Hesekiel 7:7 - AHYERƐLƐ KRONGRON

⁷ Ao, wɔ bɔ ɛte aseɛ ne aso ɔ, w’ayieleɛ ne awa. Mmerɛ ne adwu, kyẽa ne apingye, ɔte amaneɛ mmerɛ, na mmom ɔtte mmokaa so ahurusililɛ mmerɛ ko.

Hesekiel 7:7 Iomraidhean Croise

Gyenesise 19:15

Na odwuli alebahyene ne, abɔfo nemɔ hane Lɔto bo kyɛ, “Ka wɔ nwo na fa ɛye ne wɔ mma mmrasua nyɔ bɔ bɛwɔ wa ne nwati, amaa bandɔ nzoen wɔ kuro ye asohwenɛ ne anu.”

Gyenesise 19:24

Na afei AWURADE tɔle sɔfe ne see fili anwuro guale Sodom ne Gomora so.

Yesaya 13:22

Kangane mɔ kopo wɔ ye abandenden nemɔ anu, ɛserɛ so ngyea kopo wɔ ye ahemvie nyemenenyemene nemɔ anu. Ye mmerɛ ne apingye, na ɔngɔhyɛ biala né wato ye.

Yesaya 16:10

Baye anika ne anigye bafi eboo bɔ aleɛ wɔ nu ne anu, yeɛ bobe boo nemɔ anu koso, bɛndo anigye dwein wɔ nu ko, bɛmmɔ ese wɔ nu ko, kumaa bɔ betwi nzaa wɔ nu ne, bendwi nzaa berɛ ko, mmakaammaa telɛ nwo esebɔlɛ ne, mama ye bo apɛ.

Yesaya 17:14

Tie, odwu nɔsoa a, ahunundetelɛ! Anzana aleɛ baahye ne, né bɛnne berɛ ko. Bɛ bɔ bɛfa koɛ bɛtoa yɛ ne, ɔne bɛ bɔ bɛbɔ yɛ so apaa ne, b’ayieleɛ ɛne.

Yesaya 22:5

Ofikyɛ ɔte Asafo AWURADE ye kyẽa, bɔ ɔte amaneɛnwunɛ, ahunundetelɛ ne anyesotanɛ, wɔ Nyekyire Bɔnza ne anu, kyẽa bɔ bedwiri fasue mɔ begua, bɔ bɛbɔ awuye besu bɛfrɛ mmokaa mɔ ɔ.

Yeremia 20:7

O AWURADE, alakalaka me, mamaa alakalaka me. W’anwoserɛ bo me deɛ so, na ali ngonim. Bɛgoro me nwo daa biala; ebiala sere me.

Yeremia 50:27

Ɛmɔhũhũ ye nandwie nyii nemɔ amukoraa, ɛ́mɔma bɛtorotoro bɛhɔ akumyɛɛ. Bɛ yaakɔ, ofikyɛ bɛ kyẽa ne adwu, b’asohwenɛ mmerɛ ne ɛne.

Hesekiel 12:28

Ɔnate sɔ ne ati, se bɛ kyɛ, ‘AWURADE Nyameɛ nwa nyoo: Mengɔtwetwe me gya ase wɔ me noa dwirɛ biala nwo ko, na mmom edwirɛ bɔ mahã ne, ɔkɔwa nu, AWURADE Nyameɛ noa dwirɛ ɛne.”

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Hesekiel 7:12

Mmerɛ ne adwu, kyẽa ne apingye; bɔ ɔtɔ nikyee ne, nnɛma ye nye gye, yeɛ bɔ ɔyɛ ye atɔen wora, nnɛma ye wora bɔ, ofikyɛ ahone ne ahu b’anwonya ne amukoraa so.

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

1 Petro 4:17

Ofikyɛ mmerɛ ne adwu kyɛ ndɛenbualɛ hyɛ ye bo wɔ Nyameɛ awuro ɔ. Na sɛ bɛfa yɛ bɛhyɛ ye bo a, nzaade bɛ bɔ bɛyɛ Nyameɛ nzɛmba ne nwo asoserɛ ne de, okoyie bɛ sɛ?