Hesekiel 7:6 - AHYERƐLƐ KRONGRON

⁶ Ayieleɛ awa, ayieleɛ ne awa! Wadwɔso ɔ́ba wɔ so, nea kyɛ ɔ́ba ɔ!

Hesekiel 7:6 Iomraidhean Croise

Yeremia 44:27

Ɛ́mɔtie, ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ; na Yuda mmienzua amukoraa bɔ bɛwɔ Misraim aseɛ so ne, bɛkɔtotɔ wɔ ngrandɛ noa, na ɛhɔen kohũhũ bɛ maa bekowuwu, kɔpem kyɛ bɛ boso konua ɔ.

Awuye 4:18

Bɛtetɛ yɛ, yiti yɛngora yɛngɔ yɛ dwaa mɔ so: Y’ayieleɛ apingye, yɛ ngyẽa ayie, ofikyɛ y’ayieleɛ adwu.

Hesekiel 12:23

Yiti kã kyire bɛ kyɛ, ‘AWURADE Nyameɛ nwa: Ngɔma sɔ anyandera he bo kɔpɛ, na bengobu sɔ anyandera ne ko wɔ Yisrael.’ Na mmom kã kyire bɛ kyɛ, ‘Ngyẽa ne apingye, na nyekyire biala kɔwa nu.

Hesekiel 21:25

“ ‘Na wɔ, Yisrael panyi busueniɛ amumuyɛɛniɛ bɔ wɔ kyẽa ne adwu ɔ, wɔ so hwenɛ mmerɛ ne adwu bɔkɔɔ;

Hesekiel 39:8

Tie, ɔbaasi, na okosi koso, AWURADE Nyameɛ noa dwirɛ ɛne. Kyẽa bɔ mahã ye nwo dwirɛ ne, ye ɛne.

Hesekiel 7:10

Nea, kyẽa ne ɛhe! Nea kyɛ ɔ́ba ɔ! W’ayieleɛ ne adwu. Mbire ne afifi, yeɛ anwomasoɛ afefɛ.

Hesekiel 7:3

Kekesaala ye de, ayieleɛ yeɛ wato wɔ ɔ, ngɔma me yaafɛlɛ ne kɔwa wɔ so; ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Hesekiel 7:7

Ao, wɔ bɔ ɛte aseɛ ne aso ɔ, w’ayieleɛ ne awa. Mmerɛ ne adwu, kyẽa ne apingye, ɔte amaneɛ mmerɛ, na mmom ɔtte mmokaa so ahurusililɛ mmerɛ ko.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

2 Petro 2:5

ná sɛ wamva daa tete wiase nwo wangyɛ ye, na mmom olele Nowa bɔ ɔte tenenee nzɛmbahanɛniɛ, ɔne mmenia nzoo bɔ bɛboka ye so ne, ná ɔfale nzueyilɛ ɔɔkatale amumuyɛɛfoɛ wiase so a;