Hesekiel 9:1 - AHYERƐLƐ KRONGRON

¹ Afei ɔteane nu wɔ me so anu serɛserɛ kyɛ, “Ma kuro ne aso awɛmvoɛ nemɔ bɛhwe bepingye wa, ma ebiala ɔfa ye akodeɛ bɔ ɔfa kũkũ mmenia ɔ otira.”

Hesekiel 9:1 Iomraidhean Croise

2 Ahemvo 10:24

Yeɛ bɛhyɛle ye bo kyɛ bɛbɔ afɔleɛ ne naen yeralɛ afɔleɛ. Sɔ mmerɛ ne, né Yehu ali moa wama koɛhonɛfoɛ aburawɔtwɛ baagyinagyina sua ne asi. Né wahyɛ bɛ kyɛ, “Mmenia bɔ mafa bɛ mawura ɛmɔ sa ye, ɛmɔ nu biala bɔ ɔkɔma bɛ nu ko po ɔkɔnwati ne, ɔkɔfa ye ngoa kɔpɛ so.”

1 Aberɛso Dwirɛ 21:15

Na Nyameɛ somane abɔfo maa ɔhɔle Yerusalem kyɛ ɔɔbɔ kuro ne. Na mmerɛ bɔ abɔfo ne yɛle kyɛ ɔbɔ kuro ne nen, AWURADE neane, na ɔsesane ye adwene wɔ kuro ne bɔlɛ ne anwo, na osele abɔfo bɔ ogu so ɔbɔ kuro ne kyɛ, “Wayɛ yé! Yakyi.” Sɔ mmerɛ ne, né AWURADE abɔfo ne ogyi Yebusiniɛ Ɔnan ye nekaa bɔ bɛboro aburoo ne.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Yesaya 6:8

Na ndele AWURADE komvi kyɛ obisa kyɛ, “Nwa yeɛ nzoma yeɛ ɔ, nwa yeɛ ɔkɔhɔ kɔma yɛ ɔ?” Na nzele kyɛ, “Me ɛhe, soma me.”

Yeremia 4:6

Ɛ́mɔfa frangaa bɛ́pena berɛ ma ye nye hyire Sion. Ɛ́mɔnwati bɛɛbɔ ɛmɔ nwo adwaa, nnɛma ɛmɔgyina berɛ, ofikyɛ mebaafa musue ne amaneɛ kandinga paa mefi sorɔ dɔ meba.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”