Hesekiel 6:8 - AHYERƐLƐ KRONGRON

⁸ “Nakoso ngɔma ɛmɔ nu biemɔ konya bɛ ti bekodidi nu. Bɛkɔnwati bekofi ngrandɛ noa bɛkɔhɔ maen maen nemɔ anu, wɔ mmerɛ bɔ bɛkɔbɔ aya bɛkɔhɔ maen maen mɔ so ne.

Hesekiel 6:8 Iomraidhean Croise

Nehemia 1:8

Kaye ahyɛdeɛ bɔ ɛfa mane wɔ somvoɛ Mose kyɛ, ‘Sɛ ɛmɔanni nahorɛ bamma me a, ngɔbɔ ɛmɔ ngɔsande ngɔhɔ maen maen nemɔ aso,

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yeremia 30:11

Ofikyɛ ngyi wɔ si kyɛ ngɔpepɛ ngole wɔ, AWURADE noa dwirɛ ɛne; na maen maen amukoraa bɔ mabɔ wɔ masande maagua so ne, ngɔbɔ bɛ tɔɔ, nakoso wɔ de, mengɔbɔ wɔ tɔɔ. Na mmom ngɔhwe wɔ so kyɛbɔ ɔfata ɔ, na mengɔma ɛngɔfa wɔ nwo ngoli tɔtorɔtɔɔ.

Yeremia 44:14

amaa ɔnate so, Yudafoɛ ngaa bɔ baatena Misraim aseɛ so ne, bɛ nu biala wannwati anaa wannya ye ti wannidi nu, ná wanza wangɔ Yuda aseɛ bɔ bɛpena kyɛ besa bɛkɔtena so ne aso; ofikyɛ bengosa bɛngɔwa, sana kãa bie bɔ bɛkɔnwati ɔ.”

Yeremia 44:28

Na bɛ nu kãa bie bɔ bɛkɔnwati bekofi ngrandɛ noa ne, bekosa bekofi Misraim aseɛ so bɛkɔwa Yuda aseɛ so. Na Yudafoɛ ngaa amukoraa bɔ bɛhɔle Misraim aseɛ so bɛɛtenane dɔ ne, bekonwu bɔ ye noa dwirɛ kɔyɛ adwuma ɔ: kyɛ me deɛ oo, anaa bɛ deɛ oo.

Yeremia 46:28

Ao me somvoɛ Yakob, nnɛsuro ofikyɛ ngyi wɔ si, AWURADE noa dwirɛ ɛne. Maen maen amukoraa bɔ mafoa wɔ mahɔ so ne, ngonua bɛ boso. Nakoso wɔ de, mengonua wɔ boso, na mmom ngɔhwe wɔ so kyɛbɔ ɔfata ɔ, na mengɔyakyi wɔ maa ɛngɔfa wɔ nwo ngoli tɔtorɔtɔɔ.”

Hesekiel 12:16

Nakoso ngɔma bɛ nu kãa bie konya bɛ ti bekodidi nu bekofi ngrandɛ ne noa, kofi ɛhɔen ne ewue anwonyerɛ nu, amaa ɔnate so bato bɛ noa nu tui bahã b’akyiwadeɛ yɔleɛ amukoraa wɔ maen maen bɔ bɛkɔhɔ so nemɔ anu, na bekonwu kyɛ me ole AWURADE.”

Hesekiel 14:22

Nakoso mmaa mmienzua ne mmaa mmrasua bɔ bekonya bɛ ti bekodidi nu nen, bɛkɔfa bɛ bekofi nu bekofite. Ɛ́mɔtie, bɛkɔwa ɛmɔ berɛ, na sɛ ɛmɔnwu bɛ suban ne bɛ yɔleɛ a, ye de musue bɔ maprapra magua Yerusalem so, ɔne edwirɛ bɔ mamaa wato ye ne amukoraa, ɛmɔkonya nu aworakyekyerɛ.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:2

Nu ngyɛmuɛ nza nu ko ne, mmerɛ bɔ kuro ne tualɛ ne kɔwa ayieleɛ ne, fa see yera ye wɔ kuro n’afia berɛ. Ngyɛmuɛ nza nu ko wora, fa ngrandɛ pepɛ nu wɔ kuro ne anwo bra yia. Yeɛ ngyɛmuɛ nza bɔ waha ne koso, pete gua mvrama nu, na ngɔhwe ngrandɛ ngɔfa ngɔfoa bɛ.

Hesekiel 6:7

Bɛ bɔ batotɔ ne, bɛkɔlela ɛmɔ nu, na ɛmɔkonwu kyɛ me ole AWURADE.

Hesekiel 7:16

Na bɛ bɔ bɛkɔnwati bekonya bɛ ti bekodidi nu ne, bɛkɔhɔ mmokaa nemɔ aso kyɛ bɔnza nu mmubure, na ɔnate bɛ mukoraa b’amumuyɛɛ ti, ebiala kɔpene.

Sefania 3:12

Anwumvoin mmenia ne awiɛmvoɛ mmenia yeɛ ngɔmaa bɛkɔha wɔ wɔ nu ɔ, na AWURADE dumaa yeɛ bɛkɔfa bɛ wora bekowura nu ɔ.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;