me apue, bɔ ɛmɔyera ɛyɛɛ bɛma nyameɛ foforɛ mɔ wɔ Misraim aseɛ bɔ ɛmɔatena so ne aso, bɔ ɔnate ye sɔ ati ɛmɔ boso kɔnnua, ná ɛmɔayɛ ɛnomalɛ nikye ne ngorohoɛ nikye wɔ aseɛ ye aso maen amukoraa nu ɔ?

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Yeremia 9:21

Ofikyɛ ewue afo waagyina yɛ mboma mɔ anu, wawura y’ahemvie mɔ anu, kyɛ ɔbaahũhũ ngwadaa nemɔ fi dwaa nemɔ aso, yeɛ mmerandeɛ nemɔ fi mmorɔnoɛ nemɔ aso.

Hesekiel 11:1

Afei Sunzum ne mane me so, na ɔfale me wale AWURADE awuro berɛ eyia afiteleɛ anoa piri bɔ ye nye kyire eyia afiteleɛ ne anyunu. Na nwuni mmienzua aburanyɔ ne nnu wɔ anoa piri ne anyunu berɛ, na nwuni Asure awa Yaasania ne Benaya awa Pelatia bɔ bɛte maen mbanyi ne kyɛ bɛboka bɛ so ɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Hesekiel 9:5

Na ndele kyɛ ɔkã kyire bɛ ngaa ne koso kyɛ, “Ɛ́mɔli ye si behyini kuro ne anu behũhũ mmenia; nnɛma ɛmɔkorɔkorɔ bɛ, yeɛ nnɛma ɛmɔnwu bɛ anwumvoin.

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Luka 12:47

“Akoaa bɔ ɔse bɔ ye mene kuro, nakoso wammoaboa ye nwo wanzie, anaa wanyɔ ye mene apɛdeɛ nen, ɔkɔbo ye botorɔ.

Deuteronomi 2:34

Sɔ mmerɛ ne, yɛho yɛfale ye nguro nemɔ amukoraati, yɛbɔle nguro nemɔ amukoraati bɔkɔɔ, yɛhuhuni mmienzua ne mmrasua ne ngwadaa amukoraati, na yanyakyi bɛ nu ko po.

Deuteronomi 3:6

Yɛsɛkyele bɛ bɔkɔɔ, kyɛbɔ yɛyɔle Hesebon hene Sihon ne: yɛsɛkyele kuro biala, na yɛhuhuni mmienzua ne mmrasua ne ngwadaa mukoraati.

Deuteronomi 32:23

“ ‘Ngɔprapra musue ngogua bɛ so, ngɔto m’agyaen maa ɔkɔhɔ bɛ so.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Nyekyire 7:3

kyɛ, “Nnɛma ɛmɔha aseɛ anaa ɛpo anaa mmakaa, kɔpem kyɛ yɛkɔfa nzɔanoɛ yɛkɔteta yɛ Nyameɛ ngoaa mɔ bɛ nwoma so ɔ.”

Nyekyire 9:4

Na bɛhã behyirele bɛ kyɛ, nnɛmaa bɛkeka aseɛ so ndire, anaa nyaa monɛ biala, anaa bakaa biala; sana mmenia bɔ Nyameɛ nzɔanoɛ ne ɔnne bɛ nwoma so nemɔ ngome.

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”