Hesekiel 47:10 - AHYERƐLƐ KRONGRON

¹⁰ Bekogyina ɛpo ne noa fi Ɛn Gedi bɔ ɔkwaadwu Ɛn Englaim, na berɛ yeɛ bɛkɔworɛ asawu mɔ nu ɔ. Nu naen mɔ kɔyɛ ahoroɔ pee, kyɛ ɛpo piri nu naen ahoroɔ pembepembe ne ala.

Hesekiel 47:10 Iomraidhean Croise

Gyenesise 14:7

Afei besale bɛ si bɛwale Ɛn Misepate (bɔ besa bɛfrɛ ye Kadese ne), na belili Amalɛkefoɛ maen ne amukoraa ne Amorifoɛ bɔ bɛte Hasason Tamar so ngonim.

2 Aberɛso Dwirɛ 20:2

Ɛbɔfoɛ mɔ wale bɛɛbɔle Yehosafate amaneɛ kyɛ, “Ɛlɔen kandinga bie fi Edom, wɔ ɛpo ne asi dɔ, bɛbaafa koɛ bɛtoa wɔ. Badwu Hasason Tamar (bɔ besa bɛfrɛ ye Ɛn Gedi ne) dadaada.”

Edwein 104:25

Ɛpo yeɛ ɔla dɔ kandinga tɛtrɛtɛɛ ne, ngaka bɔ bɛkongo pembepembe wɔ nu bɔ bɛka a bennwu bɛ noa ɔ, bɛte abɔdeɛ mbiri mbiri ne mmaa mmaa.

Yesaya 19:8

Bɛ bɔ bɛkye nzue nu naen ne, bekosũ, na ebiala bɔ ɔto koaa wɔ Naele nu ne, ɔkɔbɔ awuye, na bɛ bɔ begua nzue ne anu asawu koso, bekoli aworabɔlɛ.

Yesaya 49:12

Tie, ɛhemɔ kofi nziɛ nziɛ yeɛ bɛkɔwa ɔ, tie, ɛhemɔ kofi sorɔ ne eyia atɔleɛ, yeɛ ɛhemɔ kofi Sinim aseɛ so bɛkɔwa.

Yesaya 49:20

Na ngwadaa bɔ ɛwole bɛ wɔ mmerɛ bɔ wɔ mma fili wɔ sa ne anu ne, bɛkɔhã bekogua wɔ so anu bieku kyɛ, ‘Ɛwa te kãa ma me, trɛ nu maa nya nekaa ndena.’

Hesekiel 26:14

Ngɔmaa ɛkɔkakyi nyɔbotaen wosee; ɛkɔyɛ nekaa bɔ bɛworɛ asawu nu ɔ; bɛngɔkyekye wɔ (nguro nemɔ) ko, ofikyɛ me, AWURADE, me yeɛ mahã ɔ. AWURADE Nyameɛ noa dwirɛ ɛne.

Hesekiel 26:5

Ɔkɔyɛ nekaa bɔ bɛworɛ asawu nu ɔ wɔ ɛpo nu; ofikyɛ me yeɛ mahã ɔ, na ɔkɔyɛ maen maen mɔ bɛ koɛ nu nzesadeɛ, AWURADE Nyameɛ noa dwirɛ ɛne.

Hesekiel 47:15

“Aseɛ ne, ye wɛen ɛhe: Ye sorɔ dɔ, ofi ɛpo piri ne, ɔnate Hetelon atee so bɔ ɔkwaafite Sedade,

Hesekiel 47:19

Ngwaen dɔ, ngwaen dɔ paa, ɛwɛen ne fi Tamar ɔkɔ alaa kodwu nzue bɔ ɔwɔ Meriba Kadese, na ɔfa Misraim bɔnza ne anwo kodwu ɛpo piri ne. Ngwaen dɔ ɛwɛen, wɔ ye ngwaen dɔ ɛne.

Hesekiel 48:28

Bɔ ɔtoa Gade aseɛ deɛ aso wɔ ngwaen dɔ, ye ngwaen dɔ paa ne, ɛwɛen ne fi Tamar ɔkɔ alaa kodwu nzue bɔ ɔwɔ Meriba Kadese, na ɔfa Misraim bɔnza ne anwo kodwu ɛpo piri ne.

Numeri 34:6

“Ɛmɔ eyia atɔleɛ wɛen kɔyɛ Ɛpo Piri ne ye mboanoa; ɛhe yeɛ ɔkɔyɛ ɛmɔ atɔleɛ ɛwɛen ɔ.

Mateo 4:19

Yeɛ Yesu sele bɛ kyɛ, “Ɛ́mɔli me si, na ngɔma ɛmɔkɔhwehwe mmenia bɛkɔbrɛ me.”

Marko 1:17

Na Yesu sele bɛ kyɛ, “Ɛ́mɔli me si, na ngɔma ɛmɔkɔhwehwe mmenia bɛkɔbrɛ me.”

Yosua 15:62

Nibesan, Ngyee Kuro, yeɛ Ɛn Gedi. Nguro nemɔ te nzia, bɛ ne bɛ namue mɔ.

Yosua 23:4

Ɛ́mɔtie, maen maen mɔ bɔ baha bɔ yɛnnya yɛllili bɛ so ngonim ne, yeɛ afei maen maen amukoraa bɔ mali bɛ so ngonim ne, b’aseɛ bɔ ofi asue Yɔɔdan noa ɔkwaadwu Ɛpo piri ne wɔ eyia atɔleɛ ne, mahyɛ mama ɛmɔ abusua kure nemɔ maa bafa bayɛ b’agyapadeɛ.

1 Samuel 23:29

Afei Dawide fili berɛ, na ɔhɔle Ɛn Gedi ɔɔtenane anwoserɛ afealeɛ nemɔ anu.

1 Samuel 24:1

Sɔɔlo ne Filistifoɛ bɛɛhone koɛ, na osa wale ne, bɛbɔle ye amaneɛ kyɛ, “Dawide wɔ Ɛn Gedi ɛserɛ ne aso.”