Hesekiel 44:12 - AHYERƐLƐ KRONGRON

¹² Na ɔnate kyɛ bɛyɔle ɛsɔnenɛ adwuma bɛmane Yisraelfoɛ wɔ bɛ mmosoen nemɔ anyunu maa ɔnate so ɔyɛle amumuyɛɛ sundidua mane Yisrael awuro ama ne ati, mafɛ bɛ so yaa kyɛ, bɛ sa kɔhã b’amumuyɛɛ nwo asohwenɛ, AWURADE Nyameɛ noa dwirɛ ɛne.

Hesekiel 44:12 Iomraidhean Croise

Edwein 106:26

Yiti ɔmane ye sa so tale ndaen guale bɛ so kyɛ, ɔkɔmaa bɛkɔtotɔ wɔ ɛserɛ ne aso,

Yesaya 9:16

Ofikyɛ bɛ bɔ bekyire maen he atee ne, bɛmaa bemini, na bediedie mmenia bɔ bekyire b’atee ne maa bɛkɔ ewue nu.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Hesekiel 20:23

Nza ndale ndaen ngyirele bɛ wɔ ɛserɛ ne aso, kyɛ ngɔbɔ bɛ ngɔsande ngɔhɔ maen maen mɔ nu, ná mato bɛ mapete aseɛ mɔ so;

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Hesekiel 44:10

Na Lewifoɛ bɔ bɛhwene bɛ nwo befili me nwo bɛhɔle dedeede, wɔ mmerɛ bɔ Yisrael lili makyebu beelili bɛ mmosoen mɔ si ne, bɛ sa kɔhã b’amumuyɛɛ nwo asohwenɛ.

Hesekiel 44:13

Onni kyɛ bepingye me bɛyɔ ɔsɔfo adwuma bɛma me ɔ, yeɛ onni kyɛ bepingye me nningyein krongron nemɔ biala, ɔne me nningyein krongron paa nemɔ. Na ɔnate akyiwadeɛ yɔleɛ bɔ bayɔ ne ati, b’animguaseɛ mata bɛ.

Hesekiel 48:11

Sɔ aseɛ ne kɔyɛ asɔfo mɔ bɔ basie bɛ nwo krongron ne bɛ deɛ, bɔ bɛ ole Sadoke boso ama nemɔ, bɔ bali me dwirɛ nwo nahorɛ, bɔ banni ye nwo makyebu wɔ mmerɛ bɔ Yisraelfoɛ belili ye nwo makyebu, kyɛbɔ Lewifoɛ belili ye nwo makyebu ne.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Amose 8:7

AWURADE ata Yakob anwomasoɛ ne anwo ndaen kyɛ, “Amba, me wora ngofi bɛ yɔleɛ nemɔ anu biala.