Hesekiel 8:10 - AHYERƐLƐ KRONGRON

¹⁰ Yiti nworole nu ngɔneane. Na né bakurukyire ngaka mukoraa bɔ bɛtwe bɛ nwo ase ɔ, yeɛ ngaka mukoraa bɔ bekyi ɔ, ɔne Yisrael mmosoen amukoraa bagua fasue ne anwo babra bayia.

Hesekiel 8:10 Iomraidhean Croise

Ɛksadɔso 20:4

“Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Yesaya 44:13

Bakaa dwumvoɛ fa nyamaa susu bakaa kundunzii, ɔfa pɛnzere sesãsesã bakaa ne anwo, ɔfa buralɛ odi adwii ose bakaa ne, ɔfa asusudeɛ susu, na ose maa osoma sona, maa ɔyɛ nyemene kyɛ sona, kyɛ ogyina ye wɔ awuro.

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Yeremia 3:9

Ɔnate kyɛ né ommu adwamanbɔlɛ kyɛ ɔtte mayee ne ati, oguale aseɛ ne anwo fiɛ, na ɔne nyɔboɛ mɔ ne mmakaa yeɛ bɛbɔle adwaman ɔ.

Yeremia 44:21

“Ɛyɛɛ bɔ ɛmɔ ne ɛmɔ nana mɔ, ɛmɔ ahemvo mɔ, ɛmɔ atitire mɔ ne aseɛ ne aso ama ɛmɔyerale ye wɔ Yuda nguro nemɔ aso ne Yerusalem mmorɔnoɛ nemɔ aso ne, aso AWURADE ɔngaye? Aso ɔnne ye ti anu?

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Hesekiel 11:12

Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”

Hesekiel 23:14

Na ye de, ɔlɔle asukɔ paa wɔ ye gyanderabɔlɛ ne anu; onwuni mmienzua bɔ bakurukyire bɛ bagua fasue nwo ɔ, Kaldeafoɛ mvonini bɔ bafa adaabene bakurukyire ɔ,

Hesekiel 8:11

Né mmienzua aburasoo bɔ bɛte Yisrael mbanyi ɔ, bɔ Safan awa Yaasania boka bɛ so ɔ begyigyi mmosoen nemɔ anyunu berɛ. Né ebiala tira ye see kulie, na ɛyɛɛ nwosina ne dwɔsole munguu.

Hesekiel 8:9

Yeɛ osele me kyɛ, “Woro nu kɔnea akyiwadeɛ bra fiɛ bɔ bɛ́bɔ ye wa ɔ.”

Romanfoɛ 1:23

Bɛfale Nyameɛ bɔ onwu ɔ n’animnyam bɛsesane honi mɔ bɔ bɛte kyɛ kuro sona bɔ owu ɔ, ɔne nnomaa ne ndɔteboa ne ngaka bɔ bɛtwe bɛ nwo ase ɔ.

Deuteronomi 14:3

“Nnɛdi akyiwadeɛ biala.

Deuteronomi 4:16

ná ɛmɔangua ɛmɔ nwo fiɛ banyɔ amoen bamma bɛ nwo: mekyire nikyee bɔ ye sue te kyɛ bienzua anaa brasua,

Deuteronomi 4:18

anaa nikyee bɔ ye sue soma kaka bɔ ɔtwe ye nwo ase ɔ, anaa nikyee bɔ ye sue soma aseɛ bo dɔ nzue nu naen ɔ.

Deuteronomi 4:23

Yiti ɛ́mɔnea yé ná ɛmɔ wora amvi apam bɔ AWURADE ɛmɔ Nyameɛ ɔne ɛmɔ yɛle ne, ná ɛmɔanyɔ amoen biala sɛso, kyɛbɔ AWURADE wɔ Nyameɛ abera wɔ ne.

Deuteronomi 4:25

“Sɛ ɛwo mmaa ná enya nnomaa, ná ɛhyɛ ye bo edi wɔ ti piri wɔ aseɛ ne aso, ná sɛ ɛyɔ amoen biala sɛso ɛfa gua wɔ nwo fiɛ, maa ɔnate so ɛyɔ bɔne wɔ AWURADE wɔ Nyameɛ nyunu ma ye ahone hu a,