Hesekiel 9:4 - AHYERƐLƐ KRONGRON

⁴ Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Hesekiel 9:4 Iomraidhean Croise

Gyenesise 4:15

Na AWURADE sele ye kyɛ, “Nna sɔ ɔ! Sɛ ebie ku Kein a, bɛkɔtɔ sɔ sona ne so wereɛ pɛen nzoo.” Na AWURADE hyɛle Kein nzorɛ, kyɛbɔ ɔkɔyɛ na ebie nwu ye a ongohu ye ɔ.

2 Ahemvo 22:13

“Nwomaa he bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma mene maen ne, ɔne Yuda amukoraa. AWURADE afɛ yɛ so yaa piri paa, ofikyɛ yɛ nana mɔ bandie nwomaa he anu dwirɛ, yeɛ edwirɛ amukoraa bɔ bahyerɛ ye wɔ nu kyɛ yɛli so ne, banni so.”

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Edwein 119:53

Ɔnate bɔnefoɛ bɔ bɛpo wɔ mmeraa ne ati, m’ahone ahu paa.

Ɛksadɔso 12:13

Mogya ne yeɛ ɔkɔhyɛ ɛmɔ nzorɛ, wɔ awuro mɔ bɔ ɛmɔtete nu ne anu ɔ. Na sɛ menwu mogya ne a, ngɔbɔ ngɔtra ɛmɔ, amaa sɛ mébɔ Misraim maen ne a, amaneɛ ne bie ando ɛmɔ.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 12:7

Awuro bɔ bekoli naen ne wɔ nu nen, ɔsɛ kyɛ bɛfa mogya ne bie bɛkeka aponnwaa nyɔ ne, ɔne sua ne ye bati so.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Hesekiel 21:6

“Na wɔ, Sona awa, fa aworabɔlɛ ne yealɛlilɛ gua anwongokoɔ bɔ bɛ nye tua ɔ.

Hesekiel 6:11

AWURADE Nyameɛ nwa nyoo, “Bɔ wɔ sa nu, fa wɔ gya pem pem berɛ, ná kã kyɛ, ‘Aa!’ Ɔnate Yisrael awuro ama b’akyiwadeɛ bɔne bɔ bayɔ ne amukoraa ti ɔ; ofikyɛ bɛkɔtotɔ ngrandɛ noa, na ɛhɔen ne ewue anwonyerɛ kohũhũ bɛ.

Hesekiel 9:5

Na ndele kyɛ ɔkã kyire bɛ ngaa ne koso kyɛ, “Ɛ́mɔli ye si behyini kuro ne anu behũhũ mmenia; nnɛma ɛmɔkorɔkorɔ bɛ, yeɛ nnɛma ɛmɔnwu bɛ anwumvoin.

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’

Sefania 3:18

Bɛ bɔ bedi aworabɔlɛ ne, ngɔboaboa bɛ noa maa bekosa bekoli aluolue ne, amaa ɔnate so animguaseɛ anga wɔ ko.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

2 Korintofoɛ 1:22

Wafa ye nzɔanoɛ wahyɛ yɛ nzorɛ, na wama ye Sunzum ne atena yɛ nu asi yɛ nzolɛhyɛlɛ ne agyinayɛɛ.

2 Korintofoɛ 12:21

Ebiaa meba bieku a, me Nyameɛ kɔbrɛ me ase wɔ ɛmɔ nyunu maa ngoli ɛmɔ nu pee nwo aworabɔlɛ wɔ mmenia somaa bɔ daa bayɔ bɔne, ná kekesaala ye bɛtɛyɔ ná banzakyera b’adwene wɔ brabɔlɛ fiɛ, adwamanbɔlɛ ne ahuhubra nwo ti.

Galatiafoɛ 6:17

Ofi ɛnɛ bɔ ɔkɔ ɔ, nnɛma ebiala ha me; ofikyɛ manya Yesu etwa wɔ me nipadua nwo.

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Nyekyire 14:1

Afei ndole me nye, na yieee, né Boaen Ba ne gyi Sion bokaa ne aso. Na bɛ bɔ bɛboka ye so ne bɛte apee sɔ alaa ɛyaa ko ne aburanna ne nna, bɔ bahyerɛ ye dumaa ne ye Baba dumaa wɔ bɛ nwoma so ɔ.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Nyekyire 9:4

Na bɛhã behyirele bɛ kyɛ, nnɛmaa bɛkeka aseɛ so ndire, anaa nyaa monɛ biala, anaa bakaa biala; sana mmenia bɔ Nyameɛ nzɔanoɛ ne ɔnne bɛ nwoma so nemɔ ngome.