Hesekiel 5:6 - AHYERƐLƐ KRONGRON

⁶ Ɔnate amumuyɛɛ so wayɛ me nhyehyɛleɛ nwo lɔen watra maen maen mɔ; yeɛ m’ahyɛdeɛ koso, wayɛ ye nwo lɔen watra aseɛ mɔ bɔ bapɛ ye nwo bayia ne; ofikyɛ wapo me mmeraa, yeɛ wanni me dwirɛ so.

Hesekiel 5:6 Iomraidhean Croise

2 Ahemvo 21:11

“Ɔnate kyɛ Yuda hene Manase wayɔ sɔ akyiwadeɛ nemɔ, ná ye bɔne tra Amorifoɛ bɔ né bɛwɔ Kanaan aseɛ so koraka yeɛ ɔbaatena so ne, bɛ bɔne amukoraa, ná afei ɔnate ye mmosoen nemɔ aso wahwehwe Yuda wahɔ bɔne nu ne ati,

2 Ahemvo 21:9

Nakoso bandie ye dwirɛ. Manase lakalakale bɛ maa bɛyɔle bɔne bɛtrale maen maen mɔ bɔ AWURADE huhuni bɛ fili Yisraelfoɛ nyunu nemɔ.

Nehemia 9:34

Yɛ ahemvo mɔ, yɛ mbanyi mɔ, y’asɔfo mɔ ne yɛ nana mɔ banni wɔ mmeraa ne aso, yeɛ wɔ mmeraa dwirɛ ne wɔ dwirɛ bɔ ɛfa mane bɛ ne, banni so.

Nehemia 9:35

Mmerɛ bɔ né bɛ bɔbɔ bɛ hene mɔ di bɛ so ne po, ɔwɔ nu kyɛ ehyirele ɔdɔ kandinga hyirele bɛ, na ɛmane bɛ aseɛ kandinga bɔ ɔkye aleɛ de, nakoso banzo wɔ, yeɛ banyakyi bɛ bɔne bɔ bɛyɔ ne koso.

Edwein 106:20

B’animnyam ne, bɛfale nandwie bɔ odi ndire ɔ ye sɛso besili ye gya nu.

Edwein 78:10

Banni Nyameɛ apam ne aso, yeɛ bɛyɛle b’adwene kyɛ bengoli mmeraa ne aso.

Ɛksadɔso 16:28

Na AWURADE sele Mose kyɛ, “Kyinzu koraa yeɛ ɛmɔkɔpo me mmeraa dwirɛ ne me mmeraa maa okoodwu ɔ?

Yeremia 11:10

Bɛ nana mɔ amumuyɛɛ bɔ bɛyɔle, bɔ banguro kyɛ bekotie me dwirɛ ne, basa baayɔ bie; baali nyameɛ foforɛ mɔ asi baso bɛ. Yisrael awuro ama ne Yuda awuro ama babu m’apam bɔ me ne bɛ nana mɔ yɛyɛle ne aso.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Yeremia 8:5

Na nzu ati yeɛ sɔ Yerusalemfoɛ ye, bafa asefinɛ bayɛ nnaa ye? Batira nnakannaka nu serɛserɛ, na bayɛ b’adwene kyɛ bengosa bɛ si.

Yeremia 9:6

Nnakannaka nu yeɛ ɔte w’atenaleɛ ɔ! Nnakannaka ti benguro kyɛ bekonwu me ɔ, AWURADE noa dwirɛ ɛne.

Hesekiel 11:12

Na ɛmɔkonwu kyɛ me ole AWURADE; ofikyɛ ɛmɔanni m’ahyɛdeɛ so, yeɛ ɛmɔanni me nhyehyɛleɛ so; na maen maen bɔ bapɛ ɛmɔ nwo bayia ne, bɛ yɔleɛ mmom yeɛ ɛmɔ koso ɛmɔayɔ bie ɔ.”

Hesekiel 16:51

Samaria de, wanyɔ wɔ bɔne ne bue po; wɔ de, abɔ akyiwadeɛ bra pee atra bɛ. Na akyiwadeɛ bra mukoraa bɔ abɔ ne, afa ahyire kyɛ eliɛma mmrasua nemɔ po bɛtengyɛ.

Daniel 9:15

Na afei, AWURADE yɛ Nyameɛ bɔ ɛnate wɔ tumi piri so ɛyele wɔ maen fili Misraim aseɛ so wale, bɔ ale dumaa maa waadwu ɛnɛ ɔ, yayɔ bɔne, yayɔ bɔ bɛnyɔ ɔ.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:8

O AWURADE, yɛ ne yɛ hene mɔ, yɛ mbanyi mɔ ne yɛ nana mɔ, animguaseɛ te yɛ deɛ, ofikyɛ yayɔ bɔne yatia wɔ.

Sakaria 7:11

Nakoso bɛpole kyɛ bekotie ɔ, bɛpemone b’awaen, yeɛ betuatuale bɛ so, kyɛbɔ bɛngɔte ɔ.

1 Korintofoɛ 5:1

Baahã ye susu amba kyɛ ɛmɔ nu biemɔ bɔ adwaman, bɔ ye sɛso nne ewiasefoɛ po nu ɔ, ofikyɛ ebie fa ye baba aye.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.