Hesekiel 6:4 - AHYERƐLƐ KRONGRON

⁴ Ɛmɔ afɔleɛ mmokyea nemɔ kodwiri kogua, ngobubu ɛmɔ mmosoen nemɔ, na ngogyi ɛmɔ mmenia bɔ batotɔ ne ngogua ɛmɔ mmosoen nemɔ anyunu.

Hesekiel 6:4 Iomraidhean Croise

1 Ahemvo 13:2

Nyameɛ sona ne teane nu fale AWURADE dwirɛ dwudwo tiale Betel afɔleɛ bokyea ne kyɛ, “Afɔleɛ bokyea, afɔleɛ bokyea, AWURADE nwa nyoo, ‘Bɛkɔwo baa bienzua bie wɔ Dawide awuro ama nu bɔ bɛfrɛ ye Yosia ɔ. Na asɔneyɛɛ so asɔfo mɔ bɔ bɛfa ɛyɛɛ bɛbɔ afɔleɛ wɔ wɔ so ne, wɔ so yeɛ Yosia kɔfa bɛ kɔbɔ afɔleɛ ɔ. Na ɔkɔyera kuro sona mmowue wɔ wɔ so.’ ”

2 Ahemvo 23:14

Obubuli bonima nemɔ anu, yeɛ ɔpepɛle Asera dosii nemɔ anu, na ɔsesale sona mmowue guale nekaa bɔ né mmosoen nemɔ begyigyi ne.

2 Aberɛso Dwirɛ 14:5

Afei koso, otutuli asɔneyɛɛ nemɔ ne ɛyɛɛ afɔleɛ bokyea nemɔ abo fili Yuda nguro amukoraa so. Na ye aberɛ so, maen ne nyane asomdwee.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yeremia 43:13

Okobubu Bete Semese amoen nemɔ bɔ bɛwɔ Misraim aseɛ so ne, na ɔkɔfa see kɔyera Misraim nyameɛ nemɔ.’ ”

Yeremia 7:32

Yiti tie, AWURADE nwa nyoo: Mmerɛ bie ɔ́ba bɔ bɛngɔfrɛ ye Tofete anaa Hinom Awa bɔnza ko, na mmom bɛkɔfrɛ ye Akumyɛɛ bɔnza. Ofikyɛ bekosie fuin wɔ Tofete alaa maa okoodwu kyɛ bennya nekaa ko ɔ.

Hesekiel 6:13

Na ɛmɔkonwu kyɛ me ole AWURADE, mmerɛ bɔ bɛ mmenia kɔtotɔ kɔlela bɛ mmosoen nemɔ afia, bɔ bɛkɔpɛ b’afɔleɛ mmokyea nemɔ anwo bɛkɔbra bekoyia ne, wɔ pambaa tendenn biala so, wɔ mmokaa mukoraa bɛ ti afia ne, wɔ bakaa monɛ biala bo, wɔ eluii kusuu mukoraa bo, nekaa biala bɔ bɛbɔle ayirefona afɔleɛ bɛmane bɛ mmosoen nemɔ amukoraa ne.

Lewitikɔso 26:30

Ngɔsɛkye ɛmɔ asɔneyɛɛ so nemɔ ná mabubu ɛmɔ ɛyɛɛ afɔleɛ bokyea nemɔ magua. Ngɔboaboa ɛmɔ fuin noa ngogua ɛmɔ mmosoen wuruwaa nemɔ aso. Na ngɔpɔ ɛmɔ.

1 Samuel 5:4

Nakoso ye alehyeleɛ nu bieku, ngyerɛmɔ tutututu bɔ bedwɔsole ne, né Dagɔn amunu afi, bɔ ye nyunu butu ase wɔ AWURADE alaka ne nyunu ɔ. Né ebie abu Dagɔn ti ne ye sa nyɔ nemɔ wafi so bɔ bɛlela simbini ne aso ɔ. Né waha ye kundunzii ne angome.