Hesekiel 6:6 - AHYERƐLƐ KRONGRON

⁶ Kuro biala bɔ ɛmɔte so ne, ɔkɔkakyi kurofoen, ɛmɔ asɔneyɛɛ nemɔ kɔsɛkye kɔlela berɛ mbaen, na ɛmɔ afɔleɛ mmokyea nemɔ kodwiri kogua kɔsɛkye; ngobubu ɛmɔ mmosoen nemɔ ngogua ngɔsɛkye bɛ, ngobubu ɛmɔ amoen nemɔ ngogua, na ngɔsɛkye ɛmɔ sa noa adwuma nemɔ.

Hesekiel 6:6 Iomraidhean Croise

1 Ahemvo 14:23

Ofikyɛ besa besisili asɔneyɛɛ mɔ, bosoen bonima mɔ ne bosoen Asera dosii mɔ bɛmane bɛ nwo wɔ bokaa biala so, ɔne bakaa monɛ biala abo.

Edwein 115:8

Bɛ bɔ bɛyɔ mmosoen nemɔ ne, bɛte kyɛ mmosoen nemɔ ala; na ebiala bɔ ɔfa ye wora wura mmosoen nemɔ anu ne, ɔte kyɛ mmosoen nemɔ ala.

Yesaya 1:31

Anwoserɛniɛ kɔyɛ kyɛ mmɛyeram worowaa, ye sa noa adwuma kɔyɛ kyɛ see nzramaa, na ɔne ye sa noa adwuma ne bɛkɔyera bɛkɔbɔ nu, bɔ ebiala nne berɛ bɔ okonua ye ɔ.

Yesaya 2:18

Amoen amukoraa bɛ boso komini.

Yesaya 2:20

Sɔ kyẽa ne, mmenia b’ɛdwetɛ amoen ne bɛ sikaa kɔkorɛ amoen bɔ bayɔ bama bɛ nwo, bɔ bɛsɔne bɛ ne, bekogyi bekogua bɛkɔma mmurokuruwa ne mbena.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yesaya 6:11

Yeɛ mmisale kyɛ, “O AWURADE, ɛhe kɔhɔ so alaa maa okoodwu kyinzu?” Na obuale kyɛ, “Kɔpem kyɛ nguro kɔkakyi kurofoen bɔ sona nne so ɔ, ɔne kyɛ awuro mɔ kɔkakyi dandue bɔ sona nne nu ɔ, ɔne kyɛ aseɛ ne kɔsɛkye bɔkɔɔ kɔla berɛ mbaen ɔ,

Yesaya 64:10

Wɔ nguro krongron nemɔ, bakakyi ɛserɛ, Sion akakyi ɛserɛ, yeɛ Yerusalem akakyi kurofoen.

Yeremia 10:22

Tie, dede bie! Nea, ɔ́ba! Basabasa kandinga bie fi sorɔ dɔ aseɛ ne aso ɔ́ba, bɔ ɔbaama Yuda nguro mɔ bɛkakyi kurofoen ne ɛserɛ so ngyea atenaleɛ ɔ.

Yeremia 17:3

Ao, me bokaa bɔ ɛwɔ eburo ɔ, ɔnate wɔ bɔne asɔneyɛɛ mɔ bɔ bɛwɔ w’aseɛ ne amukoraa so ne ati, ngɔfa wɔ nningyein ne w’agyapadeɛ amukoraa ngɔmaa bɛkɔfẽ bɛkɔfa.

Yeremia 2:15

Gyata akrɔngrɔma nemɔ bepo ye, babobɔ nu serɛserɛ paa. Bama ye aseɛ akakyi aseɛ pralaa; bayerayera ye nguro nemɔ, bɔ sona fee ɔtte so ɔ.

Yeremia 34:22

Ɛ́mɔtie, ngɔfa ahyɛdeɛ ngɔma, na ngosa ngɔfa bɛ ngɔwa kuro ye aso, AWURADE noa dwirɛ ɛne’. Bɛkɔfa koɛ bɛkɔteta kuro ye, bekoli so ngonim, na bɛkɔto nu see bɛkɔyera ye. Na ngɔma Yuda nguro nemɔ bɛkɔyɛ kurofoen bɔ sona fee ɔnne so ɔ.

Yeremia 51:18

Bɛte nningyein mbaen, bɛte ngorohoɛ nikye, na b’asohwenɛ mmerɛ ne anu, bɛ boso konua.

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:11

Ngɔma Yerusalem kɔkakyi esire sire, ɛserɛ so ngyea atenaleɛ; ngɔma Yuda nguro kɔkakyi kurofoen, bɔ sona biala nne so ɔ.”

Yeremia 9:19

Ofikyɛ bɛte awuye nga befi Sion kyɛ, ‘Ah! Kyɛbɔ edwirɛ asi ato yɛ hɔ ɛne oo! Yɛ nyunu agua ase bɔkɔɔ, ofikyɛ yatu yafi aseɛ ne aso, badwiri y’atenaleɛ mɔ bagua.’ ”

Hesekiel 12:19

ná se aseɛ ne aso ama kyɛ, ‘Yerusalemfoɛ bɔ bɛwɔ Yisrael aseɛ so ne, bɔ AWURADE Nyameɛ kã fa bɛ nwo ɛhe: Bɛkɔfa ahunundetelɛ bekoli b’aleɛ, ná bafa aworabɔlɛ bano bɛ nzue, ofikyɛ bɔ ɔwɔ b’aseɛ ne aso amukoraa kofi so, ɔnate so ama amukoraa b’amumuyɛɛ ne ati.

Hesekiel 16:39

Ngɔfa wɔ ngowura bɛ bɔ ekuro bɛ nemɔ sa, na bekodwiri wɔ simbini ne bekogua, yeɛ bekobubu wɔ mmosoen asɔneyɛɛ nemɔ koso bekogua. Bekopuro wɔ nwo ndaadeɛ, bekole wɔ mbembenanneɛ nyemenenyemene nemɔ, ná bayakyi wɔ kwaterekwa maa wɔ nwo ala so.

Hesekiel 30:13

“AWURADE Nyameɛ nwa nyoo: Ngɔsɛkye mmosoen nemɔ, na ngɔpra amoen mɔ bɔ bɛwɔ Memfise ɔ bɛ boso. Bengonya ɛhene biala wɔ Misraim aseɛ so ko; na ngɔfa ahunundetelɛ ngɔto Misraim aseɛ so.

Hesekiel 35:4

Ngɔkakyi wɔ nguro mɔ kurofoen, na ɛkɔla berɛ mbaen, na afei ekonwu kyɛ me ole AWURADE.

Hesekiel 5:14

Afei koso, ngɔbɔ wɔ tɔɔ, yeɛ ngogua wɔ nyunu ase wɔ maen maen bɔ bapɛ wɔ nwo bayia nemɔ anu, ɔne ebiala bɔ ɔpɛ nu kɔ ɔ ye nyunu.

Hesekiel 6:4

Ɛmɔ afɔleɛ mmokyea nemɔ kodwiri kogua, ngobubu ɛmɔ mmosoen nemɔ, na ngogyi ɛmɔ mmenia bɔ batotɔ ne ngogua ɛmɔ mmosoen nemɔ anyunu.

Hesekiel 6:7

Bɛ bɔ batotɔ ne, bɛkɔlela ɛmɔ nu, na ɛmɔkonwu kyɛ me ole AWURADE.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 10:8

Yisrael bɔne, bɔ ye ole Awen asɔneyɛɛ nemɔ ne, bɛkɔsɛkye bɛ. Mmowue ne ɛfone kofifi b’afɔleɛ mmokyea nemɔ aso; na bekose mmokaa nemɔ kyɛ, “Ɛ́mɔkata yɛ so”, ná base pambaa nemɔ kyɛ, “Ɛ́mɔdwiri begua yɛ so.”

Lewitikɔso 26:30

Ngɔsɛkye ɛmɔ asɔneyɛɛ so nemɔ ná mabubu ɛmɔ ɛyɛɛ afɔleɛ bokyea nemɔ magua. Ngɔboaboa ɛmɔ fuin noa ngogua ɛmɔ mmosoen wuruwaa nemɔ aso. Na ngɔpɔ ɛmɔ.

Lewitikɔso 26:31

Ngɔma ɛmɔ nguro nemɔ kɔbɔ, ná masɛkye ɛmɔ nekaa krongron nemɔ, na me nye ngɔgye ɛmɔ afɔleɛ fonafona nemɔ anwo.

Mika 1:7

Bɛkɔnyoko ye amoen nemɔ amukoraa pasapasa, ná bafa see bayera ye adwuma akatuaa amukoraa. Ngɔsɛkyesɛkye ye mmosoen amukoraa bɔkɔɔ, ofikyɛ gyanderafoɛ akatuaa yeɛ ɔfa onyane bɛ ɔ, na bekosa bɛkɔfa bɛkɔyɛ gyanderafoɛ akatuaa.

Mika 3:12

Yiti ɔnate ɛmɔ ti, bekofundam Sion kyɛ eboo; Yerusalem kɔkakyi esire sire, na bokaa bɔ awuro ne gyi so ne, ɔkɔkakyi ɛhɔayeɛ nu asɔneyɛɛ.

Mika 5:13

Ngɔsɛkye w’amoen mɔ pasaa, yeɛ ngɔsɛkye w’amoen bɔ agyinagyina nemɔ koso ngofi wɔ nu, na ɛngɔsɔne wɔ sa noa adwuma ko.

Habakuku 2:18

Amoen bɔ adwiililɛniɛ wase ne, nzikyɛ mvasoɛ yeɛ ɔwɔ so ɔ? Amoen bɔ bahuro nikyee bafa bayɔ ɔ, bɔ okyirekyire nnakannaka ɔ; adwiililɛniɛ ne, ɔfa ye wora owura ye bɔbɔ ye adwii bɔ wali, bɔ ɔte emumu amoen ne anu.

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Sakaria 13:2

“Sɔ kyẽa ne, ngonunu mmosoen dumaa boso ngofi aseɛ ne aso, bɔ ɔnate so bɛngɔkaye bɛ ko ɔ; yeɛ ngotu ngɔmhyɛlɛfoɛ ne sunzum tɛɛ bo ngofi aseɛ ne aso, Asafo AWURADE noa dwirɛ ɛne.

1 Samuel 5:4

Nakoso ye alehyeleɛ nu bieku, ngyerɛmɔ tutututu bɔ bedwɔsole ne, né Dagɔn amunu afi, bɔ ye nyunu butu ase wɔ AWURADE alaka ne nyunu ɔ. Né ebie abu Dagɔn ti ne ye sa nyɔ nemɔ wafi so bɔ bɛlela simbini ne aso ɔ. Né waha ye kundunzii ne angome.