Hesekiel 5:12 - AHYERƐLƐ KRONGRON

¹² Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Hesekiel 5:12 Iomraidhean Croise

Yesaya 1:24

Yiti AWURADE, Asafo AWURADE, Yisrael Tuminiɛ ne, ɔnwa nyoo: Aa, bɛ bɔ bekyi me ne, ngɔfɛ bɛ so yaa piri paa, yeɛ ngɔtɔ me pɔfoɛ mɔ bɛ so wereɛ!

Yeremia 13:24

Yiti ngɔbɔ ɛmɔ ngɔsande kyɛ afafu bɔ ɛserɛ so mvrama ɔbɔ ye kɔ ɔ.

Yeremia 14:12

Sɛ bɛyɔ akɔngyere a, mengotie bɛ sufrɛ. Yeɛ sɛ bɛbɔ naen yeralɛ afɔleɛ ne aburoo afɔleɛ po a, mengole bɛ mengɔto nu. Na mmom ngɔfa ngrandɛ, ɛhɔen ne ewue anwonyerɛ ngohũhũ bɛ pasapasa.”

Yeremia 15:2

Na sɛ bebisa wɔ kyɛ, ‘Nisua yeɛ yɛhɔ ɔ?’ a, bua bɛ kyɛ, bɔ AWURADE kã ɛhe: Bɛ bɔ odi kyɛ ewue anwonyerɛ ku bɛ ne, okohu bɛ, bɛ bɔ odi kyɛ bɛtotɔ ngrandɛ noa ne, bɛkɔtotɔ ngrandɛ noa, bɛ bɔ odi kyɛ ɛhɔen kũkũ bɛ ne, okohũhũ bɛ, yeɛ bɛ bɔ odi kyɛ bɛkye bɛ nnure ne, bɛkɔhye bɛ nnure.’

Yeremia 15:9

Braa bɔ wawo nzoo ne, wayɛ hodwoo, ye nye so aburu ye, ye anyelasoɛ atu amini wɔ aberɛ bɔ aleɛ onnya ɔssane ɔ, bagua ye nyunu ase basopa ye; na bɛ ngaa nemɔ, ngɔmaa bɛkɔtotɔ ngrandɛ noa wɔ bɛ pɔfoɛ mɔ anyunu, AWURADE noa dwirɛ ɛne.

Yeremia 21:9

Sona bɔ ɔkɔtena kuro ye aso ne, okowu ngrandɛ noa, ɛhɔen ne ewue anwonyerɛ kohũ ye; yeɛ bɔ okofi kuro ye anu kofite kɔɔfa ye nwo kowura Kaldeafoɛ bɔ batua ɛmɔ kuro ne bɛ sa ne, okonya ye ti kodidi nu, na ye ngoa kɔyɛ kyɛ koɛ nu nzesadeɛ.

Yeremia 24:10

Na ngɔsoma ngrandɛ, ɛhɔen ne ewue anwonyerɛ maa bɛkɔhɔ bɛ so, kɔpem kyɛ bɛ boso konua bɔkɔɔ kofi aseɛ bɔ mva mane bɛ ne bɛ nana mɔ ne aso ɔ.

Yeremia 42:22

Yiti odi kyɛ ɛmɔnwu ye amba, kyɛ ɛmɔkɔtotɔ ngrandɛ noa, na ɛhɔen ne ewue anwonyerɛ kohũhũ ɛmɔ wɔ nekaa bɔ ɛmɔpena kyɛ ɛmɔkɔ bɛkɔtena ne.”

Yeremia 44:27

Ɛ́mɔtie, ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ; na Yuda mmienzua amukoraa bɔ bɛwɔ Misraim aseɛ so ne, bɛkɔtotɔ wɔ ngrandɛ noa, na ɛhɔen kohũhũ bɛ maa bekowuwu, kɔpem kyɛ bɛ boso konua ɔ.

Yeremia 9:15

Yiti bɔ Asafo AWURADE Yisrael Nyameɛ kã ɛhe: Tie, abɔwee yeɛ ngɔfa ngɔma maen he koli ɔ, na nzue bɔ ɛborɔ wɔ nu yeɛ ngɔfa ngɔmaa bɛkɔno ɔ.

Yeremia 9:16

Maen maen bɔ bɛ ne bɛ nana mɔ bɛttele bɛ nga le ne, so yeɛ ngɔbɔ bɛ ngɔsande ngɔhɔ ɔ; na ngɔsoma ngrandɛ maa okoli bɛ si kɔpem kyɛ ngonua bɛ boso ɔ.”

Hesekiel 12:14

Na mmenia mukoraa bɔ bapɛ ye nwo bayia bɔ bɛbɔ ye nwo waen, yeɛ ye koɛhonɛfoɛ amukoraa, ngɔbɔ bɛ ngɔsande nekaa bɔ mvrama bɔ kɔ biala, na ngɔhwe ngrandɛ ne ngɔfa ngɔfoa bɛ.

Hesekiel 14:17

“Anaakyɛ, sɛ metwe ngrandɛ metia sɔ maen ne, ná mekã kyɛ, ‘Ngrandɛ, fa aseɛ ne aso maa ngukũ mmenia ne ngaka mvi so a;

Hesekiel 14:19

Yeɛ sɛ mema ewue anwonyerɛ pe aseɛ ne aso, ná mema m’ahone hu mede bɛ ngoa mefi bɛ sa nu, mekũkũ mmenia ne ngaka mefi so a,

Hesekiel 14:21

“AWURADE Nyameɛ nwa nyoo: Nzaade me ndɛenbualɛ suronyisuronyi nna, bɔ bɛ ole ngrandɛ, ɛhɔen, awerɔm ngaka aboyaa ne ewue anwonyerɛ ne, sɛ meprapra megua Yerusalem so mekũkũ so mmenia ne ngaka mefi so ɛ?

Hesekiel 16:42

Na m’ahone bɔ wahu wɔ so paa ne, sɔ yeɛ ɔkɔmaa ɔkɔtɔ nzue nu ɔ. Ngɔyakyi wɔ nwo nungunɛhwenɛ ne, na me kunu kodwo bɔ mengɔfɛ yaa ko ɔ.

Hesekiel 21:22

Ye sa famaa ne anu serewagualɛ ne, waye Yerusalem. Wahyɛ kyɛ behũhũ mmenia, ɔ́bɔ ese, wayɔ nikyee bɔ bɛfa bebubu pambim ɔ, bɔ bɛfa betua kuro ɔ, ɔne atweleɛ mɔ bɔ begyina so betua kuro ɔ.

Hesekiel 24:13

Nu naakye ne gyi berɛ ma w’adwaman bra ne. Ahaa mepena kyɛ mete wɔ nwo mefi w’adwaman bra ne anwo, nakoso amma wɔ nwo ande wamvi wɔ nyanzoen bra ne anwo, yiti wɔ nwo ngɔte ngofi wɔ nwo fiɛ ne anwo ko, kɔpem kyɛ ngɔhwe wɔ so maa m’ahone bɔ wahu wɔ so ne ɔkɔtɔ nzue nu ɔ

Hesekiel 33:27

Se bɛ kyɛ, AWURADE Nyameɛ nwa nyoo: Kyɛ nde ase ye, nahorɛ nu, bɛ bɔ bɛwɔ kurofoen nemɔ aso ne, bɛkɔtotɔ ngrandɛ noa; bɔ ɔwɔ eburo ne koso, ngɔfa ye ngɔma ngaka aboyaa maa bɛkɔhye ye bekoli; yeɛ bɛ bɔ bɛwɔ anwoserɛ afealeɛ mɔ nu, ɔne nyɔboɛ bɔ wasi sua ɔ mɔ nu koso, ewue anwonyerɛ yeɛ okohũ bɛ ɔ.

Hesekiel 36:19

Mmɔle bɛ nzandele ngonguale maen maen mɔ nu, na ndole bɛ mbetene aseɛ mɔ so, na mmuale bɛ ndɛen kyɛbɔ bɛ bra ne bɛ yɔleɛ si te ɔ.

Hesekiel 43:8

Begyinane bɛ simbini bepingyele me simbini deɛ nwo, yeɛ begyinane b’aponnwaa bepingyele m’aponnwaa deɛ nwo, bɔ fasue mbaen yeɛ ɔwɔ me ne bɛ y’afia ɔ. Bafa b’akyiwadeɛ yɔleɛ ne bagua me dumaa krongron ne anwo fiɛ, maa ɔnate so mvɛle yaa ngukuni bɛ.

Hesekiel 5:10

Yiti seɛ mɔ bekoli bɛ mma mmienzua mɔ naen wɔ wɔ nu, yeɛ mmaa mmienzua wora bekoli seɛ mɔ naen. Ngɔhwe wɔ so, na bɛ bɔ bekonya bɛ ti bekodidi nu ne amukoraa, ngɔto bɛ ngɔpete mvrama mukoraa nu.

Hesekiel 5:17

Ngɔsoma ɛhɔen piri ne ngaka aboyaa maa bɛkɔwa ɛmɔ so, bɛkɔma ɛmɔ mma mɔ bekofi ɛmɔ sa, ɛmɔkonwu ewue anwonyerɛ ne mogya, na ngɔfa ngrandɛ ne ngɔwa ɛmɔ so. Me, AWURADE, me yeɛ mahã sɔ ɔ.”

Hesekiel 5:2

Nu ngyɛmuɛ nza nu ko ne, mmerɛ bɔ kuro ne tualɛ ne kɔwa ayieleɛ ne, fa see yera ye wɔ kuro n’afia berɛ. Ngyɛmuɛ nza nu ko wora, fa ngrandɛ pepɛ nu wɔ kuro ne anwo bra yia. Yeɛ ngyɛmuɛ nza bɔ waha ne koso, pete gua mvrama nu, na ngɔhwe ngrandɛ ngɔfa ngɔfoa bɛ.

Hesekiel 6:8

“Nakoso ngɔma ɛmɔ nu biemɔ konya bɛ ti bekodidi nu. Bɛkɔnwati bekofi ngrandɛ noa bɛkɔhɔ maen maen nemɔ anu, wɔ mmerɛ bɔ bɛkɔbɔ aya bɛkɔhɔ maen maen mɔ so ne.

Hesekiel 7:15

Ngrandɛ wɔ eburo, yeɛ ewue anwonyerɛ ne ɛhɔen wɔ kuro; bɔ ɔwɔ buro ne, ɔkɔtɔ ngrandɛ noa; yeɛ bɔ ɔwɔ kuro ne koso, ɛhɔen ne ewue anwonyerɛ kohũ ye.

Hesekiel 7:3

Kekesaala ye de, ayieleɛ yeɛ wato wɔ ɔ, ngɔma me yaafɛlɛ ne kɔwa wɔ so; ngobua wɔ ndɛen kyɛbɔ wɔ yɔleɛ te ɔ, na ngɔhwe wɔ so wɔ w’akyiwadeɛ yɔleɛ amukoraa nwo.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Amose 9:4

Sɛ bɛkye bɛ nnure bɛkɔ bɛ pɔfoɛ mɔ nyunu po a, dɔ yeɛ ngɔhyɛ ngrandɛ maa okohũhũ bɛ ɔ; na ngotu me nye ngosie bɛ so ngɔfa bɔ ɔtte mayee ɔ ngoli bɛ, na mmom nna paa ɔ.”

Amose 9:9

“Ofikyɛ tie, ngɔfa ahyɛdeɛ ngɔma, na ngohuhu Yisrael awuro ama so wɔ maen maen amukoraa nu, kyɛbɔ behuhu aburoo so wɔ huhuamoa nu ɔ, nakoso aburoo ne kaaba ko po ngɔtɔ ase.

Sakaria 7:14

Na mvale mvrama bɔ ɔpɛ ye nwo ɔ mmɔle bɛ nzandele maen maen amukoraa bɔ bɛnze bɛ ɔ so. Na aseɛ bɔ bɛyakyili ye bɛ si ne ɔlale berɛ mbaen, bɔ sona biala wambɛ nu berɛ, kyɛ ɔkɔ oo, anaa ɔba oo, na aseɛ nyemenenyemene ne lale berɛ mbaen.”

Deuteronomi 28:65

Wɔ nwo ngɔtɔ wɔ le wɔ sɔ maen nemɔ aso, yeɛ engonya amandena wɔ berɛ. AWURADE kɔfa ahunundetelɛ kɔto wɔ so wɔ berɛ; wɔ nye kɔyɛ wusiwusi, na wɔ wora kɔbɔ.

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.