Hesekiel 44:6 - AHYERƐLƐ KRONGRON

⁶ Na kã kyire mmenia bɔ bayɛ lɔen ne, bɔ bɛ ole Yisrael awuro ama ne, kyɛ, AWURADE Nyameɛ nwa nyoo: O Yisrael awuro ama, wayɛ yee! Ɛmɔ akyiwadeɛ yɔleɛ ne amukoraa, ɛ́mɔpɛ so!

Hesekiel 44:6 Iomraidhean Croise

Hesekiel 3:9

Mama w’ahone ayɛ se watra nyɔboɛ bɔ ɔyɛ se tra twerɛboɛ ɔ. Nnɛsuro bɛ, yeɛ nnɛsuro bɛ nyunu, ofikyɛ bɛte abusua bɔ bayɛ lɔen ɔ.”

Hesekiel 45:9

“AWURADE Nyameɛ nwa nyoo: O Yisrael ahemvo mɔ, wayɛ yee! Ɛ́mɔyakyi asisie ne nhyɛsoɛ ne, ná mmom ɛ́mɔyɔ bɔ ɔte pɛpɛɛpɛ ne bɔ ɔtengyɛ ɔ. Nhyɛsoɛ so bɔ ɛmɔfa bede aseɛ befi me mmenia sa nu ne, ɛ́mɔyakyi, AWURADE Nyameɛ noa dwirɛ ɛne.

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.