Hesekiel 8:15 - AHYERƐLƐ KRONGRON

¹⁵ Yeɛ osele me kyɛ, “Sona awa, yeɛ anwu ye? Ekosa konwu akyiwadeɛ mbiri mbiri bɔ bɛtra ɛhemɔ ɔ.”

Hesekiel 8:15 Iomraidhean Croise

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 8:14

Afei ɔfale me wale AWURADE awuro berɛ sorɔ dɔ anoa ne anu berɛ, na nwuni mmrasua bɔ bɛtete berɛ besu Tamuse ɔ.

Hesekiel 8:16

Afei ɔfale me wale AWURADE awuro ne akunu dɔ. Na AWURADE asɔneyɛɛ sua anoa nu berɛ, abrannaa ne ne afɔleɛ bokyea ne b’afia berɛ, na nwuni mmienzua kɔyɛ aburanyɔ ne nnu wɔ berɛ. Né bɛ si kyire AWURADE asɔneyɛɛ sua ne; yeɛ né bɛ nyunu kyire eyia afiteleɛ bɔ bɛsɔne eyia, bɔ bɛ nye kyire eyia afiteleɛ ɔ.

Hesekiel 8:6

Yeɛ osa sele me kyɛ, “Sona awa, aso enwu bɔ bɛyɔ ye? Enwu akyiwadeɛ mbiri mbiri bɔ Yisraelfoɛ bɛyɔ ye wa, kyɛ bɛfa betu me befi me nekaa krongron ne anu maa mekɔ dededede ye? Na ekosa konwu akyiwadeɛ mbiri mbiri bieku.”

Hesekiel 8:9

Yeɛ osele me kyɛ, “Woro nu kɔnea akyiwadeɛ bra fiɛ bɔ bɛ́bɔ ye wa ɔ.”

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.