Hesekiel 7:18 - AHYERƐLƐ KRONGRON

¹⁸ Bɛkɔhera ɛsɛen tena, na ahunundetelɛ kɔtɔ bɛ so. Bɛ mukoraa bɛ nyunu kogua ase, na bɛ mukoraa bɛ ti so kɔpa.

Hesekiel 7:18 Iomraidhean Croise

Gyenesise 15:12

Na eyia yɛle kyɛ ɔkwaatɔ nen, nnafelɛ hatee wuale Abram, na awosii tunn suronyisuronyi tole ye.

YOB NWOMAA NE 21:6

Sɛ medwene ye nwo a, né ɔyɛ me suro, na ɔma me nwo wosowoso me.

Edwein 35:26

Bɛ bɔ bedi ahurusi wɔ m’anwokyere mmerɛ nu ne, ma bɛ mukoraa bɛ nyunu ogua ase, ná bɛfɛre; bɛ bɔ bɛmoma bɛ bati so bekyire me ne, maa bɛfa animguaseɛ ne nyanzoen bɛhera.

Yesaya 3:24

Na ɔkɔwa kyɛ, bɛ nwo fona ne kɔkakyi mvamva, bɛkɔfa nyamaa bɛkɔkakyi b’abɔsoɛ, bɛ ti bɔ babɔ ye nyemenenyemene ne, ɔkɔkakyi tikwa, bɛ kende ne kɔkakyi ɛsɛen tena, na bɛ nwonaen nyemene ne, okotwindwam.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 48:37

“Yiti, tire biala so kɔpa, bɛkɔpoa kanza biala, bɛkɔtete asaa biala nwo, ná bafa ɛsɛen tena bapɛ bɛ bo.

Yeremia 6:25

Nnɛma ɛmɔkɔ buro, yeɛ nnɛma ɛmɔnate atee so; ofikyɛ pɔfoɛ nemɔ ngrandɛ ne ahunundetelɛ bapɛ ɛmɔ nwo amukoraa bayia.

Yeremia 6:26

Ao, me maen awa brasua, kera ɛsɛen tena, munumunu wɔ nwo wɔ nzoen nu, ná sũ hahii kyɛ esu bahorɛ ɔ, bɔ awuye yealɛ paa, ofikyɛ mvum nu yeɛ sɛkyefoɛ ne kɔwa yɛ so ɔ.

Hesekiel 27:31

Ɔnate wɔ ti bɛbɔ tikwa, na bɛkera ɛsɛen tena, na bɛbɔ awuye bedi aworabɔlɛ besu wɔ hahii.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.