Hesekiel 44:3 - AHYERƐLƐ KRONGRON

³ Titireniɛ ne angome, ye yeɛ ɔkɔtena nu kodidi wɔ AWURADE nyunu ɔ. Ɔkɔfa anoa piri nu pato atee ne aso kɔwa nu, ná wasa wafa nu wafite.”

Hesekiel 44:3 Iomraidhean Croise

Gyenesise 31:54

Na Yakob bɔle afɔleɛ wɔ bokaa ne aso, na ɔfrɛle ye mmenia kyɛ beedidi; bedidili na bɛbɔle asiripɛ wɔ mmokaa aseɛ ne aso.

2 Ahemvo 16:18

Yeɛ atee bɔ bɛfa so wɔ ahemvie berɛ afofikyẽa ne, ɔne Yuda hene atee bɔ ɔfa so fite fi AWURADE asɔneyɛɛ sua ne anu ne, apata bɔ ɔkata bɛ so ne, Ahase tutuli, ofikyɛ né ɔpena kyɛ ɔsɔ Asiria hene nye.

2 Aberɛso Dwirɛ 23:13

Ɔtole ye nye neane, na onwuni kyɛ Nana Yoase gyi ye simbini ne anwo wɔ anoa nu berɛ. Né safohene nemɔ ne totorobɛndohulɛfoɛ begyigyi Nana Yoase anwo berɛ, bɔ maen ne anu mmenia amukoraa behu totorobɛndo bedi ahurusi ɔ. Né edweintolɛfoɛ betiratira sangoo beli maen ne anyunu maa bɛbɔ ese. Na Atalia sunzuale ye bɔbɔ ye tena nu teane nu kyɛ, “Bayɛ lɔen oo! bayɛ lɔen oo!”

2 Aberɛso Dwirɛ 34:31

Nana Yosia gyinane ye simbini ne anwo, na ɔyɛle apam wɔ AWURADE nyunu, kyɛ okoli AWURADE si, kyɛ ɔkɔfa ye ahone amukoraa ne ye kra amukoraa koli AWURADE mmeraa dwirɛ, ye noa dwirɛ ne ye ahyɛdeɛ so; kyɛ apam ne anu dwirɛ bɔ bahyerɛ ye wɔ nwomaa he anu ne, okoli so.

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Yesaya 62:9

Na mmom bɛ bɔ bɛboaboa ye noa ne, bɛ yeɛ bekoli ná baye AWURADE ayɛ ɔ; bɛ bɔ bɛboaboa bobe mmaa ne noa ne, bɛ yeɛ bɛkɔno ye wɔ me nekaa krongron n’aluo berɛ ɔ.”

Hesekiel 34:24

Na me, AWURADE, ngɔyɛ bɛ Nyameɛ, na me somvoɛ Dawide yeɛ ɔkɔyɛ bɛ so panyi kotua bɛ noa ɔ; me, AWURADE, me yeɛ mahã ɔ.

Hesekiel 37:25

Bɛkɔtena aseɛ bɔ mva mane me somvoɛ Yakob, bɔ ɛmɔ nana mɔ tenane so ne aso; na bɛ ne bɛ mma mɔ ne bɛ nnomaa mɔ bɛkɔtena berɛ daa, na me somvoɛ Dawide koli bɛ so panyi daa.

Hesekiel 40:9

Afei osusuli pato nu berɛ atee bɔ ɔfa anoa piri ne anu nen, né ɔte agyirɛ mmɔtwɛ, ye mbuna nemɔ te agyirɛ nyɔ; pato nu berɛ anoa ne, né ye nye kyire awuro ne anu dɔ.

Hesekiel 46:12

Sɛ ɛhene ne ɔbaabɔ akyɛdeɛ afɔleɛ ma AWURADE a, kyɛ naen yeralɛ afɔleɛ oo, anaa asomdwee afɔleɛ oo, odi kyɛ bebukye anoa piri bɔ ye nye kyire eyia afiteleɛ ne bɛma ye, na odi kyɛ ɔbɔ ye naen yeralɛ afɔleɛ ɔne ye asomdwee afɔleɛ ne kyɛbɔ ɔyɔ ye afofikyẽa ne ala. Afei odi kyɛ ofite, na ofite yie a, odi kyɛ bɛto anoa piri ne anu.

Hesekiel 46:2

Ɛhene ne, ɔkɔfa aluo dɔ anoa piri abrannaa ne aso ɔkɔhɔ nu, na okoogyina anoa piri aponnwaa ne anwo. Asɔfo nemɔ kɔbɔ ye naen yeralɛ afɔleɛ ɔne ye asomdwee afɔleɛ ne, na ɔkɔsɔne wɔ anoa piri aponnwaa ne anwo berɛ. Afei okofite, nakoso anoa piri ne de, onni kyɛ bɛto nu kɔpem kyɛ okodwu nɔsoa ɔ.

Deuteronomi 12:7

Ɛmɔ ne ɛmɔ awuro ama bekodidi berɛ wɔ AWURADE ɛmɔ Nyameɛ nyunu, na ɔnate ɛmɔ adwuma mukoraati bɔ AWURADE ɛmɔ Nyameɛ wayira ɛmɔ ye nwo ne ati, ɛmɔkoli ahurusi.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.