Hesekiel 8:2 - AHYERƐLƐ KRONGRON

² Nneane, na nwuni sona sue bie bɔ ye sue ne te kyɛ see ɔ. Ofi ye nekaa bɔ osoma ye yaase ne bɔ ɔkwaadwu ase ne, ɔte see; yeɛ ofi ye yaase bɔ ɔkɔ ye anwuro ne koso, osoma nikyee bɔ wata ɔ, kyɛ kɔɔbere bɔ wasɔ gonn ɔ.

Hesekiel 8:2 Iomraidhean Croise

Hesekiel 1:4

Ndole me nye nneane, na yieee, mvrama piri bie tu fili sorɔ dɔ, munungum pirikua bie bɔ kanea hyireinn apɛ ye nwo ayia ɔ, bɔ ogye see ɔ, bɔ see n’afia ne ɔte kyɛ kɔɔbere bɔ ogye monyerɛnmonyerɛn ɔ.

Hesekiel 40:3

Na ɔfale me wale berɛ nen, yieee, né biaa bie wɔ berɛ bɔ ye sue te kyɛ kɔɔbere ɔ. Né ogyi anoa piri ne anu berɛ, né otira nyamabire ne elemmire bɔ bɛfa besusu nikye ɔ.

Hesekiel 8:1

Afoɛ bɔ ɔtɔ so nzia ne, bosome bɔ ɔtɔ so nzia ne anu, ye elennu ne aso, né nde m’awuro bɔ Yuda mbanyi bɛtete me nyunu ɔ, na AWURADE Nyameɛ tumi wale me so wɔ berɛ.

Daniel 10:6

Ye sonaluwaa ne, ɔte kyɛ nyɔboɛ bɔ bɛfrɛ ye bɛrile, ye nyunu te kyɛ agralaa, ye nye mmaa te kyɛ see bɔ ogye wuronyiwuronyi ɔ, ye sa ne ye gya nwo te kyɛ ayaa bɔ bahwi ye nwo ɔ, na odwudwo a ye komvi te kyɛ ɛlɔen komvi.