Hesekiel 8:5 - AHYERƐLƐ KRONGRON

⁵ Na osele me kyɛ, “Sona awa, to wɔ nye nea sorɔ dɔ.” Yiti ndole me nye nneane sorɔ dɔ. Na yieee, afɔleɛ bokyea anoa ne, ye sorɔ dɔ, wɔ anoa nu berɛ yeɛ né nungunɛhwenɛ amoen ne ogyi ɔ.

Hesekiel 8:5 Iomraidhean Croise

Edwein 48:2

bɔ ogyi berɛ tendenn nyemenenyemene ne, ɔte aseɛ ye amukoraa anika; Sion bokaa, bɔ ɔwɔ sorɔ dɔ dedeede ne, ɔte Ɛhene piri ne, ye kuro.

Edwein 78:58

Ofikyɛ bɛfale b’asɔneyɛɛ nemɔ bewurale ye apue maa ɔfɛle yaa; na b’amoen nemɔ ati, Nyameɛ hwene bɛ nwo nungunɛ.

Yeremia 3:2

To wɔ nye nea mmokaa pralaa nemɔ aso! Nisua yeɛ bɛ ne wɔ ammɔ adwaman ɔ? Ɛte atee mɔ noa yeɛ ɛnwondɛ wɔ kurofoɛ mɔ, kyɛ Araboniɛ bɔ ɔwɔ ɛserɛ so ɔ. Afa w’adwaman ne wɔ bɔne yɔleɛ agua aseɛ ne anwo fiɛ.

Yeremia 32:34

Begyinagyinane bɛ nningyein bɔ ɔte akyiwadeɛ ɔ wɔ awuro bɔ me dumaa la so ne anu bɛfa beguale ye nwo fiɛ.

Yeremia 7:30

“Ofikyɛ AWURADE nwa nyoo: Yudafoɛ bayɔ bɔne wɔ me nye so. Bagyinagyina b’akyiwadeɛ nningyein ne wɔ sua bɔ me dumaa la so ne anu, maa ɔnate so bafa efiɛ bahã ye.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.