Hesekiel 7:8 - AHYERƐLƐ KRONGRON

⁸ Ɔngɔhyɛ biala, ngɔma m’ahone bɔ wahu ne kɔwa wɔ so, ngɔfɛ wɔ so yaa, ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Hesekiel 7:8 Iomraidhean Croise

2 Aberɛso Dwirɛ 34:21

“Nwomaa bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma me ne mmenia bɔ baha wɔ Yisrael ne Yuda ne. AWURADE afɛ yɛ so yaa piri paa, ofikyɛ yɛ nana mɔ bandie AWURADE dwirɛ, yeɛ edwirɛ amukoraa bɔ bahyerɛ ye nwomaa he anu ne, banni so.”

Edwein 79:6

Amaen maen mɔ bɔ bɛnze wɔ ne, bɛ ne ahennie mɔ bɔ bɛmmɔ wɔ dumaa ne, ma w’ahone hu bɛ so paa.

Yesaya 42:25

Ye sɔ ne ati, ɔmane ye ahone huli Yisrael so paa, na ɔmane koɛ piri paa tole ye. Ye ahonehulɛ ne, ogyele kyɛ see fale ye nwo amu, nakoso wande ye bo, ɔyerale ye, nakoso wanzua nworɛ wamvi nu.

Yeremia 36:31

Na ngɔhwe ye ne ye boso ama ne ye somvoɛ mɔ bɛ so, ɔnate b’amumuyɛɛ ti. Na bɛ ne Yerusalemfoɛ ne Yudafoɛ, musue amukoraa bɔ ngane kyɛ ngɔmaa ɔkɔto bɛ ne, ngɔprapra ngogua bɛ so, nakoso bengotie.’ ”

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 2:4

Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Awuye 4:11

AWURADE ala ye ɛyaafɛlɛ ali wayie, wama ye ahone ahu kandinga paa. Yeɛ wasɔ see wɔ Sion, maa wayera ye fapem nemɔ.

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 14:19

Yeɛ sɛ mema ewue anwonyerɛ pe aseɛ ne aso, ná mema m’ahone hu mede bɛ ngoa mefi bɛ sa nu, mekũkũ mmenia ne ngaka mefi so a,

Hesekiel 16:43

Na ɔnate kyɛ angaye mmerɛ bɔ né ɛte abaayaa, na mmom afa ɛhemɔ amukoraa ahu m’ahone ne ati, tie, ngɔma wɔ yɔleɛ kɔbɔ wɔ ti so, AWURADE Nyameɛ noa dwirɛ ɛne. Aso amva nyanzoen bra ammoka w’akyiwadeɛ yɔleɛ amukoraa so?

Hesekiel 16:59

“Yoo, AWURADE Nyameɛ nwa nyoo: Bɔ ayɔ ne, ngotua wɔ so kerɛ, wɔ bɔ abu apam ne aso afa abu ndaen ne animtia ɔ.

Hesekiel 18:30

“Yiti Yisrael awuro ama, ngobua ɛmɔ nu biala ye atee bɔ ɔnate so ɔ nwo ndɛen, AWURADE Nyameɛ noa dwirɛ ɛne. Ɛ́mɔsakyera ɛmɔ adwene, ná ɛmɔhwe ɛmɔ nwo béfi ɛmɔ mmeraatolɛ amukoraa nwo, ná amumuyɛɛ wanyɛ ɛmɔ so sundidua.

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Hesekiel 20:21

Nakoso mmaa nemɔ yɛle me nwo lɔen; banni m’ahyɛdeɛ so, yeɛ me mmeraa ne bɔ sona di so a onya ngoa ne, ye koso banni so; na m’afofingyẽa ne koso, beguale bɛ nwo fiɛ. Yiti ngane kyɛ: Ngɔma m’ahone kohu bɛ so, na ngɔma me yaafɛlɛ ne kɔyɔ bɛ nwo adwuma koyie wɔ ɛserɛ ne aso.

Hesekiel 20:33

“Kyɛ nde ase ye, AWURADE Nyameɛ noa dwirɛ ɛne, nahorɛ nu, tumi piri ne tumi asaa ne ahonehulɛ yeɛ ngɔfa ngoli ɛmɔ so hene ɔ.

Hesekiel 20:8

Nakoso bɛyɛle me nwo lɔen, bɔ bandɛ me so ɔ. Bɛ nu biala wangyi akyiwadeɛ nningyein bɔ ye nye gye ye nwo ne wangua, yeɛ banyakyi Misraim mmosoen sɔnenɛ. Yiti ngane kyɛ ngɔma m’ahone kohu bɛ so, bɔ me yaafɛlɛ ne kɔyɔ bɛ nwo adwuma koyie ɔ, wɔ Misraim aseɛ so.

Hesekiel 22:31

Yiti mama m’ahone ahu bɛ so piri paa, mafa m’anyeborolɛ see ne mayera bɛ, na mama bɛ yɔleɛ abɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Hesekiel 30:15

Ngɔma m’ahone kohu Pelusium bɔ ɔte Misraim anwoserɛ afealeɛ ne aso, na ngonua No mmenia worawora ne bɛ boso.

Hesekiel 33:20

Nakoso ɛmɔnwa: ‘AWURADE atee ndengyɛ.’ O Yisrael awuro ama, ngobua ɛmɔ nu biala ndɛen kyɛbɔ ye yɔleɛ te ɔ.”

Hesekiel 6:12

Bɔ ɔwɔ dedeede ne, ewue anwonyerɛ yeɛ okohũ ye ɔ; bɔ opingye ne, ngrandɛ noa yeɛ ɔkɔtɔ ɔ; na bɔ waha bɔ mamaa wanya ye ti wadidi nu ne, ɛhɔen yeɛ ɔkɔmaa okowu ɔ. Sɔ yeɛ me yaafɛlɛ ne kɔyɔ bɛ nwo adwuma koyie ɔ.

Hesekiel 7:27

Ɛhene ne koli yealɛ, aworabɔlɛ kotira atitirefoɛ, na aseɛ ne aso ama mɔ b’abasa nu kodwo. Ngotua bɛ so kerɛ kyɛbɔ bɛ yɔleɛ te ɔ, bɔ bayɔ ɔ so yeɛ ngogyina ngɔhwe bɛ so ɔ, na bekonwu ye kyɛ me ole AWURADE.”

Hesekiel 7:9

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE bɔ metwe asoɛ ɔ.

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hesekiel 9:8

Na begu so bɔ bekũkũ bɛ ne, ɔhale me ngome wɔ berɛ, na mvale me nyunu mmutuli berɛ ndeateane nu kyɛ, “Ao, AWURADE Nyameɛ, aso ɛbaanua bɛ bɔ baha wɔ Yisrael ne amukoraa bɛ boso wɔ wɔ yaafɛlɛ bɔ afɛ ye wɔ Yerusalem so ne anu anaa?”

Daniel 9:11

Amba, Yisrael amukoraa abu wɔ mmeraa ne aso, bali makyebu bɔ bendie wɔ dwirɛ ɔ. Na ɛnomalɛ ne ndaen bɔ bahyerɛ ye wɔ Nyameɛ somvoɛ Mose mmeraa ne anu ne, wawa yɛ so, ofikyɛ yayɔ bɔne yatia ye.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Hosea 12:3

Ɔsɔle oliɛma gya si wɔ bɛ kunu, na ole ye anwoserɛ ɔne Nyameɛ bɛfa bɛtetale so.

Hosea 5:10

Yuda ahemvo mɔ, bayɛ kyɛ mmenia bɔ betutu wɛen ɔ, yiti m’ahone kohu bɛ so kyɛ nzue.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.