Hesekiel 8:3 - AHYERƐLƐ KRONGRON

³ Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Hesekiel 8:3 Iomraidhean Croise

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

2 Ahemvo 16:14

Kɔɔbere afɔleɛ bokyea bɔ né ogyi AWURADE nyunu ne, Ahase ye fili AWURADE awuro ne anyunu. Ɔye fili ye afɔleɛ bokyea deɛ ne, ɔne AWURADE awuro ne b’afia, na ɔfa oosiele ye afɔleɛ bokyea deɛ ne ye sorɔ.

2 Ahemvo 2:16

Besele ye kyɛ, “Tie, wɔ somvoɛ mɔ, mmienzua anwoserɛfoɛ aburannu wɔ yɛ nu. Yɛsrɛ wɔ, maa bɛhɔ bɛɛpena wɔ mene. Ebiaa, AWURADE Sunzum ama ye so waato bokaa bie aso, anaa bɔnza bie anu.” Na obuale kyɛ, “Daabi, nnɛmɔmaa bɛkɔ.”

2 Ahemvo 21:7

Bosoen Asera amoen bɔ osele ne, ɔfa ɔɔpenane AWURADE awuro berɛ; awuro bɔ AWURADE hane ye nwo dwirɛ hyirele Dawide ne ɔwa Solomon kyɛ, “Sɔ awuro he anu, yeɛ Yerusalem bɔ maneanea Yisrael mmusua kure amukoraa nu matu masie berɛ ne, berɛ yeɛ me dumaa kɔtena afebɔɔ ɔ.

Edwein 78:58

Ofikyɛ bɛfale b’asɔneyɛɛ nemɔ bewurale ye apue maa ɔfɛle yaa; na b’amoen nemɔ ati, Nyameɛ hwene bɛ nwo nungunɛ.

Ɛksadɔso 20:4

“Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Ɛksadɔso 20:5

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Ɛksadɔso 34:14

Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Yeremia 32:34

Begyinagyinane bɛ nningyein bɔ ɔte akyiwadeɛ ɔ wɔ awuro bɔ me dumaa la so ne anu bɛfa beguale ye nwo fiɛ.

Yeremia 7:30

“Ofikyɛ AWURADE nwa nyoo: Yudafoɛ bayɔ bɔne wɔ me nye so. Bagyinagyina b’akyiwadeɛ nningyein ne wɔ sua bɔ me dumaa la so ne anu, maa ɔnate so bafa efiɛ bahã ye.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 10:3

Né kɛrubim nemɔ begyigyi awuro ne ngwaen wɔ mmerɛ bɔ biaa ne worole nu ne, na munungum yili awuro ne akunu berɛ tɛkyɛ.

Hesekiel 11:1

Afei Sunzum ne mane me so, na ɔfale me wale AWURADE awuro berɛ eyia afiteleɛ anoa piri bɔ ye nye kyire eyia afiteleɛ ne anyunu. Na nwuni mmienzua aburanyɔ ne nnu wɔ anoa piri ne anyunu berɛ, na nwuni Asure awa Yaasania ne Benaya awa Pelatia bɔ bɛte maen mbanyi ne kyɛ bɛboka bɛ so ɔ.

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 2:9

Na nneane nen, yieee, asaa bie tengyɛle wɔ me so, na nwuni kyɛ né otira nwomaa bɔ babobɔ ɔ.

Hesekiel 3:12

Yeɛ Sunzum ne mane me so, na ndele komviɛ bie bɔ ɔma aseɛ woso ɔ wɔ me si dɔ kyɛ, “Asennaa te AWURADE animnyam ne deɛ wɔ ye atenaleɛ berɛ!”

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 37:1

AWURADE tumi wale me so, ɔnate AWURADE Sunzum so ɔfale me fitele, na ɔfale me oogyinane bɔnza bie bɔ mmowue ayi nu to ɔ ye afia.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hesekiel 43:5

Yeɛ Sunzum ne mane me so, na ɔfale me hɔle awuro ne kunu dɔ aluo berɛ; na yieee, AWURADE animnyam yili awuro ne anu tɛkyɛ.

Hesekiel 43:8

Begyinane bɛ simbini bepingyele me simbini deɛ nwo, yeɛ begyinane b’aponnwaa bepingyele m’aponnwaa deɛ nwo, bɔ fasue mbaen yeɛ ɔwɔ me ne bɛ y’afia ɔ. Bafa b’akyiwadeɛ yɔleɛ ne bagua me dumaa krongron ne anwo fiɛ, maa ɔnate so mvɛle yaa ngukuni bɛ.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 7:20

Bɛfale bɛ mbembenanneɛ nyemene nemɔ bɛhoahoale bɛ nwo, bɛfa bɛyɔle akyiwadeɛ amoen mɔ, bɔ ɔte bɛ nningyein bɔ mekyi ne. Ye sɔ ati, ngɔmaa ɔkɔkakyi bɛ so akyiwadeɛ nikye.

Hesekiel 8:5

Na osele me kyɛ, “Sona awa, to wɔ nye nea sorɔ dɔ.” Yiti ndole me nye nneane sorɔ dɔ. Na yieee, afɔleɛ bokyea anoa ne, ye sorɔ dɔ, wɔ anoa nu berɛ yeɛ né nungunɛhwenɛ amoen ne ogyi ɔ.

Hesekiel 9:2

Na nwuni mmienzua nzia bie; befili anwuro dɔ anoa piri bɔ ye nye kyire sorɔ dɔ atee ne aso ne anu bɛwale. Né bɛ nu biala tira ye kodiawu akodeɛ; né biaa bie bɔ ɔhera nwera ɔ ɔboka bɛ so, na né wafa nikyee bɔ bɛfa bɛkyerɛ ɔ wasĩ. Na bewurale nu beegyinane kɔɔbere afɔleɛ bokyea ne anwo berɛ.

Daniel 10:10

Na yieee, asaa bie sɔle me nu, na ɛhe maa ngongone me sa ne me nangoroma so.

Daniel 10:18

Na ebie bɔ ye sɛso te kyɛ kuro sona ɔ ɔfale ye sa hane me, na ɔmane me nwo yɛle me se.

Daniel 5:5

Mvum nu, sona sa mmɛseka fitele berɛ, na ɔhyerɛle ɛhene n’ahemvie berɛ terɛ bɔ bama ye nwo ne anwo, wɔ kanea bakaa ne nyunu berɛ, na ɛhene ne nwuni asaa bɔ né ɔkyerɛ ne.

Asomafoɛ 8:39

Na befili nzue ne anu befitele nen, Awurade Sunzum hwimini Filipo hɔle, na sayɛɛ ne annwu ye ko, nakoso ɔfale anigye toale ye ateetulɛ ne aso.

Deuteronomi 32:16

Bɛsole nyameɛ foforɛ biemɔ mane Nyameɛ hwene ye nwo nungunɛ, na bɛfale akyiwadeɛ behuli ye ahone.

Deuteronomi 32:21

Bɛsole bɔ nna Nyameɛ ahɔ ɔ maa ndwene ye nwo nungunɛ, na bɛfale bɛ mmosoen fiɛ nemɔ bɛhane me anyinga. Yiti me koso, ngɔfa mmenia mbaen bie bɔ nna maen ahɔ ɔ maa bɛkɔhwe ye nwo nungunɛ, na ngɔfa ngwaseafoɛ maen ngɔhã bɛ anyinga.

Deuteronomi 4:24

Ofikyɛ AWURADE wɔ Nyameɛ ne, ɔte see bɔ ɔyera motoo ɔ, Nyameɛ bɔ ɔtwe nungunɛ ɔ.

Deuteronomi 5:9

Nnɛkoto bɛ, yeɛ nnɛso bɛ; ofikyɛ me, AWURADE wɔ Nyameɛ ne, nde nungunɛ Nyameɛ, na meprapra seɛ mɔ bɛ bɔne nwo asohwenɛ megua bɛ mma mɔ so, maa okodwu aworɛ ndoatoasoɛ nza ne nna bɔ bɛpɔ me so.

Deuteronomi 6:15

ofikyɛ AWURADE wɔ Nyameɛ bɔ ɔne wɔ nate ne, ɔte nungunɛ Nyameɛ. AWURADE wɔ Nyameɛ kɔfɛ wɔ so yaa piri paa, na okohu wɔ kokyikyi wɔ boso kofi aseɛ ye aso.

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.