Hesekiel 48:8 - AHYERƐLƐ KRONGRON

⁸ “Bɔ ɔtoa Yuda aseɛ deɛ aso, ofi eyia afiteleɛ so kodwu eyia atɔleɛ so ne, ɔte aseɛ bɔ odi kyɛ ɛmɔpɛ bɛto berɛ ɔ. Odi kyɛ ye tɛtrɛtɛɛ nu yɛ agyirɛ apee aburanyɔ ne nnu. Yeɛ ye tendenn nu, ofi eyia afiteleɛ kodwu eyia atɔleɛ so ne, odi kyɛ ɔne abusua biala ye aseɛ deɛ bɛyɛ pɛ; na ye afia berɛ yeɛ nekaa krongron ne kɔwa ɔ.

Hesekiel 48:8 Iomraidhean Croise

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Hesekiel 48:21

Na aseɛ bɔ waha berɛ bɔ ɔla aseɛ krongron ne bue nyɔ ne anwo, ɔne bɔ ɔla kuro deɛ ne anwo ne, ɔte ɛhene ne deɛ. Aseɛ bɔ ɔla aseɛ krongron ne anwo ne, ɔtrɛ fi agyirɛ apee aburanyɔ ne nnu okodwu eyia afiteleɛ ɛwɛen ne; yeɛ ɔtrɛ agyirɛ apee aburanyɔ ne nnu okodwu eyia atɔleɛ ɛwɛen ne; ɔwɔ mmusua kure nemɔ bɛ kyɛfa ne ndendeneɛ so, na ɔkɔyɛ ɛhene ne deɛ. Aseɛ krongron ne, yeɛ awuro berɛ nekaa krongron ne, bɛkɔwa ye afia.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Hesekiel 48:9

Aseɛ bɔ ɛmɔkɔpɛ bɛkɔto berɛ bɛkɔma AWURADE ne, odi kyɛ ye tendenn nu yɛ agyirɛ apee aburanyɔ ne nnu, yeɛ ye tɛtrɛtɛɛ nu koso agyirɛ apee buru.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.

Nyekyire 21:22

Na mannwu asɔneyɛɛ sua biala wɔ kuro ne anu, ofikyɛ Tuminiɛ Awurade Nyameɛ ne Boaen Ba ne yeɛ bɛte nu asɔneyɛɛ sua ɔ.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”

Nyekyire 22:3

Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;