Hesekiel 47:1 - AHYERƐLƐ KRONGRON

¹ Afei osa fale me wale awuro berɛ anoa ne anu, na yieee, né nzue opu fi awuro berɛ aponnwaa ne abo ɔsẽ kɔ eyia afiteleɛ so dɔ (ofikyɛ né awuro ne nye kyire eyia afiteleɛ). Né nzue ne ɔtengyɛ bagua ase fi awuro ne famaa so, wɔ afɔleɛ bokyea ne ngwaen.

Hesekiel 47:1 Iomraidhean Croise

Edwein 46:4

Asue bie wɔ berɛ bɔ ye sa mɔ fa anigye bɛba Nyameɛ kuro ɔ, Anwuro Anwuroniɛ ne, ye atenaleɛ krongron berɛ.

Edwein 46:5

Nyameɛ wɔ kuro ne afia, yiti bɛngɔhora so ngonim di; Nyameɛ kofi ngyerɛmɔ tutuutu kɔboka ye ndɛndɛ.

Edwein 87:7

Edweintolɛfoɛ ne abiliegolɛfoɛ bɛkã kyɛ, “Wɔ nu yeɛ me saleɛ amukoraa wɔ ɔ.”

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 30:25

Na mmenia hunɛ kyẽa piri ne, bɔ abandenden mɔ kobubu kogua ne, asue mɔ ne asue ba mɔ bɛkɔtengyɛ wɔ bokaa tendenn biala ne pambaa tendenn biala so.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Yeremia 2:13

Ofikyɛ me maen abɔ musue nyɔ: bapo me, me bɔ nde ngoa nzue mbombonzue ne, yeɛ baatu bɛ bɔbɔ b’abura mɔ, abura bɔ ye nwo adwudwa, bɔ nzue ngora nu gyina ɔ.

Hesekiel 40:6

Na afei ɔwale ɛpoen bɔ ye nye nea eyia afiteleɛ ne anwo, ɔfole ye atweleɛ ndiasoɛ ne aso, osusuli anoa n’aponnwaa ne, na né ye tɛtrɛtɛɛ te elemmire ne ko, yeɛ ye tɛtrɛtɛɛ ko ne koso te elemmire ne ko.

Hesekiel 41:2

Ye anoanu berɛ, ye tɛtrɛtɛɛ nu te agyirɛ buru; na anoanu berɛ ye ngyɛnu ne, bue ko te agyirɛ nnu, yeɛ bue ko koso te agyirɛ nnu. Osusuli ye tendenn nu nen, né ɔte agyirɛ aburanna, yeɛ ye tɛtrɛtɛɛ nu te agyirɛ aburanyɔ.

Hesekiel 46:24

Yeɛ osele me kyɛ, “Ɛhemɔ ole gyaale mɔ, nekaa bɔ awuro ne anu somvoɛ mɔ bɛkɔto mmenia nemɔ b’afɔleɛ bɔ bahu ye ne.”

Hesekiel 47:12

Mmakaa ahoroɔ amukoraa bɔ bedi ɔ kofifi asue ne noa, wɔ ye bue nyɔ ne. Bɛ nyaa ngɔkese, yeɛ mmaa ngɔpa so. Bosome biala bekosu mmaa foforɛ, ofikyɛ nzue bɔ benya ye ne ofi nekaa krongron berɛ. Bekoli bɛ mma ne, né bafa bɛ nyaa koso bayɛ ayire.”

Hesekiel 47:2

Yeɛ ɔfale me fale sorɔ dɔ anoa piri ne anu maa yɛfitele; ɔfale me fale bondua dɔ bra yiale wale dwaaso anoa piri bɔ ye nye nea eyia afiteleɛ ne anwo, na nwuni kyɛ nzue ne ɔsẽ fi famaa so dɔ.

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Sakaria 14:4

Sɔ kyẽa ne, ye gya kogyinagyina Olive bokaa bɔ ɔwɔ Yerusalem ndendeneɛ so wɔ eyia afiteleɛ ne aso. Olive bokaa ne anu kodwa nyɔ kofi eyia afiteleɛ koodwu eyia atɔleɛ maa ɔkɔyɛ bɔnza kandinga paa, maa ɔnate so bokaa ne bue kɔhwe kɔhɔ sorɔ dɔ, ná ye bue koso wahwe wahɔ ngwaen dɔ.

Sakaria 14:8

Sɔ kyẽa ne, ngoa nzue kɔtengyɛ kofi Yerusalem; ye bue kɔhɔ eyia afiteleɛ ɛpo ne anu, yeɛ ye bue kɔhɔ eyia atɔleɛ ɛpo ne anu; na ɔkɔtengyɛ ahuhuro ne prakasua mmerɛ.

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.