Hesekiel 47:6 - AHYERƐLƐ KRONGRON

⁶ Yeɛ obisale me kyɛ, “Sona awa, aso anwu ɛhe?” Afei ɔfale me fale asue ne noa maa nzale me si.

Hesekiel 47:6 Iomraidhean Croise

Hesekiel 40:4

Na biaa ne sele me kyɛ, “Sona awa, fa wɔ nye nea, ná fa wɔ so tie, ná ma w’adwene bra bɔ mebaala ye ali mekyire wɔ ne amukoraa so; ofikyɛ mvale wɔ mmale wa, kyɛbɔ ɔkɔyɛ bɔ ngɔye ngohyire wɔ ɔ. Bɔ enwu ye amukoraa, bɔ ye dawure kyire Yisrael awuro ama.”

Hesekiel 44:5

Na AWURADE sele me kyɛ, “Sona awa, ma w’adwene bra so, gyene wɔ nye nea ye yé, ná fa wɔ so tie nhyehyɛleɛ mukoraa bɔ mebaahã mekyire wɔ mefa AWURADE awuro ne anwo, ɔne ye nwo mmeraa amukoraa nwo, ná nea ye yé nwu bɛ bɔ ɔfata kyɛ bɛba awuro ne anu, ɔne bɛ bɔ bɛmvata kyɛ bɛba nekaa krongron ne anu ɔ.

Hesekiel 8:17

Na obisale me kyɛ, “Sona awa, yeɛ anwu he? Aso ɔte edwirɛ baa kyɛ Yuda awuro ama bɛkɔbɔ akyiwadeɛ bra bɔ bɛbɔ ye wɔ ɛwa ye ɔ, bɔ bafa nzɛmmɔne bapete aseɛ ne aso amukoraa, bɔ besa behu m’ahone ɔ? Nea, kyɛ bɛ́nwaha bakaa nyaa ne wɔ bɛ bonyi noa ɔ.

Hesekiel 8:6

Yeɛ osa sele me kyɛ, “Sona awa, aso enwu bɔ bɛyɔ ye? Enwu akyiwadeɛ mbiri mbiri bɔ Yisraelfoɛ bɛyɔ ye wa, kyɛ bɛfa betu me befi me nekaa krongron ne anu maa mekɔ dededede ye? Na ekosa konwu akyiwadeɛ mbiri mbiri bieku.”

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Sakaria 5:2

Yeɛ abɔfo ne bisale me kyɛ, “Nzikyɛ yeɛ enwu ye e?” Na mmuale kyɛ, “Menwu nwomaa bɔ babobɔ bɔ otu ɔ; ye tendenn nu te agyirɛ aburanyɔ, yeɛ ye tɛtrɛtɛɛ nu te agyirɛ buru.”

Mateo 13:51

Yesu bisale bɛ kyɛ, “Ɛmɔate ɛhemɔ amukoraa bo anaa?” Na bebuale ye kyɛ, “Yoo, AWURADE.”