Hesekiel 48:13 - AHYERƐLƐ KRONGRON

¹³ Asɔfo nemɔ b’aseɛ ne, ye ngyɛnu berɛ, Lewifoɛ mɔ konya aseɛ bɔ ye tendenn nu te agyirɛ apee aburanyɔ ne nnu, bɔ ye tɛtrɛtɛɛ nu te agyirɛ apee buru ɔ. Ye tendenn amukoraa kɔyɛ agyirɛ apee aburanyɔ ne nnu, yeɛ ye tɛtrɛtɛɛ nu te agyirɛ apee buru.

Hesekiel 48:13 Iomraidhean Croise

Ɛksadɔso 23:19

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.

Hesekiel 45:3

Na sɔ aseɛ ne bɔ apɛ ato berɛ ne, susu nu bie bɔ ye tendenn nu te agyirɛ apee aburanyɔ ne nnu, bɔ ye tɛtrɛtɛɛ nu te agyirɛ apee buru ɔ, bɔ nu yeɛ ɔkɔyɛ nekaa krongron ne, krongron nu krongron ne ɔ.

Hesekiel 45:5

Aseɛ bɔ ye tendenn nu te agyirɛ apee aburanyɔ ne nnu, bɔ ye tɛtrɛtɛɛ nu te agyirɛ apee buru ne ɔ, ɔkɔyɛ Lewifoɛ bɔ bɛyɔ somvoɛ adwuma wɔ awuro ne anu ɔ bɛ deɛ, na ɔkɔyɛ bɛ nguro bɔ bɛkɔtena so ɔ.

Hesekiel 48:12

Yiti b’aseɛ ne, ɔkɔyɛ aseɛ sonongo bɔ baye bafi aseɛ ne aso nekaa krongron ne anu ɔ, krongron nu krongron bɔ ɔne Lewifoɛ b’aseɛ bɔ wɛen ɔ.

Hesekiel 48:14

Onni kyɛ bɛyɛ bie atɔen anaa bɛfa bɛsesã nikye; yeɛ onni kyɛ bɛma sɔ nekaa paa bɔ ɔwɔ aseɛ ne aso ne okodi ebie berɛ, ofikyɛ ɔte krongron ma AWURADE.

Lewitikɔso 25:34

Nakoso aseɛ bɔ wapɛ Lewifoɛ nguro nemɔ anwo wayia ne de, onni kyɛ bɛtɔne ye; ofikyɛ ɔte Lewifoɛ mɔ agyapadeɛ afebɔɔ.

Luka 10:7

Na awuro ne anu ala yeɛ odi kyɛ ɛmɔtena ɔ; na ɛ́mɔli ná ɛmɔno bɔ bɛkɔfa bɛkɔma ɛmɔ ɔ, ɔnate kyɛ adwumayɔlɛniɛ fata kyɛ ye sa kã ye akatuaa. Nnɛma ɛmɔdi awuro nu tutena.

Deuteronomi 12:19

Na mmerɛ biala bɔ ɛte w’aseɛ ne aso de, nea yé né ammu wɔ nye angua Lewiniɛ so.