Hesekiel 6:13 - AHYERƐLƐ KRONGRON

¹³ Na ɛmɔkonwu kyɛ me ole AWURADE, mmerɛ bɔ bɛ mmenia kɔtotɔ kɔlela bɛ mmosoen nemɔ afia, bɔ bɛkɔpɛ b’afɔleɛ mmokyea nemɔ anwo bɛkɔbra bekoyia ne, wɔ pambaa tendenn biala so, wɔ mmokaa mukoraa bɛ ti afia ne, wɔ bakaa monɛ biala bo, wɔ eluii kusuu mukoraa bo, nekaa biala bɔ bɛbɔle ayirefona afɔleɛ bɛmane bɛ mmosoen nemɔ amukoraa ne.

Hesekiel 6:13 Iomraidhean Croise

1 Ahemvo 14:23

Ofikyɛ besa besisili asɔneyɛɛ mɔ, bosoen bonima mɔ ne bosoen Asera dosii mɔ bɛmane bɛ nwo wɔ bokaa biala so, ɔne bakaa monɛ biala abo.

2 Ahemvo 16:4

Ɔbɔle afɔleɛ ɔyerale ɛyɛɛ wɔ asɔneyɛɛ nemɔ aso, wɔ mmokaa nemɔ aso, ɔne bakaa monɛ biala bo.

Yesaya 1:29

Na eluii mɔ bɔ ɛmɔsɔne bɛ, bɔ ɛmɔ nye gye ye nwo ne, sɔ nikyee ne kɔyɛ ɛmɔ nya; yeɛ ɔkɔyɛ ɛmɔ fɛre kyɛ ɛmɔaye turo mɔ basie berɛ bɛsɔne (ɛmɔ nyameɛ mɔ wɔ nu) ɔ.

Yesaya 37:20

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ wɔ ngome twe yeɛ ɛte AWURADE ɔ.”

Yesaya 66:17

“Bɛ bɔ bɛpete bɛ nwo bɛte bɛ nwo wɔ turo nemɔ anu, wɔ sona ko bɔ ogyi afia berɛ ne asi, bɔ bedi prako naen, akyiwadeɛ ne mmurokuruwa ne, b’ayieleɛ koyie bɛ kɔbɔ nu, AWURADE noa dwirɛ ɛne.

Yeremia 13:27

Manwu w’agyaasɛkyelɛ ne, wɔ ehurolɛ nu ndeateamuɛ ne, w’animguaseɛ gyandera ne, yeɛ w’akyiwadeɛ yɔleɛ wɔ eburo mmokaa nemɔ aso ne. Ao Yerusalem, wɔ yaakɔ! Ɔkwaadwu kyinzu koraka né wɔ nwo ate.

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.

Yeremia 3:6

Nana Yosia aberɛ so, AWURADE sele me kyɛ, “Yisrael bɔ onni nahorɛ mma me ne, anwu bɔ wayɔ ɔ? Kyɛbɔ osi fo hɔle bokaa biala so, ná ɔhɔle bakaa monɛ biala abo ɔɔbɔle adwaman wɔ berɛ ɔ?”

Hesekiel 18:6

ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna, anaa ɔmva ye nwo nga brasua bɔ wabu ye sa,

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 23:41

ɛtenane mba nyemenenyemene so, ɛfale poen siele mba ne nyunu berɛ, na ɛfale m’ayirefona ne me ngoo siesiele so.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Hosea 4:13

Bɛbobɔ afɔleɛ wɔ mmokaa ti afia, bɛyera ɛyɛɛ wɔ pambaa mɔ so, yeɛ eluii, tanure ne ɛmee mɔ abo, ofikyɛ bɛ bo te fɔnwoo. Yiti ɛmɔ mma mmrasua mɔ kɔbɔ gyandera, na ɛmɔ aye mɔ kɔsɛkye agyaa.

Sefania 1:10

AWURADE nwa nyoo, “Sɔ kyẽa ne, bɛkɔte esuɛ bekofi Tire Pambim ne anu, bɛkɔte awuye bekofi borɔnoɛ bɔ ɔtɔ so nyɔ ne aso, yeɛ bɛkɔte nningyein sɛkyelɛ piri paa bekofi pambaa nemɔ aso.