Hesekiel 47:9 - AHYERƐLƐ KRONGRON

⁹ Na ɔkɔwa kyɛ, nekaa biala bɔ asue ne kɔtengyɛ kɔfa ne, abɔdeɛ biala bɔ ngoa wɔ ye nu bɔ ɔkekã ye nwo ne, okonya ngoa. Asue nemɔ nu naen kɔsone pee, ofikyɛ sɔ asue he kɔtengyɛ kɔhɔ dɔ, na ɔkɔsa ɛpo nzue ne anwonyerɛ. Yiti nekaa biala bɔ asue ne tengyɛ kɔ ne, nikyee biala nya ngoa.

Hesekiel 47:9 Iomraidhean Croise

Edwein 103:3

Ye yeɛ ɔfa w’amumuyɛɛ amukoraa kyɛ wɔ ɔ, ye yeɛ ɔsa w’anwonyerɛ amukoraa ɔ;

Edwein 78:16

Ɔmane asue mɔ pukyele fili nyɔbotaen ne anu, na ɔmane nzue tengyɛle kyɛ asue.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 30:26

Asa koso, ɛsraen talɛ ne kɔyɛ kyɛ eyia talɛ, yeɛ eyia talɛ ne kɔyɛ mmɔhoɛ nzoo kyɛ bafa ye talɛ ɛlɛsoo babɔ nu ɔ, wɔ kyẽa bɔ AWURADE kɔkyekye ye maen ngena so, bɔ ɔkɔma bɛ nwo pakyepakyelɛ ne kɔhɔ ɔ.

Yesaya 49:12

Tie, ɛhemɔ kofi nziɛ nziɛ yeɛ bɛkɔwa ɔ, tie, ɛhemɔ kofi sorɔ ne eyia atɔleɛ, yeɛ ɛhemɔ kofi Sinim aseɛ so bɛkɔwa.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 4:4

Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 5:14

Nakoso mmienzua ne mmrasua pee bɔ belele Awurade belili ne hɔle so bokale agyidifoɛ fekue ne aso.

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

1 Korintofoɛ 15:45

Ofikyɛ bahyerɛ kyɛ, “Adam bɔ oli moa ne ɔɔyɛle ɛkra teasefoɛ;” na Adam bɔ oli nziɛ ne ɔɔyɛle sunzum bɔ ɔma ngoa ɔ.