Hesekiel 45:3 - AHYERƐLƐ KRONGRON

³ Na sɔ aseɛ ne bɔ apɛ ato berɛ ne, susu nu bie bɔ ye tendenn nu te agyirɛ apee aburanyɔ ne nnu, bɔ ye tɛtrɛtɛɛ nu te agyirɛ apee buru ɔ, bɔ nu yeɛ ɔkɔyɛ nekaa krongron ne, krongron nu krongron ne ɔ.

Hesekiel 45:3 Iomraidhean Croise

1 Ahemvo 6:16

Sua ne akunu dɔ paa, osili pumbu fa yɛle krongron nu krongron ne. Ɔfale sida mane pumbu ne anwo fili aseɛnwo oodwuli abuu ne. Efi pumbu ne anwo bɔ ɛkɔ sua ne bo dɔ paa ne, ɔte agyirɛ aburanyɔ.

Hesekiel 45:2

Sɔ aseɛ ne aso ala, aseɛ ahinanan bɔ ye tendenn nu te agyirɛ ɛyaa nnu, bɔ ye tɛtrɛtɛɛ nu koso sɔ ala ɔ, yeɛ ɔkɔyɛ nekaa krongron ne ɔ. Ma aseɛ bɔ ye piri te agyirɛ aburannu ɔ ɔla ye nwo bra yia.

Hesekiel 45:4

Berɛ yeɛ ɔkɔyɛ aseɛ ne anu nekaa krongron ne ɔ. Asɔfo mɔ bɔ bɛyɔ ɛsɔnenɛ adwuma wɔ nekaa krongron ne anu, bɔ bepingye AWURADE bɛso ye ne, ɔkɔyɛ bɛ deɛ. Berɛ kɔyɛ b’awuro mɔ ɔne aseɛ krongron bɔ nekaa krongron ne ɔwɔ ɔ.

Hesekiel 48:10

Aseɛ krongron ne, ɔkɔyɛ asɔfo nemɔ bɛ deɛ. Ye sorɔ dɔ tendenn nu kɔyɛ agyirɛ apee aburanyɔ ne nnu, eyia atɔleɛ bue nu dɔ tɛtrɛtɛɛ kɔyɛ agyirɛ apee buru, eyia afiteleɛ bue nu dɔ tɛtrɛtɛɛ kɔyɛ agyirɛ apee buru, yeɛ ye ngwaen dɔ tendenn nu kɔyɛ agyirɛ apee aburanyɔ ne nnu, bɔ AWURADE nekaa krongron ne kɔwa ye afia ɔ.

Hesekiel 48:8

“Bɔ ɔtoa Yuda aseɛ deɛ aso, ofi eyia afiteleɛ so kodwu eyia atɔleɛ so ne, ɔte aseɛ bɔ odi kyɛ ɛmɔpɛ bɛto berɛ ɔ. Odi kyɛ ye tɛtrɛtɛɛ nu yɛ agyirɛ apee aburanyɔ ne nnu. Yeɛ ye tendenn nu, ofi eyia afiteleɛ kodwu eyia atɔleɛ so ne, odi kyɛ ɔne abusua biala ye aseɛ deɛ bɛyɛ pɛ; na ye afia berɛ yeɛ nekaa krongron ne kɔwa ɔ.