Hesekiel 6:7 - AHYERƐLƐ KRONGRON

⁷ Bɛ bɔ batotɔ ne, bɛkɔlela ɛmɔ nu, na ɛmɔkonwu kyɛ me ole AWURADE.

Hesekiel 6:7 Iomraidhean Croise

2 Ahemvo 19:19

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ AWURADE, wɔ ngome yeɛ ɛte Nyameɛ ɔ.”

Ɛksadɔso 14:18

Na sɛ ɔnate Faro ne ye teaseɛnam mɔ, ɔne ye pɔngɔhanɛfoɛ so mehyɛ me nwo animnyam a, Misraimfoɛ konwu ye kyɛ me ole AWURADE.”

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 7:5

Na sɛ metengyɛ me sa wɔ Misraim so, ná meye Yisraelfoɛ mefi bɛ nu a, Misraimfoɛ konwu kyɛ me ole AWURADE.”

Yeremia 14:18

Sɛ mekɔ buro a, yieee, bɛ bɔ batotɔ ngrandɛ noa ɛhe! Yeɛ sɛ mewura kuro ne anu a, yieee, bɛ bɔ ɛhɔen ama babɔ anwonyerɛ ɛhe! Ofikyɛ ngɔmhyɛlɛniɛ ne ɔsɔfo po, bekyinikyini wɔ aseɛ bɔ bɛnze so ɔ so.’ ”

Yeremia 18:21

Yiti maa ɛhɔen ohũhũ bɛ mma mɔ, maa bɛtotɔ ngrandɛ noa, bɛ ye mɔ, ma bɛ mma fi bɛ sa, maa bɛyɛ kunafoɛ. Ma ewue anwonyerɛ ohũhũ bɛ hu mɔ; ma bɛ mmerandeɛ mɔ totɔ ngrandɛ noa wɔ koɛ nu.

Yeremia 25:33

“Na bɛ bɔ AWURADE kohũhũ bɛ sɔ kyẽa ne, bɛkɔsamo berɛ kofi aseɛ noa kɔkã ye noa. Bengosu bɛ, bɛngɔboaboa bɛ noa, yeɛ bengosie bɛ, na bɛkɔkakyi fofoɛ wɔ aseɛ so.

Awuye 4:9

Bɛ bɔ bafa ngrandɛ bahũhũ bɛ ne, bɛte paa bɛtra bɛ bɔ ɛhɔen amaa bawuwu ɔ, bɔ bafɔ bayɛ kangenaen, ɔnate fieso aleɛ bɔ wabɔ bɛ ne ati.

Hesekiel 11:10

Ɛmɔkɔtotɔ ngrandɛ noa, ngɔhwe ɛmɔ so wɔ Yisrael ɛwɛen so, na ɛmɔkonwu kyɛ me ole AWURADE.

Hesekiel 11:12

Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”

Hesekiel 12:15

Na sɛ mebɔ bɛ mesande maa bɛkɔ maen maen nemɔ nu, ná meto bɛ mepete aseɛ nemɔ aso a, ye de bekonwu kyɛ me ole AWURADE.

Hesekiel 12:19

ná se aseɛ ne aso ama kyɛ, ‘Yerusalemfoɛ bɔ bɛwɔ Yisrael aseɛ so ne, bɔ AWURADE Nyameɛ kã fa bɛ nwo ɛhe: Bɛkɔfa ahunundetelɛ bekoli b’aleɛ, ná bafa aworabɔlɛ bano bɛ nzue, ofikyɛ bɔ ɔwɔ b’aseɛ ne aso amukoraa kofi so, ɔnate so ama amukoraa b’amumuyɛɛ ne ati.

Hesekiel 13:14

Fasue bɔ ɛmɔafa ewure bahã ye nwo ne, ngodwiri ye ngogua ase maa ye fapem ne nwo kɔla berɛ. Okobubu kogua maa ɛmɔkowuwu wɔ nu, na ɛmɔkonwu kyɛ me ole AWURADE.

Hesekiel 13:21

Ngɔtete ɛmɔ duku ne anu, ná mapepɛ male me mmenia mafi ɛmɔ sa nu, na bɛngɔyɛ kyɛ naen bɔ ɛmɔahye bɛ ɔ wɔ ɛmɔ sa nu, amaa ɔnate so ɛmɔanwu kyɛ me ole AWURADE.

Hesekiel 13:23

Ye sɔ ne ati, ɛmɔngonwu ngondombo nyekyire ko, yeɛ ɛmɔngɔhyɛ ngɔm ko. Na ngole me mmenia ngofi ɛmɔ sa nu, amaa ɔnate so ɛmɔanwu kyɛ me ole AWURADE.”

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Hesekiel 14:8

Ngotu me nye ngosie sɔ sona ne aso, ngɔfa ye ngɔkakyi sɛngyerɛnneɛ ne ngorohoɛ dwirɛ, ngotu ye ngofi me maen nu, ná ɛmɔanwu kyɛ me ole AWURADE.

Hesekiel 15:7

Ngotu me nye ngosie bɛ so. Ɔwɔ nu kyɛ benyane bɛ ti bedidili nu befili see nu de, nakoso see foforɛ kɔyera bɛ; na sɛ metu me nye mesie bɛ so a, ɛmɔkonwu kyɛ me ole AWURADE.

Hesekiel 20:26

na nguale bɛ nwo fiɛ wɔ b’ayɛyɛdeɛ nu, nyakyili bɛ maa bɛfale bɛ bamuɛbaa mɔ amukoraa bɛbɔle afɔleɛ wɔ see nu, amaa ɔnate so masɛkye bɛ pasapasa. Nyɔle sɔ, kyɛbɔ ɔkɔyɛ bɔ bekonwu kyɛ me ole AWURADE ɔ.

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Hesekiel 20:42

Na ɛmɔkonwu kyɛ me ole AWURADE, mmerɛ bɔ ngɔfa ɛmɔ ngɔwa Yisrael aseɛ so, aseɛ bɔ ndale ndaen kyɛ ngɔfa ngɔma ɛmɔ nana mɔ ne.

Hesekiel 20:44

O Yisrael awuro ama, sɛ me dumaa ti menwu ɛmɔ anwumvoin, ná mangyina ɛmɔ bɔne so, anaa ɛmɔ yɔleɛ tɛɛ so me ne ɛmɔ yanni ye weewee a, ye de ɛmɔkonwu kyɛ me ole AWURADE; AWURADE Nyameɛ noa dwirɛ ɛne.”

Hesekiel 22:16

Wɔ nwo kogua fiɛ wɔ maen maen mɔ bɛ nyunu, na ekonwu ye kyɛ me ole AWURADE.’ ”

Hesekiel 23:49

Ɛmɔkonya ɛmɔ nyanzoen bra ne nwo akatuaa, ɛmɔ mmosoensolɛ nwo bɔne ne, ɛmɔkonya ye nwo asohwenɛ, amaa ɔnate so ɛmɔanwu kyɛ me ole AWURADE Nyameɛ.”

Hesekiel 24:24

Sɔ yeɛ Hesekiel kogyina berɛ kɔma ɛmɔ kyɛ sɛngyerɛnneɛ ɔ; na bɔ wayɔ ne amukoraa, ɛmɔ koso ɛmɔkɔyɔ bie. Na sɛ sɔ dwirɛ ne si a, afei ɛmɔkonwu kyɛ me ole AWURADE Nyameɛ.’

Hesekiel 24:27

Sɔ kyẽa ne, ɛkɔhora dwudwo, ekodwudwo kohyire bɔ wanya ye ti wadidi nu ne, ekodwudwo, na ɛngɔtɔ mumu ko. Ekogyina berɛ kɔma bɛ kyɛ sɛngyerɛnneɛ, na bekonwu kyɛ me ole AWURADE.”

Hesekiel 25:17

Ngɔfɛ yaa piri paa ngɔtɔ bɛ so wereɛ piri; na sɛ metɔ bɛ so wereɛ a, yeɛ bekonwu kyɛ me ole AWURADE ɔ.’ ”

Hesekiel 26:6

Ye mma mmrasua mɔ bɔ baha aseɛ ne aso ne, bɛkɔtotɔ ngrandɛ noa, na afei bekonwu kyɛ me ole AWURADE.

Hesekiel 28:23

Ofikyɛ ngɔsoma ewue anwonyerɛ maa ɔkɔhɔ ye so, ngɔma mogya koguagua ye dwaa nemɔ aso, na ngrandɛ bɔ okofi nekaa biala kɔwa ye so ne, ɔkɔma mmenia kɔtotɔ wɔ ye nu, na afei bekonwu kyɛ me ole AWURADE.

Hesekiel 30:26

Ngɔbɔ Misraimfoɛ ngɔsande maen maen mɔ nu, na ngɔto bɛ ngɔpete aseɛ mɔ so. Na afei bekonwu kyɛ me ole AWURADE.”

Hesekiel 32:15

Na mmerɛ bɔ ngɔsɛkye Misraim aseɛ ne pasaa, bɔ ngɔsɛkye aseɛ ne aso nikyee biala maa ɔkɔla berɛ mbaen, bɔ ngohũhũ bɛ bɔ bɛte so amukoraa ne, yeɛ afei bekonwu kyɛ me ole AWURADE ɔ.

Hesekiel 35:15

Mmerɛ bɔ Yisrael awuro ama b’agyapadeɛ yɛle kurofoen ne, wɔ nye gyele, yiti me koso sɔ ala yeɛ ngɔfa ngɔyɛ wɔ ɔ. Ɛkɔkakyi kurofoen, wɔ, Sɛre bokaa, ɛne Edom amukoraa. Na afei bekonwu kyɛ me ole AWURADE.”

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Hesekiel 6:13

Na ɛmɔkonwu kyɛ me ole AWURADE, mmerɛ bɔ bɛ mmenia kɔtotɔ kɔlela bɛ mmosoen nemɔ afia, bɔ bɛkɔpɛ b’afɔleɛ mmokyea nemɔ anwo bɛkɔbra bekoyia ne, wɔ pambaa tendenn biala so, wɔ mmokaa mukoraa bɛ ti afia ne, wɔ bakaa monɛ biala bo, wɔ eluii kusuu mukoraa bo, nekaa biala bɔ bɛbɔle ayirefona afɔleɛ bɛmane bɛ mmosoen nemɔ amukoraa ne.

Hesekiel 6:6

Kuro biala bɔ ɛmɔte so ne, ɔkɔkakyi kurofoen, ɛmɔ asɔneyɛɛ nemɔ kɔsɛkye kɔlela berɛ mbaen, na ɛmɔ afɔleɛ mmokyea nemɔ kodwiri kogua kɔsɛkye; ngobubu ɛmɔ mmosoen nemɔ ngogua ngɔsɛkye bɛ, ngobubu ɛmɔ amoen nemɔ ngogua, na ngɔsɛkye ɛmɔ sa noa adwuma nemɔ.

Hesekiel 6:8

“Nakoso ngɔma ɛmɔ nu biemɔ konya bɛ ti bekodidi nu. Bɛkɔnwati bekofi ngrandɛ noa bɛkɔhɔ maen maen nemɔ anu, wɔ mmerɛ bɔ bɛkɔbɔ aya bɛkɔhɔ maen maen mɔ so ne.

Hesekiel 7:4

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE.

Hesekiel 7:9

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE bɔ metwe asoɛ ɔ.

Hesekiel 9:7

Yeɛ osele bɛ kyɛ, “Ɛ́mɔgua sua ne anwo fiɛ, ná ɛ́mɔfa bɛ bɔ ɛmɔahũhũ bɛ ne béyi aluo berɛ to. Ɛ́mɔsi nu bɛhɔ!” Yiti besili nu bɛhɔle, na behuhuni mmenia wɔ kuro ne anu.