Hesekiel 8:6 - AHYERƐLƐ KRONGRON

⁶ Yeɛ osa sele me kyɛ, “Sona awa, aso enwu bɔ bɛyɔ ye? Enwu akyiwadeɛ mbiri mbiri bɔ Yisraelfoɛ bɛyɔ ye wa, kyɛ bɛfa betu me befi me nekaa krongron ne anu maa mekɔ dededede ye? Na ekosa konwu akyiwadeɛ mbiri mbiri bieku.”

Hesekiel 8:6 Iomraidhean Croise

2 Aberɛso Dwirɛ 29:5

Na osele bɛ kyɛ, “Lewifoɛ, ɛ́mɔtie me! Ɛ́mɔpete ɛmɔ anwo, ɛ́mɔpete AWURADE ɛmɔ nana mɔ Nyameɛ awuro ne anwo, ná ɛ́mɔyeye akyiwadeɛ nningyein ne béfi nekaa krongron berɛ.

Edwein 78:60

Ye atenaleɛ bɔ ɔwɔ Silo, ɛtena sua bɔ ɔtenane nu wɔ adasa mmaa nu ne, ɔpole ye.

Anyandera 5:14

Ao, ɔhale kãa mane m’ayieleɛ yiele me wɔ mmenia badwa nyunu.”

Yeremia 11:18

AWURADE ye hyirele me maa nwuni ye, na ɛlale bɛ bɔne yɔleɛ nemɔ ali hyirele me.

Yeremia 23:11

Ofikyɛ ngɔmhyɛlɛniɛ ne ɔsɔfo bɛ munyɔ benzuro Nyameɛ; amba, m’awuro po manwu bɛ bɔne wɔ berɛ, AWURADE noa dwirɛ ɛne.

Yeremia 26:6

ye de, ngɔyɛ awuro he kyɛ Silo, na ngɔma kuro he kɔyɛ ɛnomalɛ nikyee ngɔma aseɛ ye aso maen maen amukoraa.’ ”

Yeremia 3:6

Nana Yosia aberɛ so, AWURADE sele me kyɛ, “Yisrael bɔ onni nahorɛ mma me ne, anwu bɔ wayɔ ɔ? Kyɛbɔ osi fo hɔle bokaa biala so, ná ɔhɔle bakaa monɛ biala abo ɔɔbɔle adwaman wɔ berɛ ɔ?”

Yeremia 32:34

Begyinagyinane bɛ nningyein bɔ ɔte akyiwadeɛ ɔ wɔ awuro bɔ me dumaa la so ne anu bɛfa beguale ye nwo fiɛ.

Yeremia 7:17

Bɔ bɛyɔ ye wɔ Yuda nguro nemɔ aso ne Yerusalem dwaa nemɔ aso ye, aso ennwu ye?

Yeremia 7:30

“Ofikyɛ AWURADE nwa nyoo: Yudafoɛ bayɔ bɔne wɔ me nye so. Bagyinagyina b’akyiwadeɛ nningyein ne wɔ sua bɔ me dumaa la so ne anu, maa ɔnate so bafa efiɛ bahã ye.

Hesekiel 10:18

Yeɛ AWURADE animnyam ne fili awuro n’anoa nu berɛ oogyinane kɛrubim nemɔ so anwuro.

Hesekiel 10:19

Yeɛ kɛrubim nemɔ momane bɛ ndaa so, na bɛpagyale bɛ nwo so befili aseɛ so bɛhɔle bɔ me nye tua ɔ. Na bɛkɔ ne, né kango nemɔ wɔ bɛ ngyɛnu, na beegyinane AWURADE awuro berɛ eyia afiteleɛ pambim ne anoa nu; na né Yisrael Nyameɛ animnyam ne ɔwɔ bɛ so anwuro.

Hesekiel 11:22

Afei kɛrubim nemɔ momane bɛ ndaa so; né kango nemɔ wɔ bɛ ngyɛnu, na né Yisrael Nyameɛ animnyam ne ɔwɔ bɛ so anwuro.

Hesekiel 11:23

Yeɛ AWURADE animnyam ne mane ye nwo so fili kuro ne anu, na oogyinane bokaa bɔ ɔwɔ kuro berɛ eyia afiteleɛ ne aso.

Hesekiel 14:6

“Yiti kã kyire Yisrael awuro ama kyɛ, AWURADE Nyameɛ nwa nyoo: Ɛ́mɔsakyera ɛmɔ adwene ná ɛ́mɔyakyi ɛmɔ mmosoen nemɔ si lilɛ; ná ɛ́mɔhwe ɛmɔ nwo befi ɛmɔ akyiwadeɛ amukoraa anwo.

Hesekiel 18:12

ɔhyɛ ehiafoɛ ne bɛ bɔ bɛyɛ anwumvo ɔ so, ɔfa ebie nningyein patapaa so, ebie fa nikyee si ye berɛ awowaa a onza mva ye nikyee mma ye, ɔma ye ti so ɔfa ye nye kyire mmosoen mɔ, ɔbɔ akyiwadeɛ bra,

Hesekiel 43:8

Begyinane bɛ simbini bepingyele me simbini deɛ nwo, yeɛ begyinane b’aponnwaa bepingyele m’aponnwaa deɛ nwo, bɔ fasue mbaen yeɛ ɔwɔ me ne bɛ y’afia ɔ. Bafa b’akyiwadeɛ yɔleɛ ne bagua me dumaa krongron ne anwo fiɛ, maa ɔnate so mvɛle yaa ngukuni bɛ.

Hesekiel 47:6

Yeɛ obisale me kyɛ, “Sona awa, aso anwu ɛhe?” Afei ɔfale me fale asue ne noa maa nzale me si.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 8:13

Yeɛ osa sele me kyɛ, “Ekosa konwu akyiwadeɛ mbiri mbiri bieku bɔ bɛyɔ ɔ.”

Hesekiel 8:14

Afei ɔfale me wale AWURADE awuro berɛ sorɔ dɔ anoa ne anu berɛ, na nwuni mmrasua bɔ bɛtete berɛ besu Tamuse ɔ.

Hesekiel 8:7

Ɔfale me wale aluo berɛ anoa nu berɛ, na nneane nen, nwuni tokuro bie wɔ fasue ne anu.

Hesekiel 8:9

Yeɛ osele me kyɛ, “Woro nu kɔnea akyiwadeɛ bra fiɛ bɔ bɛ́bɔ ye wa ɔ.”

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.