Hesekiel 44:5 - AHYERƐLƐ KRONGRON

⁵ Na AWURADE sele me kyɛ, “Sona awa, ma w’adwene bra so, gyene wɔ nye nea ye yé, ná fa wɔ so tie nhyehyɛleɛ mukoraa bɔ mebaahã mekyire wɔ mefa AWURADE awuro ne anwo, ɔne ye nwo mmeraa amukoraa nwo, ná nea ye yé nwu bɛ bɔ ɔfata kyɛ bɛba awuro ne anu, ɔne bɛ bɔ bɛmvata kyɛ bɛba nekaa krongron ne anu ɔ.

Hesekiel 44:5 Iomraidhean Croise

1 Aberɛso Dwirɛ 22:19

Yiti ɛ́mɔfa besie ɛmɔ nye so kyɛ ɛmɔkɔfa ɛmɔ adwene ne ɛmɔ ahone bekoli AWURADE ɛmɔ Nyameɛ si ɔ. Ɛmɔɔsi AWURADE Nyameɛ nekaa krongron ne, amaa ɔnate so ɛmɔafa AWURADE apam alaka ne, ɔne Nyameɛ nningyein krongron ne, basie awuro bɔ ɛmɔkosi bɛkɔfa AWURADE dumaa bɛkoto so ne anu.”

2 Aberɛso Dwirɛ 11:16

Yisraelfoɛ bɔ né bɛpena kyɛ bɛso AWURADE Yisrael Nyameɛ nahorɛ nu ne, befili Yisrael mmusua kure ne amukoraa nu bɛwale Yerusalem bɛɛbɔle afɔleɛ bɛmane AWURADE, bɛ nana mɔ Nyameɛ ne.

Edwein 119:4

Afa wɔ nhyehyɛleɛ ayɛ ahyɛdeɛ, kyɛ yɛli so nahorɛ nu.

Edwein 24:3

Nwa yeɛ ɔkɔfo AWURADE bokaa ne ɔ? Nwa yeɛ okogyina ye nekaa krongron berɛ ɔ?

Ɛksadɔso 9:21

Nakoso bɛ nu biemɔ bɔ bemmu AWURADE dwirɛ ne de, bɛyakyili bɛ ngoaa ne bɛ nyɛmmoa mɔ wɔ eburo.

Anyandera 24:32

Nwuni ye ne, ndwenene ye nwo yé, nneane, na nzuane nworɛ he mvili nu:

Hesekiel 40:4

Na biaa ne sele me kyɛ, “Sona awa, fa wɔ nye nea, ná fa wɔ so tie, ná ma w’adwene bra bɔ mebaala ye ali mekyire wɔ ne amukoraa so; ofikyɛ mvale wɔ mmale wa, kyɛbɔ ɔkɔyɛ bɔ ngɔye ngohyire wɔ ɔ. Bɔ enwu ye amukoraa, bɔ ye dawure kyire Yisrael awuro ama.”

Hesekiel 42:9

Pumbu nemɔ b’aseɛnwo dɔ ne, sɛ efi aluo berɛ pato nu dɔ ɛbaawura nu a, atee la eyia afiteleɛ so.

Hesekiel 46:19

Afei ɔfale me ɔɔfale atee bɔ ɔla anoa piri ne ngyɛnu dɔ ne aso, maa yɛɛwurale asɔfo mɔ pumbu krongron mɔ bɔ bɛ nye nea sorɔ dɔ ne anu. Na nwuni nekaa bie wɔ eyia atɔleɛ so dɔ nziɛ nziɛ.

Hesekiel 47:6

Yeɛ obisale me kyɛ, “Sona awa, aso anwu ɛhe?” Afei ɔfale me fale asue ne noa maa nzale me si.

Daniel 10:12

Yeɛ osele me kyɛ, “Daniel, nnɛsuro, ofikyɛ ofi kyẽa bɔ ɛyɛle w’adwene kyɛ ɛkɔte ye bo, ná ɛbrɛle wɔ nwo ase wɔ wɔ Nyameɛ nyunu nen, wate wɔ sufrɛ ne, na wɔ sufrɛ ne ati yeɛ mawa ɔ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

Deuteronomi 32:46

osele bɛ kyɛ, “Edwirɛ bɔ ɛnɛ kyẽa ye meka mefa medi adanzeɛ metia ɛmɔ ye, odi kyɛ ɛmɔfa besie ɛmɔ ti anu. Ɛ́mɔfa bɛ́tete ɛmɔ mma, amaa ɔnate so bɛ wora bali mmeraa he anu dwirɛ amukoraa so nahorɛ nu.