Hesekiel 9:10 - AHYERƐLƐ KRONGRON

¹⁰ Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hesekiel 9:10 Iomraidhean Croise

1 Ahemvo 8:32

ye de tie ye wɔ nyameɛso dɔ ná di dwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

2 Aberɛso Dwirɛ 6:23

ye de tie ye wɔ nyameɛso dɔ, ná di edwirɛ ne. Bua wɔ ngoaa mɔ ndɛen. Bua bɔ wayɔ mvomsoɛ ne foɛ, ná ma ye musue ɔbɔ ye bɔbɔ ye ti so. Nakoso bɔ ɔtengyɛ ne, ɔnate kyɛ ye ndɛen yɛ fɛ ne ati, bua ye be.

Yesaya 13:18

B’agyaen kohũhũ mmerandeɛ nemɔ, bengonwu nnɔma mɔ anwumvoin, yeɛ ngwadaa koso ngɔyɛ bɛ anwumvo.

Yesaya 65:6

Ɛ́mɔtie, bahyerɛ yeɛ ɔla me nyunu ɔ: Mengɔyɛ konn, na mmom ngotua so kerɛ, yoo, ngotua so kerɛ maa ɔkɔbɔ bɛ ti so.

Awuye 1:5

Bɛbɔ bekyi ye ne, bakakyi ye mene mɔ, wayie ye pɔfoɛ mɔ yé, ofikyɛ AWURADE aprapra amaneɛ wagua ye so. Na ɔnate ye mmeraatolɛ worawora ne ati, ye pɔfoɛ mɔ bahye ye mma mɔ nnure, na bafa bɛ bahɔ.

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 16:43

Na ɔnate kyɛ angaye mmerɛ bɔ né ɛte abaayaa, na mmom afa ɛhemɔ amukoraa ahu m’ahone ne ati, tie, ngɔma wɔ yɔleɛ kɔbɔ wɔ ti so, AWURADE Nyameɛ noa dwirɛ ɛne. Aso amva nyanzoen bra ammoka w’akyiwadeɛ yɔleɛ amukoraa so?

Hesekiel 17:19

Yiti AWURADE Nyameɛ nwa nyoo: Kyɛ nde ase ye, nahorɛ nu, me ndaen bɔ wabu ye animtia, ɔne m’apam bɔ wabu so ne, ngɔmaa ɔkɔbɔ ye ti so.

Hesekiel 22:31

Yiti mama m’ahone ahu bɛ so piri paa, mafa m’anyeborolɛ see ne mayera bɛ, na mama bɛ yɔleɛ abɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 23:49

Ɛmɔkonya ɛmɔ nyanzoen bra ne nwo akatuaa, ɛmɔ mmosoensolɛ nwo bɔne ne, ɛmɔkonya ye nwo asohwenɛ, amaa ɔnate so ɛmɔanwu kyɛ me ole AWURADE Nyameɛ.”

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 7:3

Kekesaala ye de, ayieleɛ yeɛ wato wɔ ɔ, ngɔma me yaafɛlɛ ne kɔwa wɔ so; ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Hesekiel 7:4

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hesekiel 9:11

Na yieee, biaa bɔ ɔhera nwera, bɔ nikyee bɔ bɛfa bɛkyerɛ ɔ osĩ ye ne, ɔwale ɔɔhane kyɛ, “Mayɔ kyɛbɔ ɛhyɛle me kyɛ nyɔ ne ala.”

Hesekiel 9:5

Na ndele kyɛ ɔkã kyire bɛ ngaa ne koso kyɛ, “Ɛ́mɔli ye si behyini kuro ne anu behũhũ mmenia; nnɛma ɛmɔkorɔkorɔ bɛ, yeɛ nnɛma ɛmɔnwu bɛ anwumvoin.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Sakaria 11:6

Ofikyɛ mengonwu aseɛ ne aso ama anwumvoin ko, AWURADE noa dwirɛ ɛne. Tie, ngɔma mmenia kɔtotɔ, bɔ ebiala kɔtɔ wɔ obiɛngo sa nu, ɔne ye hene sa nu ɔ. Bɛkɔyɛ aseɛ ne pasaa, na mengɔpepɛ mengole bɛ nngofi bɛ sa nu.”

Deuteronomi 32:41

sɛ mesi me ngrandɛ nahanaha ne, ná me sa sɔ nu wɔ ndɛenbualɛ nu a, ngɔtɔ me pɔfoɛ mɔ so wereɛ, na bɛ bɔ bekyi me koso, ngotua bɛ so kerɛ.

Hebrifoɛ 10:30

Ofikyɛ, yɛse bɔ ɔhane kyɛ, “Wereɛtɔlɛ te me deɛ, na ngotua so kerɛ;” na ye ala yeɛ osa hane kyɛ, “Awurade kobua ye mmenia ndɛen.”