Hesekiel 45:4 - AHYERƐLƐ KRONGRON

⁴ Berɛ yeɛ ɔkɔyɛ aseɛ ne anu nekaa krongron ne ɔ. Asɔfo mɔ bɔ bɛyɔ ɛsɔnenɛ adwuma wɔ nekaa krongron ne anu, bɔ bepingye AWURADE bɛso ye ne, ɔkɔyɛ bɛ deɛ. Berɛ kɔyɛ b’awuro mɔ ɔne aseɛ krongron bɔ nekaa krongron ne ɔwɔ ɔ.

Hesekiel 45:4 Iomraidhean Croise

Hesekiel 40:45

Na osele me kyɛ, Sɔ pumbu he bɔ ye nye kyire ngwaen ne, asɔfo mɔ bɔ bɛnea awuro ne aso ne yeɛ ɔte bɛ deɛ ɔ;

Hesekiel 40:46

na pumbu bɔ ye nye kyire sorɔ dɔ ne, asɔfo mɔ bɔ bɛyɔ afɔleɛ bokyea ne aso adwuma ne, ɔte bɛ deɛ. Bɛ ole Sadoke boso ama, bɔ bɛte Lewi boso ama, bɔ bɛ yeɛ bepingye AWURADE bɛsɔne ye ne.

Hesekiel 43:19

Lewifoɛ bɔ bɛte asɔfo bɔ bɛte Sadoke bosofoɛ ne, bɔ yeɛ bepingye me bɛbaso me ne, fa nandwie nyii akrɔngrɔma ko ma bɛ ma bɛbɔ bɔne nwo afɔleɛ, AWURADE Nyameɛ noa dwirɛ ɛne.

Hesekiel 44:28

“Na bɔ ɔkɔyɛ b’agyapadeɛ de, me AWURADE yeɛ nde b’agyapadeɛ ɔ. Nnɛma ɛmɔma bɛ kyɛfa biala wɔ Yisrael, na me yeɛ nde bɛ kyɛfa ɔ.

Hesekiel 45:1

Na sɛ ɛmɔfa serewagualɛ so bɛkyɛ aseɛ ne maa ɔyɛ agyapadeɛ a, odi kyɛ ɛmɔpɛ aseɛ ne bie betu besie berɛ maa ɔyɛ krongron ma AWURADE. Ye tendenn nu kɔyɛ agyirɛ apee aburanyɔ ne nnu, yeɛ ye tɛtrɛtɛɛ nu kɔyɛ agyirɛ apee buru; na sɔ aseɛ ne kɔyɛ krongron wɔ ye nekaa biala.

Hesekiel 45:3

Na sɔ aseɛ ne bɔ apɛ ato berɛ ne, susu nu bie bɔ ye tendenn nu te agyirɛ apee aburanyɔ ne nnu, bɔ ye tɛtrɛtɛɛ nu te agyirɛ apee buru ɔ, bɔ nu yeɛ ɔkɔyɛ nekaa krongron ne, krongron nu krongron ne ɔ.

Hesekiel 48:8

“Bɔ ɔtoa Yuda aseɛ deɛ aso, ofi eyia afiteleɛ so kodwu eyia atɔleɛ so ne, ɔte aseɛ bɔ odi kyɛ ɛmɔpɛ bɛto berɛ ɔ. Odi kyɛ ye tɛtrɛtɛɛ nu yɛ agyirɛ apee aburanyɔ ne nnu. Yeɛ ye tendenn nu, ofi eyia afiteleɛ kodwu eyia atɔleɛ so ne, odi kyɛ ɔne abusua biala ye aseɛ deɛ bɛyɛ pɛ; na ye afia berɛ yeɛ nekaa krongron ne kɔwa ɔ.

Numeri 16:5

Na osele Kora ne ye lɔen ne amukoraa kyɛ, “Ɛhema ngyerɛmɔ, AWURADE kɔmaa yɛkonwu sona horɛ bɔ ɔte AWURADE deɛ ɔ, bɔ ɔte krongron ɔ, ɔne bɔ ɔkɔpene so maa okopingye ye ɔ. Sona bɔ AWURADE kɔnea nu kɔye ye ne, ɔkɔmaa okopingye ye.