Hesekiel 7:14 - AHYERƐLƐ KRONGRON

¹⁴ “Bahu totorobɛndo ne basiesie nikyee biala yé de, nakoso ebiala ngɔhɔ koɛ, ofikyɛ m’ahone ahu b’anwonya ne amukoraa so.

Hesekiel 7:14 Iomraidhean Croise

Yeremia 12:12

Ɛserɛ so mmokaa pralaa ne amukoraa so, yeɛ sɛkyefoɛ nemɔ bawa ɔ, ofikyɛ AWURADE ngrandɛ ne okũkũ mmenia, fi aseɛ ne noa kɔkã ye noa; asomdwee nne berɛ mma sona biala.

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Yeremia 51:27

Ɛ́mɔfa frangaa bɛpena aseɛ ne aso, ɛ́mɔhu totorobɛndo wɔ maen maen mɔ nu; ɛ́mɔboaboa maen maen mɔ noa maa bɛɛfa koɛ bɛtoa ye, ɛ́mɔfrɛfrɛ ahennie hemɔ maa bɛɛfa koɛ bɛtoa ye: Ararate, Mini ne Asekenase; ɛ́mɔye safohene maa ɔfa koɛ ɔtoa ye, ɛ́mɔma mbɔngɔ bɛbra maa bɛyɛ mitimiti kyɛ mmɛbɛ.

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Yeremia 7:20

Yiti bɔ AWURADE Nyameɛ kã hɔ ɛhe: Tie, m’ahonehulɛ ne me yaa piri ne, ngohwie ngogua ɛwa, kuro sona ne ngaka so, eburo mmakaa ne aseɛ so mmakaammaa so; ɔkɔyera bɔ ongonua ɔ.

Awuye 2:3

Wapepɛ Yisrael mmɛen amukoraa wɔ ye yaafɛlɛ piri ne anu. Ye tumi asaa ne, wahwe wasa wɔ mmerɛ bɔ pɔfoɛ ne ɔ́ba bɛ so ɔ. Na ogyele kyɛ see bɔ ɔyera bra yia ɔ yerale Yakob.

Awuye 2:4

Wakondo ye agyaen nu kyɛ pɔfoɛ, wagyina watengyɛ ye sa famaa kyɛ ebie bɔ okyi bɛ ɔ. Ohuhuni bɔ ɔyɛ yɛ nye so nyemene amukoraa, wɔ Sion awa brasua ɛtena sua ne anu. Ohwiele ye yaa bɔ wafɛ ye hahii ne kyɛ see.

Numeri 10:9

Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.