Hesekiel 7:13 - AHYERƐLƐ KRONGRON

¹³ Sona bɔ ɔyɛ nningyein atɔen ne, sɛ ɔtɛ te ase a, ye sa ngɔhã bɔ watɔne ye ne ko, ofikyɛ nyekyire bɔ ɔfa b’anwonya mukoraa nwo ne, ɔngɔsesã. Na ɔnate b’amumuyɛɛ ti, ebiala ngonya ye ti ngoa.

Hesekiel 7:13 Iomraidhean Croise

Ɛseta 8:8

Bɔ ɛmɔkuro biala, ɛmɔhyerɛ bɛfa Yudafoɛ nwo wɔ me, Nana Ahasuro me dumaa nu, ná ɛ́mɔfa me nzɔanoɛ kaa ne bɛsɔ krataa ne noa, ofikyɛ mmeraa bɔ bahyerɛ ye wɔ me, Nana Ahasuro me dumaa nu, bɔ bafa me nzɔanoɛ kaa basɔ ye noa ne, bɛkakyi ye a ɔnyɛ yé.”

YOB NWOMAA NE 15:25

Ofikyɛ watengyɛ ye sa Nyameɛ nyunu, na wadwɔso watia Tuminiɛ ne.

Edwein 52:7

“Ɛ́mɔnea sona bɔ wamva Nyameɛ wanyɛ ye afealeɛ, na mmom ɔfale ye wora wurale ye anwonya worawora nu, ná ɔfale ye nwo tole ye agyapadeɛ so ne!”

Nworɛ Dwirɛhanɛniɛ 8:8

Sona biala nne berɛ bɔ ole nwomeɛ so tumi, bɔ ɔkora si nwomeɛ ate maa ɔtena ye nu ɔ, anaa ole ye wue kyẽa so tumi ɔ? Ɛsrɛ atee wɔ koɛ nu a, engonya ye, yeɛ amumuyɛɛyɔlɛ mbepɛ nne bɛ bɔ bɛyɔ amumuyɛɛ ɔ.

Hesekiel 12:25

Ofikyɛ me ole AWURADE: ngodwudwo, na edwirɛ bɔ ngɔhã ne yeɛ ɔkɔwa nu ɔ. Mengɔtwetwe me gya ase wɔ edwirɛ ne anwo. Ofikyɛ, ɛlɔenyɛlɛ abusua, ɛmɔ aberɛ so, ngɔhã edwirɛ ne, na ngɔyɔ, AWURADE Nyameɛ noa dwirɛ ɛne.”

Hesekiel 12:28

Ɔnate sɔ ne ati, se bɛ kyɛ, ‘AWURADE Nyameɛ nwa nyoo: Mengɔtwetwe me gya ase wɔ me noa dwirɛ biala nwo ko, na mmom edwirɛ bɔ mahã ne, ɔkɔwa nu, AWURADE Nyameɛ noa dwirɛ ɛne.”

Hesekiel 13:22

Ɛmɔafa ɛmɔ nnakannaka ne bama teneneefoɛ bɛ wora abɔ, ɔwɔ nu kyɛ me de mmvale aworabɔlɛ nndole bɛ so. Ɛmɔsi bɔnefoɛ adua, kyɛbɔ ɔkɔyɛ bɔ ɔngɔhwe ye nwo ngofi ye bɔne atee so ngonya ngoa ɔ.

Lewitikɔso 25:13

“Sɔ Yubilee afoɛ ye, odi kyɛ ɛmɔ nu biala ye sa osa ka ye aseɛ bɔ wafi ye sa ɔ.

Lewitikɔso 25:31

Nakoso awuro mɔ bɔ bɛwɔ nguraa mɔ bɔ fasue ɔnne bɛ nwo nu ne de, odi kyɛ bebu bɛ kyɛ bɛte namue; bɛkɔhora bɛkɔpɔ bɛ, na odi kyɛ besa bɛkakyi bɛma bɛ mene mɔ Yubilee afoɛ ne anu.