Hesekiel 48:10 - AHYERƐLƐ KRONGRON

¹⁰ Aseɛ krongron ne, ɔkɔyɛ asɔfo nemɔ bɛ deɛ. Ye sorɔ dɔ tendenn nu kɔyɛ agyirɛ apee aburanyɔ ne nnu, eyia atɔleɛ bue nu dɔ tɛtrɛtɛɛ kɔyɛ agyirɛ apee buru, eyia afiteleɛ bue nu dɔ tɛtrɛtɛɛ kɔyɛ agyirɛ apee buru, yeɛ ye ngwaen dɔ tendenn nu kɔyɛ agyirɛ apee aburanyɔ ne nnu, bɔ AWURADE nekaa krongron ne kɔwa ye afia ɔ.

Hesekiel 48:10 Iomraidhean Croise

Gyenesise 13:14

Lɔto tele ye nwo fili Abram nwo ne, ye si ye AWURADE sele Abram kyɛ, “Gyina nekaa bɔ ɛwɔ ne, ná ma wɔ nye so nea sorɔ ne ngwaen, eyia afiteleɛ ne atɔleɛ.

Hesekiel 44:28

“Na bɔ ɔkɔyɛ b’agyapadeɛ de, me AWURADE yeɛ nde b’agyapadeɛ ɔ. Nnɛma ɛmɔma bɛ kyɛfa biala wɔ Yisrael, na me yeɛ nde bɛ kyɛfa ɔ.

Hesekiel 45:4

Berɛ yeɛ ɔkɔyɛ aseɛ ne anu nekaa krongron ne ɔ. Asɔfo mɔ bɔ bɛyɔ ɛsɔnenɛ adwuma wɔ nekaa krongron ne anu, bɔ bepingye AWURADE bɛso ye ne, ɔkɔyɛ bɛ deɛ. Berɛ kɔyɛ b’awuro mɔ ɔne aseɛ krongron bɔ nekaa krongron ne ɔwɔ ɔ.

Hesekiel 48:9

Aseɛ bɔ ɛmɔkɔpɛ bɛkɔto berɛ bɛkɔma AWURADE ne, odi kyɛ ye tendenn nu yɛ agyirɛ apee aburanyɔ ne nnu, yeɛ ye tɛtrɛtɛɛ nu koso agyirɛ apee buru.

Mateo 10:10

nnɛma ɛmɔfa ateetulɛ bɔtɔ, anaa ndaadeɛ nyɔ, anaa mbaboa, anaa pɔmaa, ofikyɛ adwumayɔlɛniɛ fata kyɛ ye sa kã ye aleɛ ɔ.