Hesekiel 6:11 - AHYERƐLƐ KRONGRON

¹¹ AWURADE Nyameɛ nwa nyoo, “Bɔ wɔ sa nu, fa wɔ gya pem pem berɛ, ná kã kyɛ, ‘Aa!’ Ɔnate Yisrael awuro ama b’akyiwadeɛ bɔne bɔ bayɔ ne amukoraa ti ɔ; ofikyɛ bɛkɔtotɔ ngrandɛ noa, na ɛhɔen ne ewue anwonyerɛ kohũhũ bɛ.

Hesekiel 6:11 Iomraidhean Croise

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 16:4

Ewue anwonyerɛ kohũhũ bɛ. Bengosu bɛ, yeɛ bengosie bɛ; bɛkɔyɛ kyɛ fofoɛ wɔ aseɛ ye aso. Ngrandɛ ne ɛhɔen yeɛ okohũhũ bɛ ɔ, na bɛ fuin kɔyɛ ewienu nnomaa ne aseɛ ye aso ngaka aboyaa b’aleɛ.

Yeremia 24:10

Na ngɔsoma ngrandɛ, ɛhɔen ne ewue anwonyerɛ maa bɛkɔhɔ bɛ so, kɔpem kyɛ bɛ boso konua bɔkɔɔ kofi aseɛ bɔ mva mane bɛ ne bɛ nana mɔ ne aso ɔ.

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Yeremia 42:22

Yiti odi kyɛ ɛmɔnwu ye amba, kyɛ ɛmɔkɔtotɔ ngrandɛ noa, na ɛhɔen ne ewue anwonyerɛ kohũhũ ɛmɔ wɔ nekaa bɔ ɛmɔpena kyɛ ɛmɔkɔ bɛkɔtena ne.”

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 21:19

“Wɔ, Sona awa, atee nyɔ bɔ Babilɔn hene ngrandɛ ɔkɔfa so kɔwa ne, fa beabea berɛ. Ma bɛ munyɔ bɛhyɛ ye bo befi aseɛ komapɛ aso bɛbra. Na ngwandaa bɔ ɔkɔ kuro ne anu ne, fa frangaa bie pena berɛ bɔ okyire atee ne ɔ.

Hesekiel 25:6

Ofikyɛ AWURADE Nyameɛ nwa nyoo: Ɔnate kyɛ abɔ wɔ sa nu ahuru apepe, ali ahurusi abu Yisrael aseɛ animtia ne ati,

Hesekiel 33:27

Se bɛ kyɛ, AWURADE Nyameɛ nwa nyoo: Kyɛ nde ase ye, nahorɛ nu, bɛ bɔ bɛwɔ kurofoen nemɔ aso ne, bɛkɔtotɔ ngrandɛ noa; bɔ ɔwɔ eburo ne koso, ngɔfa ye ngɔma ngaka aboyaa maa bɛkɔhye ye bekoli; yeɛ bɛ bɔ bɛwɔ anwoserɛ afealeɛ mɔ nu, ɔne nyɔboɛ bɔ wasi sua ɔ mɔ nu koso, ewue anwonyerɛ yeɛ okohũ bɛ ɔ.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 6:10

Na bekonwu kyɛ me ole AWURADE; na edwirɛ bɔ mahã, kyɛ ngɔprapra sɔ musue he ngogua bɛ so ne, manga ye mbaen.”

Hesekiel 7:12

Mmerɛ ne adwu, kyẽa ne apingye; bɔ ɔtɔ nikyee ne, nnɛma ye nye gye, yeɛ bɔ ɔyɛ ye atɔen wora, nnɛma ye wora bɔ, ofikyɛ ahone ne ahu b’anwonya ne amukoraa so.

Hesekiel 7:15

Ngrandɛ wɔ eburo, yeɛ ewue anwonyerɛ ne ɛhɔen wɔ kuro; bɔ ɔwɔ buro ne, ɔkɔtɔ ngrandɛ noa; yeɛ bɔ ɔwɔ kuro ne koso, ɛhɔen ne ewue anwonyerɛ kohũ ye.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Amose 5:16

Yiti AWURADE, Asafo Nyameɛ, AWURADE, ɔnwa, “Bɛkɔbɔ awuye wɔ dwaa nemɔ amukoraa so, yeɛ bɛkɔkekã ye wɔ atimbire nemɔ amukoraa so kyɛ, ‘Ayaa! Ayaa!’ Na bɛkɔfrɛ kuafoɛ maa bekoosu, ɔne bɛ bɔ bɛse sũ ɔ maa bɛkɔɔbɔ awuye.

Numeri 24:10

Yeɛ Balake fɛle Balaam so yaa hahii. Ɔfale ye sa fini ye bɔbɔ ye sa nu, na osele Balaam kyɛ, “Ndole me sa mvrɛle wɔ kyɛ baanoma me pɔfoɛ mɔ; nakoso ayira bɛ pɛen nza mmom.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”