Hesekiel 6:9 - AHYERƐLƐ KRONGRON

⁹ Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hesekiel 6:9 Iomraidhean Croise

2 Ahemvo 16:10

Nana Ahase hɔle ooyiale Asiria hene Tiglate Pilese wɔ Damasko nen, onwuni afɔleɛ bokyea bɔ né ɔwɔ Damasko ne. Yiti Nana Ahase somane maa bɛfale afɔleɛ bokyea ne, ye piri ne ye tendenn nwo nhwɛsoɛ pɛpɛpɛpɛ bɛɛmane ɔsɔfo Yuria.

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Edwein 137:1

Babilɔn asue mɔ noa, berɛ yeɛ yɛtenane ase yɛsuni ɔ, mmerɛ bɔ yɛkayele Sion ɔ.

Edwein 78:40

Amba, bɛyɛle ye nwo lɔen wɔ ɛserɛ so mmerɛ pee, na bɛmane ye wora bɔle wɔ ɛserɛ so!

Yesaya 43:24

Amva sikaa andɔ ayirefona amma me, yeɛ w’afɔleɛ ɛloe nemɔ, amva amma me amma me ko anyi. Na mmom, ama wɔ bɔne ne ayɛ me so adesoa, yeɛ afa w’amumuyɛɛ ne agyegye me.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yesaya 64:6

Yɛ mukoraa yayɛ kyɛ nikyee bɔ ye nwo nde ɔ, na yɛ tenenee amukoraa ɔte kyɛ ndangurɛ fiɛ; yɛ mukoraa yɛkese kyɛ nyaa, na yɛ amumuyɛɛ pia yɛ kɔ kyɛ mvrama.

Yesaya 7:13

Yeɛ Yesaya sele kyɛ, “O Dawide awuro ama, ɛ́mɔtie! Ɛmɔnwa nzɛ ɔte edwirɛ baa kyɛ ɛmɔma ɛmɔ nwo yɛ mmenia ahi, bɔ yeɛ ɛmɔama ɛmɔ nwo ayɛ me Nyameɛ koso ahi ye?

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Yeremia 3:6

Nana Yosia aberɛ so, AWURADE sele me kyɛ, “Yisrael bɔ onni nahorɛ mma me ne, anwu bɔ wayɔ ɔ? Kyɛbɔ osi fo hɔle bokaa biala so, ná ɔhɔle bakaa monɛ biala abo ɔɔbɔle adwaman wɔ berɛ ɔ?”

Yeremia 51:50

“Ɛmɔ bɔ ɛmɔanya ɛmɔ ti badidi nu bafi ngrandɛ noa ɔ, ɛ́mɔfi wa bɛhɔ, nnɛma ɛmɔgyina! Odi kyɛ ɛmɔkaye AWURADE wɔ dedeede dɔ, ná ɛ́mɔkaye Yerusalem koso.

Hesekiel 12:16

Nakoso ngɔma bɛ nu kãa bie konya bɛ ti bekodidi nu bekofi ngrandɛ ne noa, kofi ɛhɔen ne ewue anwonyerɛ nu, amaa ɔnate so bato bɛ noa nu tui bahã b’akyiwadeɛ yɔleɛ amukoraa wɔ maen maen bɔ bɛkɔhɔ so nemɔ anu, na bekonwu kyɛ me ole AWURADE.”

Hesekiel 16:43

Na ɔnate kyɛ angaye mmerɛ bɔ né ɛte abaayaa, na mmom afa ɛhemɔ amukoraa ahu m’ahone ne ati, tie, ngɔma wɔ yɔleɛ kɔbɔ wɔ ti so, AWURADE Nyameɛ noa dwirɛ ɛne. Aso amva nyanzoen bra ammoka w’akyiwadeɛ yɔleɛ amukoraa so?

Hesekiel 16:61

Na sɛ mefa eliɛma mmrasua nemɔ, bɔ ko tra wɔ panyi, bɔ ko wora ɔte kãa tra wɔ ne, mema wɔ maa bɛyɛ wɔ mma mmrasua, bɔ nna w’apam ne aso yeɛ magyina mayɔ sɔ hɔ a, ye de ɛkɔkaye w’atee bɔ ɛnate so ɔ, ná wɔ nyunu agua ase.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 20:24

ɔnate kyɛ banni me mmeraa so, na mmom bɛpole m’ahyɛdeɛ, beguale m’afofingyẽa nemɔ nwo fiɛ, yeɛ bɛ nye oolili bɛ nana mɔ mmosoen nemɔ asi.

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 20:43

Berɛ yeɛ ɛmɔkɔkaye atee bɔ ɛmɔnate so ɔ, ɔne bɔ ɛmɔayɔ amukoraa bafa bagua ɛmɔ nwo fiɛ ɔ; na ɔnate ɛmɔ bɔne amukoraa bɔ ɛmɔayɔ ne ati, ɛmɔ nwo kɔyɛ ɛmɔ tɛ.

Hesekiel 20:7

Na nzele bɛ kyɛ: Odi kyɛ ɛmɔ nu biala ogyi akyiwadeɛ nningyein bɔ ɛmɔ nye gye ye nwo ne ogua. Nnɛma ɛmɔfa Misraim mmosoen begua ɛmɔ nwo fiɛ. Me ole AWURADE ɛmɔ Nyameɛ ne.

Hesekiel 23:30

Sɔ yeɛ ngɔfa ngɔyɔ wɔ ɔ, ofikyɛ ɛfale wɔ nwo mane maen maen mɔ ɛbɔle gyandera, na ɛfale bɛ mmosoen eguale wɔ nwo fiɛ.

Hesekiel 5:13

“Sɔ yeɛ me yaafɛlɛ ne kɔyɔ bɛ nwo adwuma koyie ɔ, m’ahone kohu bɛ so maa m’ahone kɔtɔ nzue nu. Na sɛ m’ahone hu bɛ so a, yeɛ bekonwu ye kyɛ me, AWURADE, me nungunɛhwenɛ nu yeɛ mahã ɔ.

Hesekiel 6:10

Na bekonwu kyɛ me ole AWURADE; na edwirɛ bɔ mahã, kyɛ ngɔprapra sɔ musue he ngogua bɛ so ne, manga ye mbaen.”

Hesekiel 7:16

Na bɛ bɔ bɛkɔnwati bekonya bɛ ti bekodidi nu ne, bɛkɔhɔ mmokaa nemɔ aso kyɛ bɔnza nu mmubure, na ɔnate bɛ mukoraa b’amumuyɛɛ ti, ebiala kɔpene.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Amose 2:13

Ɛ́mɔtie, ngɔnyema ɛmɔ ngɔhɔ ase, kyɛbɔ teaseɛnam bɔ aburoo ayi ye to ne ɔnyema kɔ ase ɔ.

Mika 5:13

Ngɔsɛkye w’amoen mɔ pasaa, yeɛ ngɔsɛkye w’amoen bɔ agyinagyina nemɔ koso ngofi wɔ nu, na ɛngɔsɔne wɔ sa noa adwuma ko.

Sakaria 10:9

Ngolualua bɛ wɔ maen maen mɔ so, na bɛkɔkaye me wɔ maen maen mɔ so dedeede dɔ, na bɛ ne bɛ mma mɔ bekonya ngoa ná basa bawa.

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!