Hesekiel 9:5 - AHYERƐLƐ KRONGRON

⁵ Na ndele kyɛ ɔkã kyire bɛ ngaa ne koso kyɛ, “Ɛ́mɔli ye si behyini kuro ne anu behũhũ mmenia; nnɛma ɛmɔkorɔkorɔ bɛ, yeɛ nnɛma ɛmɔnwu bɛ anwumvoin.

Hesekiel 9:5 Iomraidhean Croise

1 Ahemvo 18:40

Elia sele bɛ kyɛ, “Ɛ́mɔhye Baal ahɔmeɛ nemɔ. Nnɛmɔma bɛ nu ko po nwati.” Yeɛ bɛhyele bɛ, na Elia fale bɛ wale Kison bɔnza ne anwo oohuhuni bɛ wɔ berɛ.

Ɛksadɔso 32:27

Na osele bɛ kyɛ, “AWURADE Yisrael Nyameɛ nwa nyoo, ‘Ɔsɛ kyɛ ebiala fa ye ngrandɛ wura ye nwo, ná okyinikyini asikyeleɛ ne anu, fi ye ti kodwu ye ti, ná okũkũ oliɛma mɔ ne ye mmango mɔ, ɔne mmenia bɔ b’awuro ne ye deɛ pingye ɔ.’ ”

Yesaya 13:18

B’agyaen kohũhũ mmerandeɛ nemɔ, bengonwu nnɔma mɔ anwumvoin, yeɛ ngwadaa koso ngɔyɛ bɛ anwumvo.

Yesaya 22:14

Na Asafo AWURADE waye me asotire kyɛ, “Susu amba kyɛ, sɔ amumuyɛɛ ne ati, mengɔfa ɛmɔ nwo ngɔhyɛ ɛmɔ kɔpem mmerɛ bɔ ɛmɔkowu ɔ,” Asafo AWURADE Nyameɛ noa dwirɛ ɛne.

Yesaya 5:9

Asafo AWURADE ahã agua me so anu kyɛ, “Nahorɛ nu, awuro pee kɔbɔ, awuro mbiri mbiri nyemenenyemene mɔ kɔkakyi dandue.

Yeremia 9:21

Ofikyɛ ewue afo waagyina yɛ mboma mɔ anu, wawura y’ahemvie mɔ anu, kyɛ ɔbaahũhũ ngwadaa nemɔ fi dwaa nemɔ aso, yeɛ mmerandeɛ nemɔ fi mmorɔnoɛ nemɔ aso.

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 7:4

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE.

Hesekiel 7:9

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE bɔ metwe asoɛ ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

1 Samuel 9:15

Ɔhale ɛlɛho ma Sɔɔlo ba ne, né AWURADE ali moa waye wahyire Samuel kyɛ,