Hesekiel 7:19 - AHYERƐLƐ KRONGRON

¹⁹ Bekogyi b’ɛdwetɛ bekogua mmorɔnoɛ so, bekobu bɛ sikaa kɔkorɛ kyɛ ye nwo agua fiɛ. Na b’ɛdwetɛ ne bɛ sikaa kɔkorɛ ne, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Bɛngɔhora ngɔma bɛ kra ko ngoyi, anaa ɔngɔma bɛ ko ngoyi; ofikyɛ ɔte amumuyɛɛ bɔ ɔto bɛ sundidua ɔ.

Hesekiel 7:19 Iomraidhean Croise

2 Ahemvo 7:15

Bɛpole Siriafoɛ so alaa beedwuli asue Yɔɔdan noa. Mmerɛ bɔ Siriafoɛ bɛnwati, bɔ né bɛ nwo kã bɛ tɛtɛtɛtɛ ne, bɛ ndaadeɛ ne akodeɛ bɔ befindini beguale ne, ɛbɔfoɛ nemɔ nwuni bɛ wɔ atee ne aso. Yiti ɛbɔfoɛ nemɔ besa bɛwale bɛɛbɔle Yisrael hene amaneɛ.

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Nworɛ Dwirɛhanɛniɛ 5:10

Sona bɔ ye nye boro sikaa ne, onya sikaa a ye nye nzɔ; yeɛ bɔ ye nye boro anwonyadeɛ ne koso, ye nye nzɔ bɔ wanya ye ɔ: Ɛhe koso te mbaen.

Yesaya 2:20

Sɔ kyẽa ne, mmenia b’ɛdwetɛ amoen ne bɛ sikaa kɔkorɛ amoen bɔ bayɔ bama bɛ nwo, bɔ bɛsɔne bɛ ne, bekogyi bekogua bɛkɔma mmurokuruwa ne mbena.

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Awuye 4:1

Nea, kyɛbɔ esikaa kɔkorɛ wasi wapini ɔ! Kyɛbɔ esikaa kɔkorɛ paa wasi wakakyi ɔ! Bato nekaa krongron berɛ nyɔboɛ nemɔ bapanzam wɔ borɔnoɛ biala ngwandaa.

Hesekiel 13:5

Ɛmɔ ahɔ a, ɛmɔamvo bangɔangyina fasue ne anu nekaa bɔ tokuro lela ne, yeɛ ɛmɔando fasue bamva Yisrael awuro ama nwo, amaa sɛ AWURADE kyẽa ne dwu a Yisrael wahora ye noa gyina.

Hesekiel 14:7

Ofikyɛ ebiala bɔ ofi Yisrael awuro ama nu, anaa ɛwɔfoɛ biala bɔ waatena Yisrael, bɔ ɔba ngɔmhyɛlɛniɛ berɛ babisa me maa mekyire ye bɔ odi kyɛ ɔyɔ ɔ, wɔ aberɛ bɔ wahwe ye nwo wafi me nwo, wama ye ahone abata ye mmosoen mɔ nwo, ná wafa amumuyɛɛ bɔ ɔte ye sundidua wato ye nyunu ne, me AWURADE, me bɔbɔ ngɔma ye mmuayɛɛ.

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Hesekiel 44:12

Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Sefania 1:3

“Ngonua mmenia ne ngaka boso; ngonua ewienu nnomaa ne ɛpo nu naen boso, bɛ ne sundidua mɔ ne bɔnefoɛ mɔ. Ngonua kuro sona boso ngofi aseɛ so,” AWURADE noa dwirɛ ɛne.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Romanfoɛ 11:9

Na Dawide kã kyɛ, “Ma bɛ poentolɛ ɔyɛ kafoli ne ngaen, sundidua ne asohwenɛ ma bɛ!