Hesekiel 7:9 - AHYERƐLƐ KRONGRON

⁹ Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE bɔ metwe asoɛ ɔ.

Hesekiel 7:9 Iomraidhean Croise

Yesaya 9:13

Nakoso maen ne anza angɔ ye bɔ ɔhwene bɛ so ne berɛ, yeɛ bambena Asafo AWURADE si atee.

Yeremia 13:14

Na ngɔkekã bɛ ti ngɔbobɔ nu, seɛ mɔ ne mmaa mɔ po, AWURADE noa dwirɛ ɛne. Mengonwu bɛ anwumvoin, mengɔma bengonya bɛ ti bengodidi nu, yeɛ me kunu ngɔtete me ngɔma bɛ, na mmom ngohũhũ bɛ.’ ”

Yeremia 21:7

Ye si ye, AWURADE nwa nyoo: Yuda hene Sedekia, ye somvoɛ mɔ, maen ne, yeɛ kuro ye aso ama bɔ bekonya bɛ ti bekodidi nu bekofi ewue anwonyerɛ ne anu, ngrandɛ noa, ɔne ɛhɔen ne anu ne, ngɔfa bɛ ngowura Babilɔn hene Nebukadenesa sa, bɛ pɔfoɛ mɔ sa ne mmenia bɔ bɛpena bɛ beku bɛ nemɔ sa. Na ɔkɔfa ngrandɛ kohũhũ bɛ. Ɔngɔyakyi bɛ, ongonwu bɛ anwumvoin, yeɛ bɛ nwo ngɔyɛ ye aworabɔ.’

Yeremia 36:31

Na ngɔhwe ye ne ye boso ama ne ye somvoɛ mɔ bɛ so, ɔnate b’amumuyɛɛ ti. Na bɛ ne Yerusalemfoɛ ne Yudafoɛ, musue amukoraa bɔ ngane kyɛ ngɔmaa ɔkɔto bɛ ne, ngɔprapra ngogua bɛ so, nakoso bengotie.’ ”

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Hesekiel 22:22

Na kyɛbɔ behuro ɛdwetɛ wɔ afaa nu ne, sɔ ala yeɛ ɛmɔkohuro wɔ nu ɔ; na ɛmɔkonwu kyɛ me, AWURADE yeɛ m’ahone ahu ɛmɔ so serɛserɛ ɔ.’ ”

Hesekiel 23:49

Ɛmɔkonya ɛmɔ nyanzoen bra ne nwo akatuaa, ɛmɔ mmosoensolɛ nwo bɔne ne, ɛmɔkonya ye nwo asohwenɛ, amaa ɔnate so ɛmɔanwu kyɛ me ole AWURADE Nyameɛ.”

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 7:10

Nea, kyẽa ne ɛhe! Nea kyɛ ɔ́ba ɔ! W’ayieleɛ ne adwu. Mbire ne afifi, yeɛ anwomasoɛ afefɛ.

Hesekiel 7:8

Ɔngɔhyɛ biala, ngɔma m’ahone bɔ wahu ne kɔwa wɔ so, ngɔfɛ wɔ so yaa, ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Mika 6:9

AWURADE komvi tea nu frɛ kuro ne, na bɛ bɔ besuro wɔ dumaa ne yeɛ bɛte nworɛfoɛ ɔ. Ɛ́mɔtie asohwenɛ ne, ɔne ye bɔ wahyehyɛ wato berɛ ne.

Galatiafoɛ 6:7

Nnɛma ɛmɔlakalaka bɛ nwo, na bɛgoro Nyameɛ nwo. Ofikyɛ bɔ sona dua ne ala yeɛ okobu ɔ.

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.