Hesekiel 5:11 - AHYERƐLƐ KRONGRON

¹¹ Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Hesekiel 5:11 Iomraidhean Croise

2 Ahemvo 21:4

AWURADE awuro bɔ AWURADE hane ye nwo dwirɛ kyɛ, “Yerusalem yeɛ ngɔmaa bɛkɔsɔne me dumaa” ne, Manase sisili mmosoen afɔleɛ mmokyea wɔ berɛ.

2 Ahemvo 21:7

Bosoen Asera amoen bɔ osele ne, ɔfa ɔɔpenane AWURADE awuro berɛ; awuro bɔ AWURADE hane ye nwo dwirɛ hyirele Dawide ne ɔwa Solomon kyɛ, “Sɔ awuro he anu, yeɛ Yerusalem bɔ maneanea Yisrael mmusua kure amukoraa nu matu masie berɛ ne, berɛ yeɛ me dumaa kɔtena afebɔɔ ɔ.

2 Ahemvo 23:12

Na afɔleɛ bokyea mɔ bɔ bɛwɔ Ahase aborɔsaen ne aso, bɔ Yuda ahemvo biemɔ yɔle ne, ɔne asɔneyɛɛ mɔ bɔ Manase sisili wɔ AWURADE awuro aluo nyɔ nemɔ anu ne, obubuli bɛ fili berɛ, na ogyili bɔ wabubu ne guale Kidron bɔnza ne anu.

2 Aberɛso Dwirɛ 33:4

AWURADE awuro bɔ AWURADE hane ye nwo dwirɛ kyɛ, “Yerusalem yeɛ ngɔmaa bɛkɔsɔne me dumaa afebɔɔ” ne, Manase sisili mmosoen afɔleɛ mmokyea wɔ berɛ.

2 Aberɛso Dwirɛ 33:7

Amoen bɔ osele ne, ɔfa ɔɔpenane Nyameɛ awuro berɛ; awuro bɔ Nyameɛ hane ye nwo dwirɛ hyirele Dawide ne ɔwa Solomon kyɛ, “Sɔ awuro he, yeɛ Yerusalem bɔ maneanea Yisrael mmusua kure amukoraa nu matu masie berɛ ne, nu yeɛ ngɔmaa bɛkɔsɔne me dumaa afebɔɔ ɔ.

2 Aberɛso Dwirɛ 36:14

Asɔfo mbanyi nemɔ amukoraa bɛ ne maen ne behwi bɛfale AWURADE dwirɛ so piri paa, na bɛyɔle amaenmaensofoɛ b’akyiwadeɛ ne amukoraa bie. AWURADE awuro bɔ wayɛ ye krongron wɔ Yerusalem ne, bɛfale efiɛ bɛhane ye.

YOB NWOMAA NE 27:22

Ɔbɔ ye kɔ bɔ onnwu ye anwumvoin ɔ, na otu amirika serɛserɛ kyɛ ɔnwati fi ye sa nu.

Edwein 107:39

Bɛ somaa so te, na bedi bɛ so ngonim, ɔnate nhyɛsoɛ, amaneɛ ne aworabɔlɛ ti.

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Yeremia 10:24

Ao AWURADE, tea me, nakoso nnɛmaa ɔbo so; nnɛfɛ yaa fa tea me, wanyɛ sɔ a, ebie ngɔha me nu.

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Yeremia 32:34

Begyinagyinane bɛ nningyein bɔ ɔte akyiwadeɛ ɔ wɔ awuro bɔ me dumaa la so ne anu bɛfa beguale ye nwo fiɛ.

Yeremia 44:4

Nakoso ndoale so nzomane me somvoɛ ngɔmhyɛlɛfoɛ amukoraa wɔ ɛmɔ berɛ kyɛ beese ɛmɔ kyɛ, ‘Ao, nnɛma ɛ́mɔyɔ musue nikye he bɔ mekyi ne!’

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Awuye 2:21

Ngwadaa ne mbanyi, bɛlela aseɛnwo wɔ dwaa nemɔ aso. Me ndaluwa mɔ ne me mmerandeɛ mɔ, batotɔ ngrandɛ noa. Ahũhũ bɛ wɔ wɔ yaafɛlɛ kyẽa ne anu; ahũhũ bɛ, na annwu bɛ anwumvoin.

Hesekiel 11:18

Na bɛkɔwa berɛ, na bɛkɔye so nningyein tɛɛ mukoraa ne akyiwadeɛ mukoraa bekofi so.

Hesekiel 11:21

Nakoso bɛ bɔ b’adwene li bɛ nningyein tɛɛ ne b’akyiwadeɛ si ne de, ngɔma bɛ yɔleɛ kɔbɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hesekiel 23:28

Ofikyɛ AWURADE Nyameɛ nwa nyoo: Tie, ngɔfa wɔ ngowura bɛ bɔ ɛpɔ bɛ ne sa, bɛ bɔ bɛ nwo yɛle wɔ ahi maa ɛyakyili bɛ ne sa.

Hesekiel 23:38

Basa bayɔ ɛhe koso batia me: Sɔ kyẽa ne ala, bagua me nekaa krongron ne anwo fiɛ, yeɛ bagua m’afofingyẽa nemɔ koso nwo fiɛ.

Hesekiel 23:39

Ofikyɛ behuhuni bɛ mma bɛbɔle afɔleɛ bɛmane bɛ mmosoen nemɔ nen, sɔ kyẽa ne ala yeɛ bɛwale me nekaa krongron ne anu beeguale ye nwo fiɛ ɔ. Tie, bɔ bayɔ ye wɔ m’awuro hɔ ɛne.

Hesekiel 24:14

Me, AWURADE, me yeɛ mahã ɔ, na ɔkɔwa nu amba. Mengɔhwe ngosa, mengonwu anwumvoin, yeɛ mengɔsesã m’adwene. Na kyɛbɔ w’atee ne wɔ yɔleɛ te ne, so yeɛ ngogyina ngobua wɔ ndɛen ɔ, AWURADE Nyameɛ noa dwirɛ ɛne.’ ”

Hesekiel 29:15

Ɔkɔyɛ bɔ wabrɛ ye nwo ase paa wɔ ahennie mɔ nu ɔ, na ɔngɔmoma ye nwo so ko le wɔ maen maen mɔ so. Na ngɔbrɛ bɛ ase bɔkɔɔ bɔ bengoli maen maen mɔ so ko ɔ.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Hesekiel 43:8

Begyinane bɛ simbini bepingyele me simbini deɛ nwo, yeɛ begyinane b’aponnwaa bepingyele m’aponnwaa deɛ nwo, bɔ fasue mbaen yeɛ ɔwɔ me ne bɛ y’afia ɔ. Bafa b’akyiwadeɛ yɔleɛ ne bagua me dumaa krongron ne anwo fiɛ, maa ɔnate so mvɛle yaa ngukuni bɛ.

Hesekiel 44:7

Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Hesekiel 5:7

Yiti AWURADE Nyameɛ nwa nyoo: Ɔnate kyɛ ɛmɔayɛ lɔen piri batra maen maen mɔ bɔ bapɛ ɛmɔ nwo bayia, ná ɛmɔanni me dwirɛ so, anaa me mmeraa so, na mmom ɛmɔali maen maen mɔ bɔ bapɛ ɛmɔ nwo bayia ne bɛ mmeraa so ne ati,

Hesekiel 7:20

Bɛfale bɛ mbembenanneɛ nyemene nemɔ bɛhoahoale bɛ nwo, bɛfa bɛyɔle akyiwadeɛ amoen mɔ, bɔ ɔte bɛ nningyein bɔ mekyi ne. Ye sɔ ati, ngɔmaa ɔkɔkakyi bɛ so akyiwadeɛ nikye.

Hesekiel 7:4

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE.

Hesekiel 7:9

Mengɔkorɔkorɔ wɔ, yeɛ mengonwu wɔ anwumvoin, na mmom ngɔhwe wɔ so wɔ wɔ yɔleɛ nwo, wɔ mmerɛ bɔ w’akyiwadeɛ yɔleɛ tɛwɔ wɔ nu ɔ, na afei ɛmɔkonwu kyɛ me ole AWURADE bɔ metwe asoɛ ɔ.

Hesekiel 8:15

Yeɛ osele me kyɛ, “Sona awa, yeɛ anwu ye? Ekosa konwu akyiwadeɛ mbiri mbiri bɔ bɛtra ɛhemɔ ɔ.”

Hesekiel 8:16

Afei ɔfale me wale AWURADE awuro ne akunu dɔ. Na AWURADE asɔneyɛɛ sua anoa nu berɛ, abrannaa ne ne afɔleɛ bokyea ne b’afia berɛ, na nwuni mmienzua kɔyɛ aburanyɔ ne nnu wɔ berɛ. Né bɛ si kyire AWURADE asɔneyɛɛ sua ne; yeɛ né bɛ nyunu kyire eyia afiteleɛ bɔ bɛsɔne eyia, bɔ bɛ nye kyire eyia afiteleɛ ɔ.

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hesekiel 9:5

Na ndele kyɛ ɔkã kyire bɛ ngaa ne koso kyɛ, “Ɛ́mɔli ye si behyini kuro ne anu behũhũ mmenia; nnɛma ɛmɔkorɔkorɔ bɛ, yeɛ nnɛma ɛmɔnwu bɛ anwumvoin.

Lewitikɔso 15:31

“Sɔa yeɛ odi kyɛ ɛmɔyɔ bɛfa bɛte Yisraelfoɛ nwo befi nningyein bɔ ogua bɛ nwo fiɛ nwo ɔ, amaa bamva efiɛ banga me ɛtena sua ne, ná ɔnate bɛ nwo bɔ wagua fiɛ ne ati banwuwu.”

Amose 8:7

AWURADE ata Yakob anwomasoɛ ne anwo ndaen kyɛ, “Amba, me wora ngofi bɛ yɔleɛ nemɔ anu biala.

Sakaria 11:6

Ofikyɛ mengonwu aseɛ ne aso ama anwumvoin ko, AWURADE noa dwirɛ ɛne. Tie, ngɔma mmenia kɔtotɔ, bɔ ebiala kɔtɔ wɔ obiɛngo sa nu, ɔne ye hene sa nu ɔ. Bɛkɔyɛ aseɛ ne pasaa, na mengɔpepɛ mengole bɛ nngofi bɛ sa nu.”

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Romanfoɛ 11:12

Na sɛ b’asoserɛ fale saleɛ brɛle wiase, ná b’asefinɛ koso fale saleɛ brɛle Amaenmaensofoɛ a, ye de sɛ osa ode Yisrael to nu bɔkɔɔ a, saleɛ mmorosoɛ yeɛ ɔkɔwa ɔ!

Romanfoɛ 11:21

Na sɛ Nyameɛ amva bakaa mmaen bɔ bɛhyɛle da beluale ne nwo wangyɛ bɛ a, nzaade ɔngɔfa wɔ koso wɔ nwo ngɔhyɛ wɔ.

Romanfoɛ 8:32

Sɛ wamva ye bɔbɔ Ɔwa wammɔ atianuserɛ, na mmom yɛ mukoraa yɛ ti ɔyele ye mane a, ɔkɔyɛ sɛɛ bɔ ɔngɔfa nningyein mukoraa ngɔboka ye so ngɔma yɛ ɔ?

Deuteronomi 29:20

ye de AWURADE ngɔfa sɔ sona ne nwo ngɔhyɛ ye, ofikyɛ AWURADE ɛyaafɛlɛ ne nungunɛ kɔyera ye kyɛ see. Musue mukoraati bɔ bahyerɛ ye nwomaa he anu ne kɔto ye, na AWURADE kokyikyi ye dumaa kofi aseɛ ye aso.

Hebrifoɛ 6:13

Mmerɛ bɔ Nyameɛ hyɛle Abraham bɔ nen, ɔnate kyɛ ebiala nne berɛ bɔ ɔtra ye (Nyameɛ) bɔbɔ bɔ ɔkɔfa ye kɔta ndaen ne ati, ɔtale ye bɔbɔ ye nwo ndaen