Hesekiel 48:21 - AHYERƐLƐ KRONGRON

²¹ Na aseɛ bɔ waha berɛ bɔ ɔla aseɛ krongron ne bue nyɔ ne anwo, ɔne bɔ ɔla kuro deɛ ne anwo ne, ɔte ɛhene ne deɛ. Aseɛ bɔ ɔla aseɛ krongron ne anwo ne, ɔtrɛ fi agyirɛ apee aburanyɔ ne nnu okodwu eyia afiteleɛ ɛwɛen ne; yeɛ ɔtrɛ agyirɛ apee aburanyɔ ne nnu okodwu eyia atɔleɛ ɛwɛen ne; ɔwɔ mmusua kure nemɔ bɛ kyɛfa ne ndendeneɛ so, na ɔkɔyɛ ɛhene ne deɛ. Aseɛ krongron ne, yeɛ awuro berɛ nekaa krongron ne, bɛkɔwa ye afia.

Hesekiel 48:21 Iomraidhean Croise

Hesekiel 37:24

“Me somvoɛ Dawide koli bɛ so hene. Mmoaenneafoɛ komapɛ yeɛ ɔkɔnea bɛ mukoraa bɛ so ɔ. Bɛkɔfa me nhyehyɛleɛ bɛkɔbɔ bɛ bra, na bɛkɔnea kyɛ bekoli m’ahyɛdeɛ so ɔ.

Hesekiel 48:10

Aseɛ krongron ne, ɔkɔyɛ asɔfo nemɔ bɛ deɛ. Ye sorɔ dɔ tendenn nu kɔyɛ agyirɛ apee aburanyɔ ne nnu, eyia atɔleɛ bue nu dɔ tɛtrɛtɛɛ kɔyɛ agyirɛ apee buru, eyia afiteleɛ bue nu dɔ tɛtrɛtɛɛ kɔyɛ agyirɛ apee buru, yeɛ ye ngwaen dɔ tendenn nu kɔyɛ agyirɛ apee aburanyɔ ne nnu, bɔ AWURADE nekaa krongron ne kɔwa ye afia ɔ.

Hesekiel 48:20

Na sɔ aseɛ ne bɔ ɛmɔkɔpɛ bɛkɔto berɛ ne, odi kyɛ ɔyɛ ahinanan, bɔ ye bue ko biala te agyirɛ apee aburanyɔ ne nnu ɔ. Odi kyɛ ɛmɔpɛ aseɛ krongron ne ɔne kuro deɛ ne bɛto berɛ.

Hesekiel 48:22

Yiti Lewifoɛ b’aseɛ ne kuro berɛ aseɛ ne, bɛkɔla ɛhene n’aseɛ deɛ n’afia. Na ɛhene ne, ye aseɛ deɛ kɔla Yuda wɛen ne Benyamin wɛen deɛ b’afia.

Hesekiel 48:8

“Bɔ ɔtoa Yuda aseɛ deɛ aso, ofi eyia afiteleɛ so kodwu eyia atɔleɛ so ne, ɔte aseɛ bɔ odi kyɛ ɛmɔpɛ bɛto berɛ ɔ. Odi kyɛ ye tɛtrɛtɛɛ nu yɛ agyirɛ apee aburanyɔ ne nnu. Yeɛ ye tendenn nu, ofi eyia afiteleɛ kodwu eyia atɔleɛ so ne, odi kyɛ ɔne abusua biala ye aseɛ deɛ bɛyɛ pɛ; na ye afia berɛ yeɛ nekaa krongron ne kɔwa ɔ.

Hosea 1:11

Yudafoɛ ne Yisraelfoɛ bɛkɔbɔ nu bekoyia, ná bɛkɔye panyi ko maa okotua bɛ noa. Na bekofi aseɛ ne aso bɛkɔwa, ofikyɛ Yesreel kyẽa ne kɔyɛ kyẽa piri.