Hesekiel 6:2 - AHYERƐLƐ KRONGRON

² “Sona awa, fa wɔ nye kyire Yisrael mmokaa nemɔ, ná hyɛ ngɔm tia bɛ,

Hesekiel 6:2 Iomraidhean Croise

Hesekiel 13:17

“Na wɔ, Sona awa, wɔ maen ne anu mmrasua bɔ bɛbɔ bɛ ti anu bɛhyɛ ngɔm ne, tu wɔ nye sie bɛ so, ná hyɛ ngɔm tia bɛ kyɛ,

Hesekiel 19:9

Beguale ye ngɔnzɔngɔnzɔ, begyili ye bɛtole tuin nu, bɛfale ye bɛbrɛle Babilɔn hene, na bɛfale ye bɛtole kuku nu, kyɛbɔ ɔkɔyɛ bɔ bɛngɔte ye komvi ko wɔ Yisrael mmokaa nemɔ aso ɔ.

Hesekiel 20:46

“Sona awa, fa wɔ nye kyire ngwaen dɔ, kã dwirɛ fa ngwaen dɔ nwo, hyɛ ngɔm tia ngwaen dɔ ɛhɔayeɛ aseɛ ne,

Hesekiel 21:2

“Sona awa, fa wɔ nye kyire Yerusalem, ná kã dwirɛ fa nekaa krongron nemɔ anwo; hyɛ ngɔm tia Yisrael aseɛ ne,

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Hesekiel 25:2

“Sona awa, fa wɔ nye kyire Amonfoɛ, ná hyɛ ngɔm tia bɛ.

Hesekiel 28:21

“Sona awa, fa wɔ nye kyire Sidon, ná hyɛ ngɔm tia ye.

Hesekiel 33:28

Ngɔkakyi aseɛ ne kurofoen, na ɔkɔla berɛ mbaen, na ye anwomasoɛ anwoserɛ ne, ye bo kɔpɛ; yeɛ Yisrael mmokaa nemɔ kɔla berɛ mbaen bɔ ebiala ngɔfa so ɔ.

Hesekiel 34:14

Aleɛ paa yeɛ ngɔfa ngɔma bɛ ɔ, na Yisrael mmokaa ndendenn nemɔ aso yeɛ ɔkɔyɛ nekaa bɔ bekodidi ɔ. Berɛ yeɛ bekobutubutu ɔ, wɔ aseɛ bɔ aleɛ paa wɔ so ne aso, na bekoli ndire paa wɔ Yisrael mmokaa nemɔ aso.

Hesekiel 35:12

Na afei ekonwu kyɛ me, AWURADE, mate musue dwirɛ amukoraa bɔ akekã atia Yisrael mmokaa mɔ ɔ. Ɛnwa: ‘Basɛkye bɔkɔɔ, bafa bɛ bawura yɛ sa kyɛ yɛli bɛ so.’

Hesekiel 36:1

Na wɔ, Sona awa, hyɛ ngɔm kyire Yisrael mmokaa nemɔ, ná kã kyɛ, ‘Ɛmɔ, Yisrael mmokaa, ɛ́mɔtie AWURADE noa dwirɛ.

Hesekiel 37:22

Ngɔyɛ bɛ maen ko wɔ aseɛ ne aso, wɔ Yisrael mmokaa nemɔ aso. Ɛhene ko yeɛ okoli bɛ mukoraa bɛ so ɔ, bɛngɔyɛ maen nyɔ ko, na bɛ nu ngɔhyɛ ngɔyɛ ahennie nyɔ ko.

Hesekiel 4:7

Afei, fa wɔ nye kyire Yerusalem bɔ batua ye ne, bɔ wɔ sa nwo te kwaterekwa ɔ, ná hyɛ ngɔm tia kuro ne.

Hesekiel 6:1

Na AWURADE lale ye dwirɛ ali hyirele me kyɛ,

Yosua 11:21

Sɔ mmerɛ ne, Yosua hɔle oohuhuni Anakefoɛ. Na ɔmane bɛ boso nuane fili mmokaa aseɛ ne aso, Hebron, Dɛbi, Anabo, Yuda mmokaa aseɛ ne amukoraa so, ɔne Yisrael mmokaa aseɛ ne amukoraa so. Yosua huhuni bɛ bɔkɔɔ, na ɔsɛkyele bɛ nguro nemɔ bɔkɔɔ.