Hesekiel 8:13 - AHYERƐLƐ KRONGRON

¹³ Yeɛ osa sele me kyɛ, “Ekosa konwu akyiwadeɛ mbiri mbiri bieku bɔ bɛyɔ ɔ.”

Hesekiel 8:13 Iomraidhean Croise

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Hesekiel 8:12

Afei obisale me kyɛ, “Sona awa, yeɛ anwu bɔ Yisrael awuro ama mbanyi bɛ́yɔ ye wɔ awosii nu ne, bɔ ebiala ɔwɔ ye sua bɔ ɔsɔne mmosoen mɔ nu nu ɔ? Ofikyɛ bɛnwa: ‘AWURADE nnwu yɛ, AWURADE apo aseɛ ne.’ ”

Hesekiel 8:14

Afei ɔfale me wale AWURADE awuro berɛ sorɔ dɔ anoa ne anu berɛ, na nwuni mmrasua bɔ bɛtete berɛ besu Tamuse ɔ.

Hesekiel 8:15

Yeɛ osele me kyɛ, “Sona awa, yeɛ anwu ye? Ekosa konwu akyiwadeɛ mbiri mbiri bɔ bɛtra ɛhemɔ ɔ.”

Hesekiel 8:6

Yeɛ osa sele me kyɛ, “Sona awa, aso enwu bɔ bɛyɔ ye? Enwu akyiwadeɛ mbiri mbiri bɔ Yisraelfoɛ bɛyɔ ye wa, kyɛ bɛfa betu me befi me nekaa krongron ne anu maa mekɔ dededede ye? Na ekosa konwu akyiwadeɛ mbiri mbiri bieku.”

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.