Hesekiel 6:5 - AHYERƐLƐ KRONGRON

⁵ Ngɔfa Yisraelfoɛ bɛ fuin nemɔ ngogua bɛ mmosoen nemɔ anyunu, ná mato ɛmɔ mmowue mapete ɛmɔ afɔleɛ mmokyea nemɔ anwo mabra mayia.

Hesekiel 6:5 Iomraidhean Croise

2 Ahemvo 23:14

Obubuli bonima nemɔ anu, yeɛ ɔpepɛle Asera dosii nemɔ anu, na ɔsesale sona mmowue guale nekaa bɔ né mmosoen nemɔ begyigyi ne.

2 Ahemvo 23:16

Afei Yosia pɛnene ye nye, na onwuni asieleɛ mɔ bɔ bɛwɔ bokaa ne aso ne. Ɔmaa bɛɛsesale sona mmowue befili asieleɛ nemɔ anu bɛwale. Ɔyerale bɛ wɔ afɔleɛ bokyea ne aso, na ɔnate so ɔfale efiɛ hane afɔleɛ bokyea ne. Ɛhe sili kyɛbɔ AWURADE dwirɛ bɔ ɔnate Nyameɛ sona ne aso hane [wɔ mmerɛ bɔ Yeroboam oogyinane afɔleɛ bokyea ne anwo aluolue kyẽa ne,] ɔte ne ala. [Yosia pɛnene ye nye, na onwuni Nyameɛ sona bɔ ɔhyɛle sɔ ngɔm ne ye asieleɛ ne.]

Edwein 53:5

Berɛ yeɛ esuronyi kandinga kɔtɔ bɛ so ɔ, esuronyi bɔ ebie ɔhhane bɛ le ɔ. Ofikyɛ bɛ bɔ bɛko betia wɔ ne, Nyameɛ kɔto bɛ mmowue kɔpete, ɛkɔma bɛ nyunu kogua ase, ofikyɛ Nyameɛ aye ye sa wafi bɛ bo.

Yeremia 7:32

Yiti tie, AWURADE nwa nyoo: Mmerɛ bie ɔ́ba bɔ bɛngɔfrɛ ye Tofete anaa Hinom Awa bɔnza ko, na mmom bɛkɔfrɛ ye Akumyɛɛ bɔnza. Ofikyɛ bekosie fuin wɔ Tofete alaa maa okoodwu kyɛ bennya nekaa ko ɔ.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.