Hesekiel 47:8 - AHYERƐLƐ KRONGRON

⁸ Na osele me kyɛ, “Asue he, ɔtengyɛ kɔ eyia afiteleɛ bue nu dɔ okogua Araba ne anu, na ɔtengyɛ kogua ɛpo nu a, ɔsa nzue ne anwonyerɛ.

Hesekiel 47:8 Iomraidhean Croise

Ɛksadɔso 15:25

Yiti Mose sũ frɛle AWURADE, na AWURADE hyirele ye bakaa bie. Ogyili bakaa ne tole nzue ne anu, na nzue ne yɛle fɛ. AWURADE yɛle ahyɛdeɛ ne nhyehyɛleɛ mane bɛ wɔ berɛ, na osole bɛ neane wɔ berɛ.

Yesaya 35:1

Ɛserɛ so ne aseɛ katerepee ne, bɛ nye kɔgye, aseɛ pralaa ne koli ahurusi, na ɔkɔbɔ nyerɛen kyɛ sukooko.

Yesaya 35:6

bubuafoɛ bekohuruhuru kyɛ dabɔɔ, na emumu temverema kɔto ahurusi dwein. Ofikyɛ asue mɔ kopu kofi ɛserɛ so, yeɛ asue mmaa mmaa kopu kofi aseɛ pralaa so;

Yesaya 35:7

anweaa futuu hyerɛhyerɛ kɔkakyi ɛkwaa, mbombonzue kopu kofi aseɛ katerepee so, na ɛserɛ so kyea ye atenaleɛ bɔ ɔda berɛ ne, nzenzaen ne elemmire ne ngyɛngyɛma kofifi berɛ.

Yesaya 43:20

Eburo ngaka kɔhyɛ me animnyam, ɛserɛ so ngyea ne soholi koso bɛkɔyɔ sɔ ala, ofikyɛ mema nzue ba ɛserɛ so, yeɛ mema asue mɔ bɛba aseɛ pralaa so, kyɛ mefa mema me maen bɔ maneanea nu maye ye ne maa ɔno,

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Yohane 5:4

Né odwu mmerɛ bie a, abɔfo dwu ba ɛkwaa ne anu ɔbaponda nzue ne; na sɛ nzue ne ponda a, ebiala bɔ okoli moa kɔɔtɔ nu ne, anwonyerɛ biala bɔ ɔha ye ne, ye nwo sa.]

Deuteronomi 3:17

Aseɛ ne, asue Yɔɔdan wɔ ye eyia atɔleɛ, wɔ Araba ne anu dɔ, fite Kinerete kɔpem Araba po bɔ besa bɛfrɛ ye Ngyee po ne, wɔ Pisiga bokaa ne aseɛnwo dɔ, wɔ eyia afiteleɛ.

Deuteronomi 4:49

ɔne Araba mukoraati bɔ ɔla asue Yɔɔdan eyia afiteleɛ ne, bɔ ɔkwaadwu Araba ɛpo ne noa wɔ Pisiga bokaa ne aseɛnwo dɔ ne.

Yosua 3:16

nzue bɔ ɔtengyɛ fi ye sorɔ dɔ ne gyinane. Ye noa boale ko wɔ nziɛ nziɛ, wɔ Adam, kuro bɔ opingye Saretan ne. Na nzue bɔ ɔtengyɛ kogua Araba ɛpo, bɔ bɛfrɛ ye Ngyee Po ne anu ne, ye koso ɔpɛle koraa. Yiti mmenia ne pɛle nu Yeriko ndendeneɛ so.