Hesekiel 44:7 - AHYERƐLƐ KRONGRON

⁷ Ye ole kyɛ, ɛmɔma amanvrafoɛ bɛba nu, ɛmɔma mmenia bɔ bɛte bɛmbɛ-bɛ-bienzuafoɛ wɔ ahone nu ne anwoɔnaen nu ɔ bɛba me nekaa krongron ne anu bɛbagua m’awuro ne anwo fiɛ, wɔ mmerɛ bɔ ɛmɔfa m’aleɛ, ɛloe ne mogya bɛbrɛ me ɔ. Na ɛmɔafa ɛmɔ akyiwadeɛ yɔleɛ ne amukoraa babu m’apam ne aso.

Hesekiel 44:7 Iomraidhean Croise

Gyenesise 17:14

Na bienzua biala bɔ bambɛ ye bienzua nen, bɛkɔpɛ ye asue bekofi ye maen nu, ofikyɛ wabu m’apam ne aso.”

Ɛksadɔso 12:43

Na AWURADE sele Mose ne Aarɔn kyɛ, “Abɔtra ne nwo nhyehyɛleɛ ɛhe: amanvraniɛ biala nni ye aleɛ ne bie.

Ɛksadɔso 12:48

Na sɛ ɛwɔfoɛ bie ɔne wɔ yeɛ bɛte ɔ, ná okuro kyɛ odi Abɔtra aluolue ne ɔye AWURADE ayɛ a, ye de maa bɛpɛ ye nwo ama mmienzua mukoraa bɛ bienzua, amaa wanya ye nwo ate wali bie. Ɛhe kɔmaa ɔkɔyɛ kyɛ maen ne anu niɛ; nakoso bɔ bɛppɛle ye bienzua ne de, ɔnzɛ kyɛ odi bie.

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yeremia 11:10

Bɛ nana mɔ amumuyɛɛ bɔ bɛyɔle, bɔ banguro kyɛ bekotie me dwirɛ ne, basa baayɔ bie; baali nyameɛ foforɛ mɔ asi baso bɛ. Yisrael awuro ama ne Yuda awuro ama babu m’apam bɔ me ne bɛ nana mɔ yɛyɛle ne aso.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Yeremia 4:4

Ao Yudafoɛ ne Yerusalemfoɛ, odi kyɛ ɛmɔye ɛmɔ ahone nwo bɔne ndwirahoɛ ne wɔ AWURADE nyunu, kyɛbɔ bɛpɛ sona ye bienzua ɔ, Wanyɛ sɔ a, m’ahone kohu kyɛ see, na okogye alaa bɔ ebiala ngɔhora ye nua ɔ, ɔnate ɛmɔ bɔne yɔleɛ ne ati.

Yeremia 9:25

AWURADE nwa nyoo, “Tie, mmerɛ bie ɔ́ba, bɔ mmenia bɔ bɛpɛ bɛ bienzua, nakoso bɛbɔ bɛ bra kyɛ mmenia bɔ bɛmbɛ bɛ bienzua ne, ngɔhwe bɛ mukoraa bɛ so:

Yeremia 9:26

Misraim, Yuda, Edom, Amonfoɛ yeɛ Moabo ne bɛ bɔ bɛte ɛserɛ so amukoraa bɔ bepiapia bɛ ti angyɛnu ɔ. Ofikyɛ sɔ maen nemɔ amukoraa bɛmbɛ bɛ bienzua, na Yisrael awuro ama amukoraa, b’ahone nu de, bɛmbɛ bɛ bienzua.”

Hesekiel 22:26

Ye asɔfo mɔ babu me mmeraa so, bagua me nningyein krongron nemɔ anwo fiɛ; bɛmma nzonzoleɛ nna nningyein bɔ bɛte krongron ɔne bɔ bɛtte krongron ɔ b’afia; yeɛ bengyire nzonzoleɛ bɔ ɔla nikyee bɔ ye nwo te ɔ ɔne bɔ ye nwo nde ɔ b’afia, bɛmva m’afofingyẽa nemɔ bɛnyɛ huu, na bagua me nwo fiɛ wɔ bɛ nu.

Hesekiel 44:15

“Nakoso Lewifoɛ bɔ bɛte asɔfo, bɔ bɛte Sadoke boso ama, bɔ bɛyɔle me nekaa krongron ne anu adwuma, mmerɛ bɔ Yisraelfoɛ belili makyebu befili me nwo ne, bɛ de, bekopingye me bɛkɔso me, na bekogyina me nyunu bɛkɔfa ɛloe ne mogya bɛkɔbrɛ me, AWURADE Nyameɛ noa dwirɛ ɛne.

Hesekiel 44:9

“Yiti AWURADE Nyameɛ nwa nyoo: Amanvoraniɛ biala, bɔ ɔmbɛ ye bienzua wɔ ahone nu ne anwoɔnaen nu, amanvrafoɛ amukoraa bɔ baafra Yisraelfoɛ nu ne, onni kyɛ bewura me nekaa krongron ne anu.

Hesekiel 7:20

Bɛfale bɛ mbembenanneɛ nyemene nemɔ bɛhoahoale bɛ nwo, bɛfa bɛyɔle akyiwadeɛ amoen mɔ, bɔ ɔte bɛ nningyein bɔ mekyi ne. Ye sɔ ati, ngɔmaa ɔkɔkakyi bɛ so akyiwadeɛ nikye.

Lewitikɔso 17:11

Ofikyɛ anwoɔnaen biala, ye ngoa wɔ ye mogya nu; na mafa mogya mama ɛmɔ wɔ afɔleɛ bokyea ne aso kyɛ ɛ́mɔfa bɛ́yɛ mbata bɛ́ma ɛmɔ kra. Ngoa wɔ mogya nu, yiti mogya yeɛ odi kyɛ bɛfa bɛyɛ mbata ɔ.

Lewitikɔso 21:17

“Ka kyire Aarɔn kyɛ, Wɔ bosofoɛ nemɔ, wɔ b’aworɛ ndoatoasoɛ amukoraati nu, nnɛma bɛ nu biala bɔ wali nnɛen ɔba afɔleɛ bokyea ne anwo ɔbafa ye Nyameɛ aleɛ ɔma ye.

Lewitikɔso 21:21

Nnɛma ɔsɔfo Aarɔn bosoniɛ biala bɔ wali nnɛen ba afɔleɛ bokyea ne anwo kyɛ ɔbaabɔ see so afɔleɛ ma AWURADE; wali nnɛen ne ati, onni kyɛ ɔba afɔleɛ bokyea ne anwo kyɛ ɔfa ye Nyameɛ aleɛ ɔbrɛ ye ɔ.

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Lewitikɔso 22:25

yeɛ nnɛma ɛmɔde sɔ ngaka nemɔ bie befi ɛwɔfoɛ bie berɛ bɛfa bɛbɔ afɔleɛ bɛma ɛmɔ Nyameɛ. Ɔnate kyɛ ngekalewa wɔ bɛ nwo ná bali nnɛen ne ati, Nyameɛ nye ngɔsɔ.

Lewitikɔso 26:15

sɛ ɛmɔpo m’ahyɛdeɛ, ná ɛmɔtwi bɛfa me nhyehyɛleɛ so, ná ɛmɔanni me mmeraa dwirɛ amukoraa so, ná ɛmɔbu m’apam so a,

Lewitikɔso 26:41

maa ɔnate so me koso ngɔle so ndwɔso ndiale bɛ, na mvale bɛ mmale bɛ pɔfoɛ mɔ aseɛ so; sɛ bɛbrɛ b’ahone bɔ wapini ne ase, ná bede bɛto nu kyɛ bedi fɔ a,

Malaki 1:7

Ɛmɔfa aleɛ bɔ ye nwo agua efiɛ ɔ bɛbɔ afɔleɛ wɔ m’afɔleɛ bokyea so, nakoso ɛmɔbisa kyɛ, ‘Atee beni aso yeɛ yagua wɔ nwo fiɛ ɔ?’ Ye ole kyɛ, ɛmɔdwene kyɛ AWURADE poen ne de, ɛkora bu ye animtia.

Malaki 2:4

Na ɛmɔkonwu kyɛ me yeɛ nzomane maa bɛfale sɔ mmeraa dwirɛ ne bɛbrɛle ɛmɔ ɔ, amaa ɔnate so me ne Lewi apam ne watindim, Asafo AWURADE noa dwirɛ ɛne.

Malaki 2:8

Nakoso ɛmɔali makyebu bafi atee ne aso; ɛmɔafa ɛmɔ noa dwirɛ bama mmeni pee basoti bafi mmeraa ne anwo; ɛmɔagua Lewi apam ne anwo fiɛ, Asafo AWURADE noa dwirɛ ɛne.

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Deuteronomi 10:16

Yiti odi kyɛ ɛmɔye ɛmɔ ahone nwo bɔne ndwirahoɛ ne, na nnɛma ɛmɔyɛ asoserɛ ko.

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Deuteronomi 31:20

Ofikyɛ, mefa bɛ mekodwu aseɛ bɔ nyɔfonesue ne woɛ tengyɛ wɔ so, bɔ ndale ndaen kyɛ ngɔfa ngɔma bɛ nana mɔ ne aso, ná bedidi ma bɛ ko yi, ná bɛyɛ mbiri mbiri a, bekooli nyameɛ foforɛ biemɔ si bɛkɔso bɛ, bɛkɔpo me, ná babu m’apam ne aso.

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.