Hesekiel 7:2 - AHYERƐLƐ KRONGRON

² “Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Hesekiel 7:2 Iomraidhean Croise

Gyenesise 6:13

Na Nyameɛ sele Nowa kyɛ, “Mayɛ m’adwene kyɛ ngonua kuro sona boso, ofikyɛ ɔnate bɛ ti basabasa ayi aseɛ so tɛkyɛ; na ngɔsɛkye bɛ ne aseɛ.

2 Aberɛso Dwirɛ 34:7

obubuli asɔneyɛɛ mmokyea nemɔ guale, ɔnyokone Asera dosii nemɔ ne amoen nemɔ muhumuhu, na ɛyɛɛ afɔleɛ mmokyea bɔ bɛwɔ Yisrael maen nu amukoraa koso, ɔsɛkyele bɛ pasaa. Afei osa hɔle Yerusalem.

Yesaya 47:7

Ɛhane kyɛ, ‘Ngoli hemmaa afebɔɔ,’ amaa ɔnate so andwene sɔ dwirɛ nemɔ anwo, yeɛ angaye b’ayieleɛ koso.

Yeremia 12:4

Aseɛ ne kɔbɔ awuye koodwu kyinzu, na eboo biala so ndire kɔkese maa okoodwu kyinzu? Ofikyɛ aseɛ ne aso ama, b’amumuyɛɛ ti, ngaka ne nnomaa batu bamini, ofikyɛ mmenia nwa, “Ongonwu y’ayieleɛ.”

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Yeremia 51:13

Ao, wɔ bɔ ɛte asue pee noa, bɔ anwonyadeɛ abu wɔ so ɔ, w’ayieleɛ awa, na wɔ ngoa nyamaa nu ate.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 4:18

Bɛtetɛ yɛ, yiti yɛngora yɛngɔ yɛ dwaa mɔ so: Y’ayieleɛ apingye, yɛ ngyẽa ayie, ofikyɛ y’ayieleɛ adwu.

Hesekiel 11:13

Na ɔwale kyɛ, mmerɛ bɔ ngu so mehyɛ ngɔm ne, Benaya awa Pelatia wuli. Yeɛ mvale me nyunu mmutuli ase, na ndeane nu serɛserɛ kyɛ, “Ao, AWURADE Nyameɛ, aso ɛbaanua Yisraelfoɛ bɔ baha ne bɛ boso anaa?”

Hesekiel 12:22

“Sona awa, anyandera he bɔ ɛmɔbu bɛfa Yisrael aseɛ nwo kyɛ, ‘Moa moa ala yeɛ ngyẽa ne ɔkɔ ɔ, nakoso nyekyire biala ɔmma nu’ ne, ye bo ole sɛɛ?

Hesekiel 21:2

“Sona awa, fa wɔ nye kyire Yerusalem, ná kã dwirɛ fa nekaa krongron nemɔ anwo; hyɛ ngɔm tia Yisrael aseɛ ne,

Hesekiel 21:25

“ ‘Na wɔ, Yisrael panyi busueniɛ amumuyɛɛniɛ bɔ wɔ kyẽa ne adwu ɔ, wɔ so hwenɛ mmerɛ ne adwu bɔkɔɔ;

Hesekiel 21:4

Wɔ nu teneneefoɛ oo, bɔnefoɛ oo, ngonua bɛ boso; na ɔnate sɔ ati, me sɛpɔ ne kofi ye bɔha nu koohũhũ anwoɔnaen biala, ofi ngwaen dɔ maa okoodwu sorɔ dɔ;

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hesekiel 35:5

Na ɔnate kyɛ asɔ ɛpɔen nu bɔ ɛngɔyakyi nu, bɔ afa ngrandɛ ahũhũ Yisraelfoɛ wɔ b’amaneɛ mmerɛ nu, wɔ bɛ sohwenɛ bɔ ɔpɛ ye bo mmerɛ nu ne ati,

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hesekiel 7:1

AWURADE lale ye dwirɛ ali hyirele me kyɛ,

Hesekiel 7:3

Kekesaala ye de, ayieleɛ yeɛ wato wɔ ɔ, ngɔma me yaafɛlɛ ne kɔwa wɔ so; ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Mateo 24:6

Ɛmɔkɔte koɛ mɔ ne koɛ mɔ nwo ngunga. Nakoso nnɛma ɛmɔ kunu tete ɛmɔ, ofikyɛ odi kyɛ ɛhemɔ besi, nakoso né ayieleɛ ne onnya oddwuli.

Deuteronomi 32:20

Na osele kyɛ, ‘Ngɔye me nye ngofi bɛ so, ná manea kyɛbɔ b’ayieleɛ kosi koyie bɛ ɔ, ofikyɛ bɛte amumuyɛɛ aworɛ ndoatoasoɛ, mmaa bɔ nahorɛ nne bɛ nu ɔ.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

Nyekyire 20:8

na okofite kɔwa kɔɔlakalaka maen maen mɔ bɔ bɛwɔ aseɛ ndweasoɛ nna ne aso: Gɔgo ne Magɔgo, kyɛ ɔboaboa bɛ noa maa bɛkɔ koɛ; na bɛ somaa te kyɛ mboanoa anweaa.

Nyekyire 7:1

Na ɛhemɔ asi ne, nwuni abɔfo nna kyɛ begyigyi aseɛ ndweasoɛ nna ne aso, bɔ né basi aseɛ so mvrama nna nemɔ ate, kyɛbɔ ɔkɔyɛ bɔ mvrama biala ngotu ngɔfa aseɛ anaa ɛpo anaa bakaa biala so ɔ.