Hesekiel 7:11 - AHYERƐLƐ KRONGRON

¹¹ Atutureasɛm wanyi wakakyi amumuyɛɛ mbire; bɛ nu biala ngonya ye ti ngodidi nu, b’ɛlɔen ne anu ko po, b’anwonyadeɛ ne anu ko po, na bɛngɔyɛ nhyɛsoɛ ko.

Hesekiel 7:11 Iomraidhean Croise

Edwein 125:3

Ahemvo bɔnefoɛ mɔ bɛ hɔtɔ ngɔhɔ so ngoli tumi wɔ aseɛ bɔ bafa bama teneneefoɛ ne aso, kyɛbɔ ɔkɔyɛ bɔ teneneefoɛ bɛngɔfa bɛ nwo bɛngɔfɔlefɔle amumuyɛɛ ɔ.

Edwein 73:8

Bɛgoro mmenia nwo, na bɛ noa dwirɛ te bɔne, bele anwomasoɛ benwunanwuna mmenia.

Edwein 78:64

B’asɔfo mɔ totɔle ngrandɛ noa, bɔ bɛ kunafoɛ mɔ bangora banzu bɛ ɔ.

Yesaya 14:29

Filistia amukoraa, nnɛdi ahurusi, kyɛ mbire bɔ ofini wɔ ne, nu abubu ɔ, ofikyɛ ewoo ne, ye ndii nu yeɛ ɛkyenebene kofi kɔwa ɔ, na ɔwa ne kɔyɛ see ewoo bɔ otu ɔ.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Yesaya 9:4

Ofikyɛ b’adesoa bɔ ɔso bɛ ne, bakaa bɔ ɔla bɛ kɔme anwo ne, yeɛ mmenia bɔ bɛhyɛ bɛ so nemɔ b’abopura ne, abubu nu kyɛ kyẽa bɔ elili Midian so ngonim ne.

Yeremia 22:18

Yiti Yehoakim bɔ ɔte Yuda hene Yosia awa ne, bɔ AWURADE kã fa ye nwo ɛhe: “Bengoli ye nwo aworabɔlɛ kyɛ, ‘Ayaa, nniɛma bienzua!’ anaa ‘Ayaa, nniɛma brasua!’ Bengoli ye nwo aworabɔlɛ kyɛ, “Ayaa, me mene!’ anaa ‘Ayaa, ye animnyam!’

Yeremia 25:33

“Na bɛ bɔ AWURADE kohũhũ bɛ sɔ kyẽa ne, bɛkɔsamo berɛ kofi aseɛ noa kɔkã ye noa. Bengosu bɛ, bɛngɔboaboa bɛ noa, yeɛ bengosie bɛ, na bɛkɔkakyi fofoɛ wɔ aseɛ so.

Yeremia 6:7

Kyɛbɔ abura pu ye nzue ba ne, sɔ ala yeɛ Yerusalem di nzɛmmɔne ɔ; atianuserɛ ne atutureasɛm yeɛ bɛte ye wɔ kuro ne anu ɔ; anwonyerɛ ne epuralɛ yeɛ menwu ye daa ɔ.

Yeremia 7:34

Na Yuda nguro nemɔ anu ne Yerusalem dwaa nemɔ aso, ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga, ngotu bɛ bo, ofikyɛ aseɛ ne kɔyɛ kurofoen.

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 5:4

Sa fa enwiaa ne anu bie, gyi gua see ne anu yera ye wɔ nu. Na see kofi nu kɔsɔ kɔhɔ Yisrael awuro ama amukoraa so.

Hesekiel 6:11

AWURADE Nyameɛ nwa nyoo, “Bɔ wɔ sa nu, fa wɔ gya pem pem berɛ, ná kã kyɛ, ‘Aa!’ Ɔnate Yisrael awuro ama b’akyiwadeɛ bɔne bɔ bayɔ ne amukoraa ti ɔ; ofikyɛ bɛkɔtotɔ ngrandɛ noa, na ɛhɔen ne ewue anwonyerɛ kohũhũ bɛ.

Hesekiel 7:16

Na bɛ bɔ bɛkɔnwati bekonya bɛ ti bekodidi nu ne, bɛkɔhɔ mmokaa nemɔ aso kyɛ bɔnza nu mmubure, na ɔnate bɛ mukoraa b’amumuyɛɛ ti, ebiala kɔpene.

Hesekiel 7:2

“Wɔ, Sona awa, bɔ AWURADE Nyameɛ ɔkã kyire Yisrael maen hɔ ɛhe: Ayieleɛ! Aseɛ ndweasoɛ nna ne, b’ayieleɛ yeɛ wato bɛ ne.

Hesekiel 7:23

Yɔ ngɔnzɔngɔnzɔ, ofikyɛ awuelilɛ ayi aseɛ ne aso to, nzɛmmɔnelilɛ ayi kuro ne anu to.

Hesekiel 8:17

Na obisale me kyɛ, “Sona awa, yeɛ anwu he? Aso ɔte edwirɛ baa kyɛ Yuda awuro ama bɛkɔbɔ akyiwadeɛ bra bɔ bɛbɔ ye wɔ ɛwa ye ɔ, bɔ bafa nzɛmmɔne bapete aseɛ ne aso amukoraa, bɔ besa behu m’ahone ɔ? Nea, kyɛ bɛ́nwaha bakaa nyaa ne wɔ bɛ bonyi noa ɔ.

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Amose 6:3

Ɛmɔ bɔ ɛmɔtu kyẽa tɛɛ ne bɛhyɛ dedeede, nakoso ɛmɔ yɔleɛ de, basabasa yeɛ ɔfa ba ɔ!

Mika 2:2

Bɛ nye boro eboo mɔ, na bɛfa bɛ tumi bedide, yeɛ bɛ nye boro awuro mɔ, na bede bɛfa, yiti bɛhyɛ ebie ne ye awuro ama so, yeɛ ebie ne ye agyapadeɛ koso so.

Mika 3:3

ɛmɔdi me mmenia nwonaen, na ɛmɔpuro bɛ nwonaen befi bɛ nwo, ɛmɔbubu bɛ mmowue nu, ɛmɔpepɛ nu ahuronzi ahuronzi, kyɛ bɛfa begua kukue nu ɔ, kyɛ naen bɔ ogua turonzemaa nu ɔ.

Mika 6:12

Ofikyɛ basabasayɔlɛ wali sikafoɛ nemɔ bɛ ti, kuro ne anu ama bɛpɛ ngondombo, na bɛ noa nu dwirɛ te nnakannaka.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.